Welcome to Bayanmunkh's blog

Англи хэлний өргөн хэрэглэгддэг 200 үг

2010-05-28T10:17:00.000+08:00

1. Achive /эчиив/- хvрэх, гvйцээх, биелvvлэх
2. Agree /эгрии/- зөвшөөрөх, санал нэгдэх, дэмжих
3. Appreciate /эпришэйт/- таалагдах, илvv таалах, өндрөөр vнэлэх
4. Believe /билиив/- найдах, итгэх,vнэмших
5. cheap /чийп/- хямд, сул дорой, харамч
6. dream /дрийм/-зvvд, мөрөөдөх,сайхан зvйл
7. eager /ийжэ/- хорхойсох, эрч хvчтэй
8. extremely /экстримли/- vнэхээр, яг, туйлын
9. feel /фийл/- ухаж ойлгох, мэдрэх
10. free /фрий/- чөлөөтэй, завтай vнэгvй

11. lead /лийд/- удирдах, манлайлах, жолоодох
12. meet /мийт/- учрах, уулзах, танилцах
13. need /нйид/ - хэрэгтэй байх, шаардагдах
14. secret /сикрит/- нууц, нуугдмал
15. succeed /саксийд/- амжилт олох, амжилтад хvрэх
16. sweet /свийт/- анхилуун амттай, хөөрхөн
17. ability /абилити/- мэдлэг,чадвар, авъяас
18. business /бийзнис/- ажил, арилжаа vйл ажиллагаа
19. busy /бийзи/ - завгvй, чөлөөгvй
20. consider /консийдэр/- бодох, vзэх,….дагуу хэлэлцэх
21. delicious /дэлийшсэс/- амттай, таатай мэдрэмж
22. different /дийпфринт/- өөр, ялгаатай
23. difficult /дийфикvлд/- хvнд хэцvv, бэрх ярвигтай
24. diligent /дилийжэнт/- оролдлоготой, хичээнгvй
25. efficient /эфийшнт/- vр дvнтэй, чадварлаг
26. interesting /интэрэстин/- сонирхолтой, сонин
27. live /лийв/- амьдрах, орших
28. million /милион/- сая
29. rich /рийч/- элбэг, баян тансаг
30. sick /сийк/- өвчтэй, залхсан, гомдсон
31. silly/силлий/- инээдтэй, тэнэг, ухаан муутай
32. think /тийнк/- бодох, vнэмших, санах, таамаглах
33. visit /визит/- зочлох, очих, айлчлах
34. wish /вийш/- хvсэх, тэмvvлэх, хvсэл, дурлал
35. anybody /энибоди/ - хэн нэгэн, хэн ч
36. anything /энитийнг/- ямар нэгэн
37. benefit /бэнифийт/- ашиг тус, ашиг, тус хvртэх
38. depend /дэпээнд/- хамаарах, шалтгаалах
39. develop /дэвээлevп/- хөгжих, хөгжvvлэх, дэвших
40. energy /ээниржи/- энерги, чадавхи, эрч хvч
41. especially /эспээшли/- ялангуяа, ерөнхийдөө
42. essential /эссээншл/ - салшгvй, чухал, vндсэн
43. everybody /эврибади/- бvгдээрээ, хvн бvр
44. everything /эвритинг/- юм бvр, бvх юм
45. excellent /ээксэлэнт/- онцгой сайн, гойд
46. expensive /экспэйнсив/ - vнэтэй
47. forget /фогэт/- мартах, умартах
48. fresh /фрэйш/- цэнгэг, цэвэр, шинэ, эрvvл
49. generous /жейнерос/- өглөгч, энгийн бус, өгөөмөр
50. guess /гээсс/ - таах, таамаглах, төсөөлөл
51. impress /импрэсс/- сэтгэл хөдлөх, сэтгэгдэл төрvvлэх
52. intelligent /интэлийжэнт/- ухаалаг, ухаантай
53. pleasure /плээжeй/- тааламж, хvсэл таалал
54. question /кvэйчэн/- асуух, асуулт, асуудал, эргэлзээ
55. remember /римэмбээ/- санах, мэдэх, дурсах
56. special /спэйшл/- онцгой, тусгай
57. suggest /сажэйст/- санал болгох, батлах
58. terrible /тэрибээл/- аймаар, зэвvvн, тааламжгvй
59. together /тюvгээдр/- хамт, цуг, цугларах
60. welcome /вээлком/- уулзах,мэндлэх, хvлээн авах
61. absolutely /абсолютли/- туйлын, vнэхээр, яг
62. action /айкшн/ -vйл ажиллагаа
63. challenge /чэйланж/- уриалах, хvч сорьсон зvйл
64. chance /чэйнс/- боломж, тохиолдол, эрсдэл
65. embarrass /эмбайрос/- сандрах, бажгадах
66. exactly /эгзайтли/- яг зөв, туйлын vнэхээр
67. exaggerate /эгзаграйэт/ - давслах, хэтрvvлэх
68. examination /эгзаминэйшн/- шалгалт, шvvлэг
69. fantastic /файнтастик/- хачин гайхамшигтай
70. graduate /грайдюvвэйт/- төгсөх
71. handle /хайндл/- учрыг нь олох, харьцах
72. happy /хайппи/- аз жаргалтай, таатай
73. laugh /лаф/- инээх, хөхрөх, шоолох
74. outstanding /аутстайндинг/- онц сайн, төлөвлөгдөөгvй
75. plan /плэйн/- төлөвлөгөө, төлөвлөх
76. practice /прайктис/-давтах, сургуулилах, дасгал
77. shallow /шайлevв/- гvехэн, намхан, хоосон толгойтой
78. understand /андирстэйнд/- ойлгох, мэдэх, таних
79. discover /дисковэр/ - нээх, илрvvлэх
80. enough / инааф/- хангалттай, хvрэлцээтэй
81. funny /фаанни/ - хөгжилтэй
82. hungry /хангри/ - өлсөх
83. just /жааст/ - яг, өчvvхэн
84. love /лаав/- хайр, хайрлах, дурлах, сонирхох
85. luck /лак/ - аз завшаан
86. money /мани/ - мөнгө
87. nothing /ноттин/- юу ч , аль ч, чухал биш
88. other /оодэр/ -бусад, өөр , хоёрдогч
89. somebody /сомбади/ - хэн нэгэн, vл таних нэгэн
90. something /сомтин/ - зарим нэг юм, …..шиг, юм
91. touch /таач/- хvрэх
92. trouble/трабл/- хvндрэл, эрсдэл, өвчин
93. trust /трааст/- итгэх, итгэл
94. wonderful /вондэрфvvл/- гайхамшигтай, шагшрам
95. young /яан/- залуу, хөгжингvй
96. deserve /дэзээрв/ - хэрэгтэй, ашигтай, байх, хvсэх
97. dirty /дeeрти/- бохир бvдvvлэг
98. encourage /инкevрж/- урамшуулах, дэмжих
99. learn /лeйрн/- судлах, суралцах, олж мэдэх
100. hurt /хeйрт/ - өвтгөх, гэмтээх, бэртээх
101. personal /перзнал/- хувийн , хувь хvний
102. work /вeeрк/-ажиллах, ажил мэргэжил
103. world /вeeрлд/- дэлхий, ертөнц, орчлон
104. worry /вори/ - санаа зовох, яршиг болох
105. worst /вeeрст/- хамгийн муу, бусдаас муу
106. argue /ааргюv/- маргах, vл зөвшөөрөх
107. hard /хаард/- хvнд, бэрх, хэцvv, шаргуу
108. heart /хаарт/- зvрх зориг
109. apologize /апаложчайяз/- уучлалт гуйх, хvлцэл өчих
110. bother /боодэр/- уурлуулах, саад болох
111. confident /коонфидэнт/- бvрэн итгэлтэй
112. impossible /импоосибл/- боломжгvй, бvтэшгvй
113. job /жоб/- ажил, мэргэжил
114. knowledge /ноулиж/- мэдлэг, туршлага
115. possible /поосибил/- боломжгvй, бvтэшгvй
116. problem /проблэм/- асуудал
117. promise /проомис/- амлах, амлалт
118. prosperous /проспийрёс/- хөгжин цэцэглэсэн, баян тансаг
119. responsible /рэспоонсибэл/- итгэлтэй, хариуцлагатай найдвартай
120. stop /стооп/- зогсох, сэргийлэх, зайлсхийх
121. tomorrow /томооров/-маргааш, ирээдvйд
122. want /воонт/- хvсэх, тэмvvлэх, эрж хайх
123. afford /аффорд/- боломж олгох, дийлэх, чадах
124. always /оолвэйз/- vргэлж, дандаа
125. boring /боорин/- уйтгартай, гунигтай, залхуутай
126. gorgeous /гооржис/- гайхамшигтай сайхан, агуу
127. important /импоортант/-чухал, vр дvнтэй, vнэ цэнэтэй
128. strong /строон/- хvч чадалтай, эрvvл чийрэг
129. beautiful /биюvтифvл/ - сайхан, гоё, хөөрхөн
130. choose /чvvз/- сонгох, шилэх
131. cool /кvvл/- сэрvvн, тайван, сайхан, гоё
132. enthusiasm /энтуизиазм/- сэтгэл хөдөлгөсөн, сонирхолтой
133. excuse /экскиюз/- уучлах, хvлцэх, өршөөх, шалтаг
134. fool /фvvл/- тэнэг, мэхлэх, хуурах
135. improve /импрvvв/- сайжруулах, дээшлvvлэх
136. opportunity /оппортюнити/- боломж, тохиолдол
137. soon /сvvн/- удахгvй, төдөлгvй, мөд
138. stupid /стюvпит/- тэнэг, мохоо, мулгуу
139. unusual /анюvжил/ - ер бусын , энгийн биш, ховор
140. look /лvvк/- харах,….шиг харагдах, харц, дvр төрх
141. afraid /эфрэйд/ - айх, эмээх, гэмших
142. amazing /амэйзн/ - гайхалтай, хачин, гайхамшигтай
143. ashamed /ашэймд/ - гэмшсэн, ичсэн, нvvр улайсан
144. change /чэйнж/ - өөрчлөх, солих,
145. cooperation /коопирэйшн/- хамтын ажиллагаа, хамтран ажиллах
146. dangerous /дэйнжирevс/ - аюултай, хортой
147. determination /дэтэрминэйшн/- тодорхой ирээдvйн зорилго
148. education /эдюvкэйшн/- боловсрол, мэдлэг
149. famous /файмevс/- алдартай, олны танил, нэртэй
150. great /грийт/- агуу, ер бусын сайхан
151. hate /хэйт/ - vзэн ядах, дургvй байх
152. lazy /лэйзи/- залхуу, залхуутай, назгай
153. mistake /мистэйк/- алдаа, эндvvрэл
154. pain /пэйн/- өвчин, эмгэг шарх
155. pay /пэй/ - төлөх, …….д анхаарал тавих
156. strange /стрэйнж/ - хачин сонин, гадны танихгvй
157. today /тvдэй/- өнөөдөр, өнөө vе
158. waste /вэйст/ - гарз, хохирол, дэмий өнгөрvvлэх
159. advice /эдвайс/- зөвлөгөө, зөвлөх
160. admire /эдмайэр/- гайхах, шагшрах
161. decide /дисаяд/- шийдэх, шvvх
162. desire /дизайёр/- тэмvvлэх, хvсэх, мөрөөдөл
163. environment /энвайяромэнт/- орчин
164. exciting /эксайтин/- сэтгэл хөдөлгөсөн, сэтгэлд нийцсэн
165. invite /инвайт/- урих, залах
166. lie/лаая/- хэвтэх, байх, худал ярих
167. life /лайяф/- амьдрал
168. mind /майянд/- санаа, ой ухаан,санаа тавих
169. surprising /сюрпрайзин/- гайхширмаар, санаанд оромгvй
170. time /тайм/- цаг хугацаа
171. tired /тайярд/- ядарсан, залхсан
172. try /трай/- оролдох, хичээх
173. annoying /энноэйн/- ядаргаатай, уур хvрмээр
174. appointment /эппойнтмэнт/- болзоо, тов
175. disappoint /дисаппойнт/ - урам хугалах, найдвар таслах
176. employ /эмплой/- ажил эрхлэх, ажил олгох
177. enjoy /энжой/- таалагдах, дуртай байх, таатай байх
178. join /жойн/- нэгдэх, хамтрах, элсэх
179. doubt /даапт/- эргэлзэх, эргэлзээ, тээнэгэлзэх
180. lousy /лайузи/-маш муу, балиар заваан
181. outgoing /аутгeийн/- нөхөрсөг, нийтэч
182. proud /прауд/- бардам, эхэмсэг, бахдам
183. thousand /таузэнд/-мянга
184. global /глevбэл/- глобаль, дэлхий, ертeнц
185. hope /хevп/- найдах, итгэх
186. nobody /нevбади/- хэн ч, хэн ч биш
187. only /оонли/- зөвхөн, дөнгөж, гэвч
188. suppose /сeуппevз/ - таамаглах, найдах, хvлээх,……..бол
189. experience /экспийрэнс/- дадлага, туршлага, адал явдал
190. fear /фиэр/- айдас, аймшиг, болгоомжлол, айх
191. mysterious /мийстэрс/- тайлагдашгvй, нууцлаг
192. serious /сэриёс/ - чухал, ноцтой
193. idea /айдиа/- санаа, vзэл бодол, илтгэл
194. realize /рийлайз/- ухаарах, биелvvлэх
195. weird /виэрд/- хачин, сонин, байж боломгvй
196. care /кэёр/- анхаарах, санаа тавих
197. prepare /припэёр/- бэлдэх, бэлэн болгох
198. share /шэйер/-хуваалцах, ядуу, ядмаг
199. poor /пөvр/-хөөрхий, ядуу ядмаг
200. sure /шюvр/- итгэлтэй, тодорхой, эргэлзээгvй

Үнэ цэнэтэй, шилдэг ажилтанаа яаж авч үлдэх вэ

2010-01-20T09:56:00.001+08:00

Түлхүүр ажилтнуудыг удаан тогтвортой ажиллуулах гэдэг нь бизнесийн амжилт, тогтвортой ажиллагаанд маш чухал үзүүлэлт болдог. Менежерүүд сайн ажилтныг тогтвортой ажиллуулах нь үйлчлүүлэгчдийн сэтгэл ханамж, бүтээгдэхүүний борлуулалт, бусад ажилтнуудын сэтгэл ханамж, байгууллагын ажил төлөвлөлт зэрэгт маш сайн нөлөөтэй байдаг гэдэгтэй санал нийлдэг. Хэрэв менежерүүд эдгээр шалтгаануудыг сайн мэддэг юм бол яагаад шилдэг ажилтнууд ажлаасаа гарах нөхцөл байдал үүсдэг вэ?

Ажилтнууд ажлаас гарах нь мэдээж тохиолддог л зүйл. Гэхдээ байгууллагын хувьд шинэ ажилтныг хайх, сургах, дадлагажуулах гэх мэтчилэн зардалтай байдаг. Судалгаанаас үзэхэд дунд шатны менежер ажлаас гарахад байгууллагад түүний цалингийн 100%-тай тэнцэх хохирол гардаг. Удирдах албан тушаалтны хувьд түүнээс ч их. Жилийн цалингаас 2 дахин их хэмжээний алдагдал бий болгох чухал албан тушаалтнууд ч байдаг.

Хүний нөөцийн урсгал нь танай байгууллагын хүний нөөцийн бодлогын алдааг харуулж байдаг. Хэрэв та чухал түлхүүр ажилтнаа алдсан бол тэр салбарт ажиллаж байгаа бусад ажилтнууд ч бас тийм бодолтой байгаа гэдэгтэй мөрийцөхөд бэлэн байна. Ажлаас гарч байгаа хүнтэй уулзалт хийж судалгаа авах нь үлдэж байгаа ажилтнуудаа авч үлдэхэд маш чухал мэдээллийг танд өгнө. Та үүнээс илүү хэрэгтэй мэдээллийг олж чадахгүй.

Шилдэг ажилтнуудаа тогтвортой ажиллах нөхцлийг бүрдүүлэх хамгийн шилдэг 10 зөвлөгөөг бичлээ :

1. Зарим менежментийн онолчдын судласнаар сэтгэл ханамжтай ажилтан өдөр тутам юу хийх ёстойгоо сайн мэддэг. Харин энэ хүлээлтийг өөрчилснөөр тодорхойгүй байдлыг үүсгэж эндээс стресс бий болдог. Ингэснээр ажилтнуудын итгэлтэй байдлыг алдагдуулж, ажлын амжилтгүй мэдрэмжийг төрүүлдэг. Гэхдээ ажлыг өөрчилж болохгүй гэсэн үг биш л дээ, өөрчлөлтийг маш тодорхой зааварчилгаагаар хийх буюу тухайн ажилтан өөрөөс нь яг юу хүсч байгааг маш тодорхой ойлгож байх ёстой.

2. Удирдлагын арга барил нь сайн ажилтныг тогтвортой ажиллахад маш чухал. Хүмүүс удирдлагаасаа болж ажлаас гарах нь компани болон ажлын байрнаасаа болж гарахаасаа илүү байдаг. Удирдаж байгаа ажилтан зөвхөн сайн хүн байгаад зогсохгүй, ажилтнуудтайгаа ойр байж тэднээс юу хүсч байгаа тодорхой илэрхийлж ойлголцож байх нь чухал. Ажилтнуудад эвгүй сэтгэгдэл төрүүлэх удирдлах ажилтны үйлдэл бүр ажилтныг ажлаас гарах сэдлийг өгч байдаг. Хамгийн түгээмэл гардаг сэтгэл ханамжгүй байдлыг үүсгэгч шалтгаанууд :

- Хүлээлтийн тодорхой бус байдал
- Цалин урамшууллын тодорхойгүй байдал
- Ажлын гүйцэтгэлийн талаарх үнэлгээний тодорхойгүй байдал
- Товлосон уулзалт хэрэгжихгүй байх
- Ажилтны амжилт олж болох ажлын даалгаврын тодорхойгүй байдал

3. Ажилтны санаа бодлоо чөлөөтэй илэрхийлэх боломж нь ажилтныг тогтвортой ажиллах түлхүүр үзүүлэлт байдаг. Танай байгууллагад ажилтнууд тань санаа бодлоо чөлөөтэй илэрхийлж, солилцож чаддаг уу? Тийм бол ажилтнууд шинэ санаануудыг төрүүлж, байнгын дэвшилт хөгжил рүү тэмүүлж байдаг. Харин үгүй бол тэд ажлаас гартлаа өөрийгөө асуудалд оруулахгүйн тулд дутагдлын хажуугаар дуугүй л өнгөрдөг гэсэн үг.

4. Идэвхитэй ажилтан өөрийн ажил үүргээс гадуур ажилд өөрийн хувь нэмрийг оруулахыг хүсдэг. Хэр олон ажилтан өөрийн ажил үүргээс гадуур ажил хийхэд бэлэн байдаг вэ? Та тэдний ур чадвар, туршлагыг судлаж үзээд хөнгөн ажлуудыг оноох хэрэгтэй. Жишээ нь нэгэн жижиг компанийн менежер компанийхаа маркетингийн төлөвлөгөө, лого хийх ажил дээр гадны мэргэжилтнүүдийг хөлслөн авчээ. Харин тус компанийн 7 жилийн туршлагатай борлуулалтын ажилтан энэ ажилд өөрийн хувь нэмрийг оруулахыг хүссэн боловч менежер түүнийг тоосонгүй. Харин үүний үр дүнд борлуулалтын ажилтан ажлаасаа гарсан байна. Тэр ажилтны мэдлэг ур чадвар, туршлагыг компани нь үнэлээгүйгээс тухайн ажилтан өөр ажил хайх шалтгаан болжээ.

5. Шударга үнэлгээ, тэгш байдал нь үнэ цэнэтэй ажилтанг авч үлдэхэд чухал үзүүлэлт болдог. Нэгэн компанид шинээр орсон борлуулалтын ажилтанд хамгийн амжилттайн явж байгаа бүтээгдэхүүнийг хариуцуулж өгчээ. Харин хуучин ажилтнууд нь үүнийг тэдний ширээн дээрээс хоолыг нь булааж авсантай адилаар хүлээн авсан байна. Мэдээж хуучин ажилтнууд өөрсдөдөө гарах дараагийн боломжийг хүлээж байсан нь тодорхой.
Өөр бас нэгэн жишээн дээр сургууль төгсөөд 1,2 жил болж байгаа залуу ажилтан 6 сарын дараа 20,000$-ийн нэмэлт урамшуулал авчээ. Мэдээж компани дотор нууц хадгалагдана гэж байхгүй, бусад ажилтнуудад энэ нь сөрөг сэдэлжүүлэлт болж байдаг байна. Жишээ нь таны ажилтнуудын дунд MBA зэрэгтэй, 10 жилийн туршлагатай, өөрийгөө компанидаа маш их хувь нэмэр оруулж байдаг гэж боддог ажилтан байг. Тэр хүн энэ залуу ажилтнаас бага цалин авч байгаагаа мэдэнгүүтээ шинэ ажил хайж эхлэнэ. Тэгдэггүй юм аа гэхэд л ажлын сэтгэл ханамж нилээн буурч, бүтээмжинд сөргөөр нөлөөлөх нь мэдээж.

6. Ажилтан ажил дээрээ алдаа гаргахад гол шалтгаан нь юу байдаг вэ? Ихэвчлэн хэрвээ ажилтан хийх ажлаа сайн мэддэг бол энэ асуултын хариу нь цаг хугацаа, хэрэгсэл, сургалт, ур чадвар. Ийм асуудлыг шийдвэрлэх хамгийн хялбар арга бол байгууллагаас ажил дээр алдаа гаргуулахгүйн тулд ажилтныг цаг хугацаа, хэрэгцээтэй хэрэгслүүд, сургалтаар байнга хангаж байх ёстой. Хэрэв тийм биш бол ажилтан тийм хангамжийг өгдөг газрыг л хайх болно.

7. Таны шилдэг ажилтнууд, таны цаашид тогтвортой ажиллуулахыг хүсч буй тэр ажилтнууд байнга шинэ боломжийг эрж хайж, өөрийгээ карьер, мэдлэг ур чадварын хувьд өсгөхийг тэмүүлж байдаг. Шинэ боломж нээгддэггүй, сургалт семинарт оролцох боломжгүй, шинэ юм сурах түүн дээрээ ярилцах боломж олддоггүй нөхцлийг тэд ялзарч байгаа үхээнц байдал мэтээр хүлээж авдаг. Карьерын өсөлтийн хэрэгцээ бүхий ажилтнууд танай байгууллагад байнга өсч дэвжих хэрэгцээгээ хангах боломжтой байх ёстой.

8. Ажлаас гарах ярилцлага дээр хамгийн түгээмэл гардаг гомдол бол тэдний удирдах албан тушаалтан тэдний байгаа гэдгийг огт мэддэггүй байсан гэх шалтгаан байдаг. Удирдах албан тушаалтан гэдэг нь жижиг компанийн хувьд Захирал, томоохон компаниудын хувьд салбарын дарга нарыг хэлж байгаа юм. Тусгайлан цаг гаргаж шинэ ажилтантай танилцаж, тэдний ур чадвар, хүсэл сонирхлыг судлаж мэдэж авах нь чухал. Ажилтнуудтайгаа тодорхой давтамжтай уулзаж бай. Танд илүү хэрэгтэй мэдээллүүд цуглаж та байгууллагынхаа судасны цохилтыг мэдрэх болно. Энэ нь ажилтнууддаа илүү үнэ цэнэтэй, тухтай мэдрэмж төрүүлэхэд туслах болно.

9. Нөхцөл байдал ямар ч байсан, ХЭЗЭЭ Ч, бүр ХЭЗЭЭ Ч битгий ажлаар нь эсвэл орлогоор нь сүрдүүл. Хэдийгээр төлөвлөсөн борлуулалтандаа хүрч чадахгүй бол салбар хаалгаа хаах ч байсан энэ урьдчилсан таамаглалаас шалтгаалан ажилтныг сүрдүүлэх нь буруу. Та тэр мэдээллийг яаж ч тайлбарласан, таны 100% зөв байсан ч ийм мэдээг сонссон таны хамгийн сайн ажилтан CV-ээ шинэчлэн бэлдэж эхлэх болно. Чухал мэдээллийг хүмүүсээс нуу гэж байгаа юм биш л дээ, гэхдээ хүмүүсийг тогтворгүй байдалд оруулах мэдээг хэлэхээсээ өмнө сайн бодох хэрэгтэй.

10. Таны ажилтан өөрийгөө удирдлагууддаа үнэлэгддэг, үнэ цэнэтэй гэдгээ байнга мэдэрч байх ёстой. Байнга баярлалаа гэж талархал илэрхийлэх хамгийн хялбар арга. Мөнгөн урамшуулал, бонус, бэлэг өгөх нь таны талархлыг улам хүндэтгэлтэйгээр харуулах болно. Ажлын гүйцэтгэлтэй холбоотой цалингийн нэмэгдэл, урамшууллын систем нь ажилтныг тогтвортой ажиллахад чухал нөлөөтэй. Албан тушаал томилолт, цалингийн нэмэгдэл, урамшууллын систем өдөр тутмын ажлын үнэлгээнээс хамаарч хэрхэн нэмэгдэж байгаа нь бүгдэд ойлгомжтой, шудрага үнэлгээтэй байх нь маш чухал. Ажил бол мөнгөтэй салшгүй холбоотой, ажилтан бүр орлогоо нэмэгдүүлэх хүсэлтэй байдаг гэдэгтэй та санал нийлэх байх.

Та өөрийн байгууллагын орчноо дахин нэг хар даа, танай шилдэг авъяастнууд тогтвортой ажиллах орчин байна уу? Эдгээр 10 зөвлөмжийг байгууллага дээрээ хэрэгжүүлж таны хамгийн хайртай, авъяаслаг ажилтнуудтайгаа удаан хугацаагаар тогтвортой ажиллах нөхцлийг бүрдүүлээрэй.

Эх сурвалж: http://topica.miniih.com

2070 оноос ирсэн захидал

2010-01-19T12:08:00.001+08:00

Хэдэн үг

2010-01-10T18:48:00.002+08:00

Өөрийн алдаан дээр суралцдаг бол хүнийх дээр тушаал ахидаг.

А.Фюрстенберг

Албан тушаал сайхан ч хүйтэн шөнө хүнийг дудаацуулдаггүй.

М.Монро

Хүнийг шоглож болно. Гэхдээ нэрээр нь бүү оролд.

Марина Цветаева

Ялалтыг өмчлөх хүн олон байхад ялагдлын хариуцлагыг хүлээх хүн олддоггүй.

Дж.Кеннеди

Зорилго тодорхойгүй газар матаас их

2010-01-07T02:02:00.000+08:00

Тууштай бай
Хүн болгоны сонсохыг хүссэн зүйл ярьснаар хүмүүсийн итгэл хүндлэлийг олж чадах нь юу л бол. Илэн далангүй, тууштай байж, найз нөхдийн дунд маргаан үл ойлголцол гарсан нөхцөлд маргасан талуудыг илэн далангүй ярилцахыг санал болгох замаар зоригтой шийддэг байх хэрэгтэй.
Хүмүүсийн амжилтыг үнэлж бай

Амжилт ололтын араас явахдаа бусдын амжилтыг олж харан үнэлдэг байх хэрэгтэй. Чухал төслийг амжилттай шийдсэн, албан тушаал ахисан гээд ойр дотны хүмүүсийнхээ ололт амжилт бүрийг үнэлэн тэмдэглэх замаар цаад хүнээ хүндэтгэж, үнэлж явдгаа харуулах хэрэгтэй.
Байдлыг өөр өнцгөөс харж сур

Ямар ч хүнд ажлаас гадна ар гэр, хувийн сонирхол, бэрхшээл гээд олон зүйл байдаг гэдгийг ямагт санаж байх хэрэгтэй. Хэрэв ажилтнуудын тань өмнө хүндрэл бэрхшээл тулгарвал ойлгож, асуудлыг тэдний өнцгөөс харж, туслалцаа дэмжлэг үзүүлэхийг хичээх нь зүйтэй. Ажилтнууддаа хөрөнгө оруулалт хийх, боломжийн хирээр албан хаачиддаа зориулсан сургалт дамжаа зохион байгуулж байх хэрэгтэй. Мэргэжил дээшлүүлэх боломж олгосноор та хүнийг өөртөө итгэх итгэлийг нэмэгдүүлэхийн сацуу өөрт нь тийм боломж олгосон хүний хувьд хүндлэл, итгэл олж байгаа хэрэг юм.

Хаалт
Аль нэг компанид матаас газар авах нь компанийн дотоод уур амьсгал, зорилгоос бүрэн хамаарна. Албан хаагчид ээлж ээлжээр орж ирээд нэг нэгнээ газар доор ортол нь муулаад байгаа бол компанийн хэвтээ холбоосын систем ажиллахгүй байна гэсэн үг. Хэрэв компанийн дотоод уур амьсгал нааштай, өмнөө тавьсан зорилго нь тодорхой үр дүнд хүрэхийг илүүд үзэж байвал хүн дээшээ гүйж “алтан хошуу“ өргөхийн оронд шүүмжлэлээ нөгөө хүндээ шууд хэлж, цаад хүн нь ч гэсэн зохих ёсоор хүлээн авах байсан. Ажил хэрэгтэй холбоотой шүүмжлэл ямар ч ач холбогдолгүй болоод ирэхээр үнэн худал мэдэгдэхгүй зүйлээр матах нь хавьгүй хялбар болдог. Энэ нь удирдлагаас бүх зүйл хамаарна гэсэн үг.

Удирдлага таагүй мэдээ дуулгасан хүнд хамаг уураа гаргадагггүй байх ёстой. Маш олон тохиолдолд компанид тулгараад байгаа асуудлын талаар мэдээлсэн ажилтан хариуцлага алдсан хэмээн загнуулж гэмгүй байж хэлмэгддэг. Ингэж эртний хаад шиг таагүй мэдээ авчирсан элчийн толгойг цавчаад байвал тулгарсан асуудлын талаар илээр ярилцах хүн ховор болно. Улмаар ажлын талаар бодитой шүүмжлэл гарахгүй тос дотроосоо өтөх боломжийг бүрдүүлж өгнө.

Ажилтнууддаа хөрөнгө оруулалт хий
Ажлын газар, найз нөхдийн дунд хэрхэн бусдын хүндлэл хүлээж нэр төртэй явах талаар олон талын зөвлөгөө бий. Тэдгээрээс ямар ч нөхцөлд тохирох энгийн зөвлөгөөг танд санал болгож байна. Хүмүүс таныг хүндэлж үгийг тань анхааралтай сонсоосой гэж хүсэж байгаа бол бусдыг хүндлэж сурах хэрэгтэй. Хүн өдөр болгон ажиглаж мэдэрч байгаа зан авирыг өөрөө ч мэдэлгүй хуулбарлан хэрэглэсэн байх нь цөөнгүй. Тиймээс итгэлийг нь олох хүмүүсийнхээ үгийг анхааралтай сонсоход бэлэн байх хэрэгтэй. Тэдний санал бодол таны хувьд чухал гэдгийг мэдрүүл.

Лидерийн зан чанараа нуух хэрэггүй
Ямагт санаачлагатай, идэвхитэй байж ямар нэгэн арга хэмжээ зохион байгуулах гэх мэтийн энгийн гэлтгүй зүйлийг бүрэн хариуцан хийж байх хэрэгтэй. Бүгдийг чимээгүй байхад ганцаараа санал гарган, эмээлгүй хэлж, туслалцаа санал болгож байх хэрэгтэй. Өөрийгөө олон талаар хөгжүүл. Байнга ном уншиж, дамжаа, курст суралц. Энэ зөвлөгөө тийм ч чухал биш санагдаж болох ч ямар ч асуулт тавьсан хариулт өгч чаддаг хүнийг л хүмүүс сонгон, онцгойлж хүндэтгэдэг гэдгийг санах хэрэгтэй.

Isabel

2010-01-05T16:38:00.001+08:00

Хязгаар

2010-01-04T08:58:00.000+08:00

Лидер хүн юунд хязгаарлагдаад байгаагаа ухаарч ойлгодог ч чухамдаа түүндээ тэгтлээ хязгаарлагдан баригддаггүй. Тухайлбал тодорхой нэг ажлыг гүйцэтгэх ёстой ч мөнгө төгрөг хязгаартай зарах шаардлагатай бол тухайн нөхцөл боломжиндоо тулгуурлан чамгүй сайн гүйцэтгэж чаддаг байх жишээтэй.
Гурван хүний хийх ажлыг хоёр хүн яаж хичээгээд ч сайн хийж гүйцэтгэж чадахгүй нь үнэн боловч сайн лидер байхад хоёр хүнийхээ хүчийг зөв хуваарилсаныхаа ачаар гурван хүнээс дутахааргүй сайн гүйцэтгэх боломж бүрддэг.
Цаг гэдэг ямагт хязгаар болдог. Их хотыг ганц хоногийн дотор босгосон түүх хаа ч үгүй шүү дээ. Гэвч лидер хүн цагийг хамгийн үр дүнтэй ашиглах эрдэмд суралцсан байдаг. Золоор юунд ч хязгаарлагддаггүй зүйлс гэж бий:
Мөрөөдлийг юу ч хязгаарлан боож үл чадна.
Шинэ соргог санааг юу ч хязгаарлаж үл чадна.
Энэрэл хайрыг юу ч хязгаарлаж үл чадна.
Хэдийгээр та хамаг дэлхийг өөртөө дагуулж эс чадах боловч багахан хэсгийг нь бол зарим нэг хязгаараа гэтлэн гарсныхаа ачаар өөрийн мэдэлд оруулж болно шүү дээ.

Бэрхшээл гэдэг зөвхөн ажлын явцад гарч ирсэн боломж юм.

Хенри Ж.Кайсер

Бусдын бодлыг асуу

2009-12-29T01:38:00.000+08:00

Лидер хүн хэзээд доод тушаалтнуудаасаа, нэг зиндааныхнаасаа, дээд тушаалтнуудаасаа бодол санааг нь асуухаа мартдаггүй. Жинхэнэ лидер хүний үзэл бодол нь хөнгөн хийсвэр биш боловч ганц хүн бүхнийг мэдэж бүхнийг зөвөөр бодож, төсөөлөх боломжгүйг ухаардаг. Тиймээс ч бусдын тус дэмийг хүртдэг юм.

Бүгдээрээ хэлэлцсэн хэрэг буруудана гэж үгүй. Ганцаараа бол зөвөөр хийж чадах хэдхэн зүйл бий.

Линдон Бэйнэс Жонсон

Сэтгэлийн хямралыг дийл

2009-12-28T23:22:00.002+08:00

Ойр орчимд халуун болох тусам гарагмгай лидер улам жавхаалаг болдог. Сэтгэл санааны тогтворгүй байдал нь лидер хүний хянамгай няхуур чанарыг улам тодруулж, асуудлыг оновчтой шийдвэрлэх чадварыг нь нэмэгдүүлдэг. Чухамдаа хямралт байдал нь лидер хүний чадварыг шалгах жинхэнэ шалгуур байдаг юм.

Хүний жинхэнэ чанар нь тааламжтай, сайхан нөхцөл байдалд бус харин чадал сорьсон хүнд асуудалтай тулгарсан үед тодрон гардаг.

Мартин Лютер Кинг

Чизхолмын гуравдугаар хууль

2009-12-28T23:10:00.002+08:00

Хэн нэгний оруулж ирсэн саналыг бусад нь буруугаар ойлгодог.

Ойлгож чадах

2009-12-18T23:52:00.002+08:00

"Нохойн гөлөг зарж байна" гэсэн зарлалыг харсан жаал хүү дэлгүүрийн эзнээс асуулаа:
"Энэ гөлөгнүүдийг хэдээр зарж байгаа юм бэ? гэтэл дэлгүүрийн эзэн"
"30-50 долларын үнэтэй зарж байна" гэхэд хүү:
"Би гөлөгнүүдийг харж болох уу?" хэмээн асуулаа. Дэлгүүрийн эзэн инээмсэглэн шүгэлдтэл үүрнээс дөрөв таван гөлөг гарч ирлээ. Нэг гөлөг бусдаасаа хоцрон араас нь гарч ирэв. Жаалхүү сүүлдэж гарч ирсэн гөлөгийг заан худалдагчаас асуулаа:
"Энэ яасан юм бэ?" гэтэл дэлгүүрийн эзэн түүнийг түнхний мултралтай учраас ийм дорой байгаа юм гэж хэлжээ. Жаал хүү сандран:
"Би энэ гөлгийг авмаар байна" гэтэл дэлгүүрийн эзэн түүнд: "Үгүй дээ хүү минь, энэ гөлгийг авсаны хэрэггүй. Хэрэв чи үнэхээр авахыг хүсч байгаа бол би чамд үнэгүй өгье" гэтэл жаалхүү дургүйцсэн байдалтай түүнрүү харан:
"Би таниас энэ гөлгийг үнээр нь авья. Энэ ч бас бусад гөлөгнүүдийнхээ адил эрхэм шүү дээ. Би мөнгийг нь бүрэн төлнө өө. Гэхдээ би танд одоохондоо 2 доллар 30 цент өгье. Үлдсэнийг нь би танд сар бүр 30 цент өгч барагдуулна." гэжээ. Дэлгүүрийн эзэн жаалхүүд:
"Чи энэ гөлөгийг үнэхээр худалдан авахыг хүссэн гэж би бодохгүй байна. Энэ гөлөг бусдынхаа адил хэзээ ч гүйж харайж чамтай тоглож чадахгүй" гэхэд хүү хүрэмнийхээ хормойг дээш сөхөж хиймэл төмрөөр орлуулсан хөлөө үзүүлэн эелдэг хоолойгоор:
"Би ч гэсэн сайн гүйж харайж чаддаггүй юмаа. Тиймээс энэ гөлгөнд өөрийг нь сайн ойлгодог эзэн хэрэгтэй" гэлээ.

Санаж яв

2009-12-17T23:32:00.002+08:00

Хананд өлгөсөн дипломуудын аль нь ч хүнийг жинхэнэ хүн болгох зүйлс биш гэдгийг санаж яв.

Ярьж буй хүнээ эвгүй байдалд оруулахгүй байх болон өөрийн үзлээ хамгаалах хоёрын хоорондох торгон зурвасыг олох маш хэцүү гэдгийг санаж яв.

Туршлага нь хэдэн оймс элээсэнтэй чинь биш, амьдралдаа юу амссантай чинь холбоотой болохыг санаж яв.

Хоёр хүний маргалдах нь тэдний бие биендээ дургүй болохыг батлахгүй. Маргалдахгүй байх нь ч дуртай гэдгийг баталж чадахгүй болохыг санаж яв.

Бүхий л бэрхшээлүүд боломж агуулж байдаг бөгөөд уг бэрхшээл нь боломжийнхоо хажууд өчүүхэн зүйл болохыг санаж яв.

Хайр гэдэг үг хэр их хэрэглэгдэнэ утга агуулга нь төдий чинээ суларна гэдгийг санаж яв. Үйл хөдлөлөөрөө илэрхийл.

Уур ба шуналын гэм

2009-12-17T23:06:00.004+08:00

Уур хилэнгийн шаналал нь зүрхэн дотор улалзах
галт нүүрс лугаа адил юм.

Шуналаа дагаваас хэзээ ч сэтгэл ханахгүй.
Шамдаж дахинтаа шуналаа дагаваас дахиад л ханахгүй.
Бас дахинтаа нэг дагаад ч ханахгүй.

Чизхолмын хоёрдугаар хууль

2009-12-15T22:51:00.003+08:00

Хэрэв ажил үйлс амжилттай явж байвал /мэдрэгдвэл/ ойрын хугацаанд ямар нэгэн зүйл тохиолдоно.

Бүтээлч чанар

2009-12-15T09:41:00.000+08:00

Лидерүүд аливаа асуудлыг бүтээлчээр, шинэлэг маягаар шийддэг.
Ямар ч бэрхшээл байсан түүний хувьд дааж давшгүй хэцүү бэрх зүйл байдаггүй.
Ямар ч шийдвэр түүний хувьд олдошгүй хэцүү зүйл байдаггүй.
Бүтээлч сэтгэлгээ гэдэг чухамдаа лидер хүний жинхэнэ хөрөнгө юм.
Бүтээлч сэтгэлгээний ертөнцөд жинхэнэ лидер хүн баатар мэт байхыг эрмэлздэг.

Хорвоо дэлхийн хамаг цэрэг армийг нийлүүлсэнээс ч хүчтэй нэгэн зүйл бий. Тэр ирэх цаг нь нэгэнт болсон шинэ санаа юм.

Виктор Хюго

Өөдрөг үзэл

2009-12-14T09:22:00.001+08:00

Лидер хүний хувьд өдөр бүхэн хүч сорьсон учралаар дүүрэн байх агаад тэр бүхэн нь түүнд ялалтын сайхныг мэдрүүлж байдаг.

Тэрээр аливаа бүхнийг сөрөг талаас нь бус эерэг талаас нь харахыг хичээнэ.

Сайн ажилтануудтай, жинхэнэ лидертэй байгууллага амжилтын буухиаг хэзээд таслалгүй дэвжин дээшилдэг болохыг тэд мэддэг.

Лидерүүдийн хийж, хэлсэн бүхэн нь үнэн зөв байх тул өөдрөг үзэл аяндаа төрөн гардаг.

Лидер хүн гэдэг итгэл найдлагыг түгээгч юм.

Наполеон

Даруу чанар

2009-12-14T09:19:00.002+08:00

Лидерүүд амжилтанд хүрэхийн төлөө байдаг ч, магтаал сайшаал шил шилээ даран урсан ирэхийн цагт даруу чанараа гаргавал зохино. Магтаал сайшаад сонсоод жинхэнэ лидер хүн, “Баярлалаа. Үнэндээ энэ бол тэдний хийсэн ажил” гэж ажилчид руугаа заадаг. Лидер хүнд ч бас аминч үзэл байх хэдий ч тэд түүнийг хатуу хяналтандаа байлгадаг.

Амьдралд минь энэ хорвоогийн элээж өнгөрөөсөн хийгээд энэ хорвоог элээж буй олон түмний нөр их хөдөлмөр, хичээл зүтгэлийн хүчинд л урагшилж байдаг болохыг би өөртөө өдөр бүр зуунтаа сануулдаг. Тиймээс ч олон түмнээс урьд өмнө хүртсэн хийгээд эдүүгээ хүртэж байгаагийнхаа хирээр хамаг хүчээ дайчлан ажиллах ёстойгоо ухаардаг.

Альберт Эйнштейн

Хувиа бүү хичээ

2009-11-30T22:40:00.002+08:00

Амжилтын үнэлгээг лидер хүн ямагт бусадтай хуваалцах буюу бусдад тэр чигээр нь өгдөг.
Өрөөл бусдын ажил хэрэг, амьдрал ахуй нь элдэв бэрхшээлгүй сайхан байг гэсэндээ хамаг цагаа бусдын төлөө зориулна.
Юм бүхнийг тэр бусадтай хуваалцах боловч буруу хэргийг хэнтэй ч үл хуваалцана.
Жинхэнэ лидер хүн буруу хэргийг өөртөө хүлээж, өөр хэн нэгэнтэй хариуцлагыг хувааж үүрэх талаар хэзээ ч боддоггүй.

Өрөөл бусдын сайн сайхныг бодож байгаа хүн өөрийнхөө сайн сайхан байдлыг нэгэнт олсон байдаг.

Күнз

Уолтерийн хууль

2009-11-29T22:08:00.002+08:00

Тамхи, түүдгийн утаа нүдэнд орох нь таны утаанд дасах чадвартай шууд хамааралтай байдаг.

Болгоомж

2009-11-29T21:58:00.002+08:00

Лидерүүд ам нээхээсээ өмнө боддог. Болгоомж гэдэг бол доод тушаалтнууд, дарга нар, үйлчлүүлэгч, нийлүүлэгч гээд хэн бүхэнд хэрэгтэй зүйл.
Болгоомжтой байхад хохирол гэж үгүй. Харин ч өрөөл бусдын сайхан сэтгэлийг улам илчилж, өрөөл бусадтай гүн бат харилцаатай болохын үндсийг тавьдаг.

Болгоомж гэдэг өрөөл бусдыг, өөрсдийгөө юу гэж бодож байна, яг тэр байдлаар нь дүрслэх хэрэглүүр юм.

Авраам Линкольн

Эр зориг

2009-11-27T23:15:00.002+08:00

Аливаа нэг шинэлэг зүйлийг эхлүүлэхэд лидер хүн бие махбодын хувьд ч, сэтгэл санааны хувьд ч чадвартай, зоригтой байх ёстой.
Лидер хүн өрөөл бусдын зүглэхээс айж буй зүгт зоригтой зүглэдэг байх ёстой. Хүнд хэцүү бүхэнтэй зоригтой тулгарч, өөрийн хүмүүсийг дэмждэг байх ёстой. Шударга бус явдлаас хүмүүсээ мөн хамгаалдаг байх ёстой. Хэрэгтэй үед дээд тушаалтнуудынхаа өмнөөс үг хэлэх чадвартай байх ёстой.

Эр зориг л амьдралыг бахдам сайхан болгож чаддаг.

Жорж Бернард Шоу

Өөртөө үнэнч байлга

2009-11-27T01:03:00.004+08:00

Лидер хүн доод тушаалтнууд болон дарга нарынхаа дэмжлэг туслалцааг авч чаддаг байх хэрэгтэй.
Тэдний үнэнч чанарын хариуг бас өгөх хэрэгтэй. Тиймээс доод тушаалтнууд болон дарга нарынхаа төлөө санаа тавь. Тэдний тусыг хариулахын тулд та тэдэнтэй хамт ажиллаж, тэдэнд амжилтанд хүрэхэд нь туслах хэрэгтэй.
Доод тушаалтнуудын үнэнч зүтгэл нь лидер хүмүүст бэрхшээлтэй асуудлыг шийдэхэд маш их нэмэр болдог. Дээд тушаалтнуудын үнэнч байдал нь лидер хүнд хүч мөхөсдөхийн цагт тус нэмэр болох юмуу алдаа дутагдалаа багасгахад нөлөөлдөг.
Ямар ч цагт лидер хүний амжилт нь доод болон дээд тушаалтнуудын үнэнч итгэлтэй чанарын ачаар цэцэглэн дэлгэрсээр ирсэн билээ.

Чин үнэнч зүтгэл гэж бий. Лидер хүн түүнгүйгээр лидер хэвээрээ байж эс чадна.

Гёте

Хүндэтгэлийг ол

2009-11-22T21:47:00.002+08:00

Өрөөл бусдаас, дээд болон доод албан тушаалтнуудаас ер нь хамт ажилладаг хэн бүхнээс хүндэтгэлийг нь хүртэнэ гэдэг лидер болохын төлөө тэмүүлж байгаа хүнд хамгийн чухал. Өрсөлдөгчдөөсөө болон өөртэйгөө ижил бизнес эрхэлдэг хүмүүсийн хүндэтгэлийг хүртэх нь ч бас чухал.
Шударга, өрсөлдөөнч чанарыг тань үнэлсэн хүнд бол таны ажлын хамгийн чухал суурь гэдгийг ямагт санаж байх хэрэгтэй.
Хэрэв хүмүүс таныг хүндэлж бас хайрладаг бол та өөрийгөө жинхэнэ, лидер болсон гэдэгтээ итгэлтэй байж болно. Хэрэв эдгээрээс ганцыг нь л хүртье гэвэл хүндэтгэлийг нь хүртэх хэрэгтэй.

Өрөөл бусдаар хүндлүүлье гэвэл өөрийгөө хүндэл.

Балтасар Грациан

Судалгааг удирдан явуул

2009-11-22T21:34:00.002+08:00

Тодорхой нэг сэдвээр хийсэн нарийвчилсан судалгааг юу ч орлож чадахгүй. Лидер хүн өргөн хүрээтэй мэдлэгээ ашиглаж аливаа тулгарах бэрхшээлээс сэргийлж, хөгжилд хөтлөх төслийг боловсруулдаг. Мөн түүнчлэн бизнесийн чиглэлийн сэтгүүл, товхимол сэлтийг сайтар ойлгохын тулд номын санд сууж, тодорхой нэг судалгааны сэдвүүдтэй танилцах хэрэгтэй.
Мэдлэг гэдэг хүч тул лидер хүн тэрхүү хүчээ улам арвижуулахын тулд яах шаардлагатайг өрөөл бусдаас хавьгүй илүү мэддэг.

Аливаа нэг зүйлийг маш сайн мэдэх бас нэгэн зам бол хаанаас тухайн мэдлэгийг олж авахаа мэдэхэд байдаг.

Самуэл Жонсон

Дотоод мэдээллээ хуваалц

2009-11-19T22:35:00.002+08:00

Танай байгууллагад эрдэм, мэдлэгтэй янз бүрийн хүн, мэдэхэд илүүдэхгүй мэдээлэл өгч чадах янз бүрийн хэсэг тасаг ажилладаг. Тэднээс суралцвал таны ажиллах хүрээ тэлэгдэж, улам сайжирна.
Өөр бусад салбарынхантай харилцаа холбоогоо бэхжүүлж, хөгжүүл. Тэгвэл тэднээс аливаа мэдээллийг цаг алдалгүй авахад тус дөхөмтэйн дээр цаашид өсөн хөгжихөд нэн тустай.
Тухайлбал, та зах зээл судлал, худалдаа, үйлдвэрлэл, үйлчилгээ, хүний нөөц, санхүүгийн хэсгийнхнээс байнга мэдээлэл авч байх хэрэгтэй юм.

Нэгдэнэ гэдэг эхлэл юм. Нэгдмэл байдлаа хадгална гэдэг ахиц юм. Нэгдсэн хэвээрээ ажиллана гэдэг амжилт юм.

Хэнри Форд

Шинэ мэдээллээс бүү хоцор

2009-11-16T21:36:00.003+08:00

Лидерүүд сүүлийн үеийн шинэ технологи, шинэ бүтээгдэхүүний талаар цаг алдалгүй мэдэж, ашигладаг.
Өөрийн компаний дотор цаашлаад улс орны дотор бүр дэлхий даяар хандлага хаашаа чиглэж байгааг алдалгүй мэднэ.
Лидер хүн мэргэжлийн холбоодод гишүүнээр элсэж, ном сэтгүүл, товхимолуудыг уншиж судалсанаар шинэ технологийн талаархи мэдээллийг хамгийн түрүүнд авах боломжтой юм.
Ирээдүйд ойрхон байх тусмаа урьдаас зөв таамаглах боломж ихэсдэг.

Хувь тавилан гэдэг тохиох аз төдий зүйл биш. Энэ бол сонголт юм. Хувь тавиланг хүлээдэг юм биш. Хувь тавиландаа өөрөө хүрдэг юм.

Виллиам Женнингс Брайн

Юм юмнаас мэд

2009-11-15T22:06:00.002+08:00

Лидер хүн олон талын мэдлэгтэй, туршлагатай байх ёстой бөгөөд шаардлагатай үед тэр бүхнээсээ ашиглаж чаддаг байх хэрэгтэй.
Ийм мэдлэг, туршлага хуримтлуулахын тулд биеийн тамир спорт, нийгэм олон нийтийн ажил, шашин ном, өглөг буяны ажилд идэвхтэй оролцох нь зүйтэй.
Лидер хүн өрөөл бусадтай харилцан, ярилцаж, бизнесийн зөвлөгөөн, мэтгэлцээн зэрэг ажиллагаанд оролцохын зэрэгцээ дизайн, бүтээгдэхүүн үйлдвэрлэл, зах зээл судлал, худалдаа, бараа түгээх зэрэг ажлыг гардан хийж үзсэн байдаг.

Төгс төгөлдөр болж, мэдэх шаардлагатай бүхнийг мэдэж чадахгүй ч гэсэн аль болох юм бүхнийг зах зухаас мэдэхийг хичээх хэрэгтэй.

Блез Паскал

Эрдэм мэдлэг

2009-11-15T12:31:00.002+08:00

Өөрийнхөө компанийг бүрдүүлж буй хэсэг бүрийг нарийн сайн мэддэг болох нь амжилтын үндэс юм.
Ерөөс амжилтанд хүрэхийн тулд техникийн бусад чиглэлийн өндөр мэдлэгтэй байх хэрэгтэй.
Компанийхаа тухай болон практик мэдлэг хуримтлуулж, ирээдүйд хэрхэн өргөжин тэлэхийг төсөөлж, гадаад ертөнцтэй хэрхэн холбогддогийг нь судлах хэрэгтэй.
Түүнчлэн өөрийн компанитай /үйл ажиллагаа/ холбоотой сонин сэтгүүл, ном товхимол уншиж, мэргэжлийн зөвлөгөөн, семинарт байнга оролц.
Лидер хүн өөрийн салбартаа хамгийн сайн мэдлэгтэй, хамгийн гарамгай чадвартай байхын төлөө тэмцэх ёстой.

Эрдэм мэдлэгийн үндэс гэдэг бол тухайн мэдлэгээ амьдралд хэрэгжүүлж ашиглахдаа байдаг. Эс бөгөөс мунхагаа харуулсан хэрэг болно.

Күнз

Өнгөрсөнөөс суралц

2009-11-14T10:11:00.002+08:00

Лидерүүд гэдэг бол шинэ цагт л байгаа юм биш. Хүн төрөлхтөн анхлан галыг олж, хэрхэн асаахад суралцсан тэр л үеэс лидер хүний амжилт, бүтэлгүйтэл, ялалт, ялагдал бүхэн нь түүхийн шаргал хуудсанд бичигдсээр ирсэн билээ.
Зуун зууны тэртээгээс уламжлагдан ирсэн их удирдагчдын мэргэн сургаалиуд бидэнд лидер хүн юуг анхаарч, юунд хүч авьяасаа зориулах учиртайг сануулж ойлгуулах болно.

Эргэж улам алсыг харах чадвартай болох тусмаа та урагш улам алсыг харах чадварыг бас олно.

Винстон Черчиль

Лидер хүн бэлтгэлтэй байдаг

2009-11-12T22:45:00.002+08:00

Лидер болохын төлөө өөрийгөө хэрхэн бэлтгэж байгаагаас ирээдүйн үйл хэрэг тань тодорхойлогдож болох юм.
Хэрэв та бэлтгэх шаардлагагүй гэж боддог бол агуу их лидерүүдийн хэлсэн дараах үгсийг зэрвэсхэн ч болов уншаад нэг үзээрэй.

Бэлтгэл сайтай хүн ялалтанд хүрэх их замын тэн хагасыг туулчихсан байгаатай агаар нэг юм.

Сервантес

Би бэлтгэх болно, тэгвэл боломж гарах өдөр надад гарцаагүй ирнэ.

Авраам Линкольн

Бэлтгэлтэй байна гэдэг амжилтын үндэс юм.

Хенри Форд

Амьдралын бөмбөлөгнүүд

2009-11-11T22:29:00.003+08:00

Амьдралыг жонглёр мэт төсөөл. Яагаав алиалагчдын 5, 6 бөмбөгийг өөдөө шидэн жонглёрддог шиг л.
Эдгээр бөмбөгүүдийг тус бүр таны ажил, гэр бүл, эрүүл мэнд, анд нөхөр, хайр гэе. Энэ бүгдийг унагалгүйгээр агаар луу шидэн барьж авах нь маш чухал.
Харин та жонглёрдох явцдаа ажил бол резинэн бөмбөг болохыг төвөггүй ойлгож чадна. Газар унасан ч буцаад л ойно.
Харин үлдсэн 4 ньтийм биш. Тэдгээр нь шилэн талстаас бүтсэн эмзэг эдүүд юм. Унагах л юм бол зурагдаж, элэгдэж, эмтэрч, заримдаа бүр хагаран юу ч үгүй үйрмэг болох ч магадлалтай.
Унасан бөмбөг хэзээ ч хуучин хэвэндээ буцаж орж чадахгүй. Үүнийг бид жонглёрдох явцдаа байнга санах хэрэгтэй бөгөөд амьдралд юунд илүү анхаарал халамж тавьж, юуг бусдаас илүү эрхэмлэх ёстойгоо умартахгүй байх нь чухал.

Moonlight Sonata

2009-11-11T00:12:00.000+08:00

Чейтсийн таамаглал

2009-11-09T22:06:00.002+08:00

Найз нөхрөө ядарч явах үед та тусалсан бол тэр дахин ийм байдалд орохдоо таныг бас л дурсах болно.

Хурдан хурдан, өчигдөрөөс хурдан

2009-11-07T09:55:00.003+08:00

Өглөө бүр африкт нэгэн зээр сэрнэ. Толгойд нь ганц л бодол эргэлдэнэ. Хамгийн хурдан давхидаг арслангаас хурдан давхих. Эс бөгөөс арслангийн хоол болно.

Өглөө бүр африкт нэгэн арслан сэрнэ. Толгойд нь ганц л бодол эргэлдэнэ. Хамгийн хурдан давхидаг зээрнээс илүү хурдан давхих. Эс бөгөөс өлбөрч үхнэ.

Та арслан ч байсан зээр ч байсан хамаагүй өглөө болоход л давхих хэрэгтэй. Харин давхихдаа өмнөх өдрөөсөө хурдан давхих хэрэгтэй гэдгээ бүү март.

Амьдралын төлөөх чармайлтыг энэ Африк зүйр цэцэн үг хичнээн сайхан илэрхийлээ вэ.

Хэрэв та арслан байгаад, өмнөх өдөр хамгийн удаан давхисан зээрийг барьж чадаагүй бол, мөн өнөөдөр зээр барихыг хүсч байвал нэг зүйлийг ойлгох хэрэгтэй. Хамгийн удаан зээр ч таниас хурдан болохыг. Тэгвэл та өнөөдөр өчигдөрөөсөө илүү хурдан давхиж байж энэ уралдаанд ялагч болох болно.

Хэрэв та зээр байгаад өчигдөр арслангийн идэш болохоос зайлсхийж чадсан бол мөн өнөөдөр ч идэш болохыг хүсэхгүй байгаа бол хурдаа өчигдөрийнхөөсөө ихэсгэх хэрэгтэй. Учир нь таны ээлж ч байж болох юм.

Өөрөөр хэлбэл амьдралын уралдаанд хоцролгүй үлдэх ганц л зам бий.

Өчигдөрөөс хурдан давхих...........

Үүнээс түүнээс, энэнээс тэрнээс биш. Өчигдөрөөсөө хурдан давхих. Та тийм байж чадах уу?

Найдваргүй ажиллагааны тавдугаар хууль

2009-11-01T19:48:00.004+08:00

Хүн алдаж эндэж болно.
Компьютер харин алдвал /эвдэрвэл/ холион бантан хутгадаг.

Компанийн мөнгөнөөс унагагчидтай яаж тэмцэх вэ?

2009-10-30T18:04:00.000+08:00

Хүчний арга
Нэгэн компани өөрийн менежерээ ханган нийлүүлэгчтэй уулзуулахаар явахдаа халаасанд нь диктафон хийж явуулдаг байжээ. Энэ нь менежерээ замд нь ажиллаад, таван цаас унагах боломгүй болгох гэж тэр шүү дээ. Гэтэл ийм нөхцөлд менежерүүд нь унагаж байдаг нь сонирхолтой. Жишээлэхэд менежер нь “ Манайх тэдээр авахад бэлэн байна” гэж чанга хэлэх мөртлөө цаасан дээр “Илүүг нэхээрэй” гэж бичнэ. Нийлүүлэгчид бүтээгдэхүүнээ борлуулахын тулд түүс болж байдаг болохоор менежерийн аясаар “Арай л бага байна даа төд хүртэл нэмэх хэргэтэй“ гэж хэлэнгээ “унацаа яаж хуваах юм бэ” хэмээн цаасан дээр бичдэг..... гэх мэт. Өрнөдийн зарим компани ийм “ажиллагчид”-тай тэмцэхийн тулд ажилд орж буй хүний худал ярьж буйг мэдрэх төхөөрөмжөөр шалгах, албан хаагчдынхаа утасны яриаг чагнах, өрөөнд нь нууц үзлэг хийх гэх мэтийн хүчний арга хэмжээ авдаг. Гэвч энэ арга дангаараа үр дүн багатай байдаг төдийгүй илэрсэн нөхцөлд компанийн дотор үл итгэлцлийн уур амьсгал бүрдүүлэх аюултай.

Баримтжуулах арга
Менежерүүд гарцаагүй барилдсан үед “мэдээгүй“, “хэлээгүй”, “гэнэдчихлээ” гэж хэлэх боломж бага болохоор тасралтгүй “ажиллаж“, “унагаж” байдаг. Авилгач гэсэн шошго зүүгээд тойрохоо зуруулаад гүйж байснаас учир мэдэхгүй “дүнхүү” гэж хэлүүлээд ажлаа хийж байсан нь дээр. Харин ийм төрлийн “сэргэлэн нөхөд”-тэй тэмцэхийн тулд авилга авах, унац ихтэй албан тушаалуудтай холбоотой бүх стандарт ажлуудын дарааллыг цаасан дээр нэг бүрчлэн тэмдэглэж буулгах арга хэрэглэдэг. Жишээлэхэд хангамж хариуцсан менежер тодорхой аргачлалын дагуу сонгон авсан нэлээд хэдэн тооны нийлүүлэгчдийн бүтээгдэхүүний үнийн дүнгийн талаар дүн шинжилгээ хийж, зах зээлийн дундаж үнийг тогтоогоод, дараа нь хэнээс бараа авахаа тодорхойлох ёстой. Улмаар ихээхэн хэмжээний бүтээгдэхүүн авах үедээ заавал үндэслэлийг нь бичнэ. Тухайн компани манайд ийм ийм ашигтай нөхцөл, нэмэлт үйлчилгээ үзүүлэх болохоор бүтээгдэхүүнийг зах зээлийн дунджаас гурван хувь илүү үнээр авсан гэх мэт. Энэ мэтээр үйлдэл болгоныг баримтжуулж өгөх нь хэрэгтэй үед шалгах боломж бүрдүүлдэг. Өрнөдийн бизнесийн салбаруудад өөрийн гэсэн ёс суртахууны мөрдлөг бий. Тухайлбал АНУ –ын рекламын менежерийн мөрдөх зарчим, ханган нийлүүлэгчийн зарчим гэж байдаг. Тэнд ”Бусад этгэдүүдийн өмнө үүрэг хүлээх эсвэл өөрийн ажил олгогчийн ашиг сонирхолтой зөрчилдөхөд хүргэж болзошгүй бэлэг өгч, авч болохгүй. Нэг компаниас жилдээ 25 доллараас илүү үнэтэй бэлэг авч болохгүй“ гэх мэт олон зүйл байдаг. Эдгээр зарчим, мөрдлөгүүдийг салбар тус бүрийн олон нийтийн байгууллагад боловсруулсан байдаг.

Мониторингийн арга
Компанийн нэрийн өмнөөс хийж байгаа бүх үйлдлийг баримтжуулах нь гадны хяналтгүй үед хааяа цаасны дэмий үрлэг болж хувирах тохиолдол бий. Том компаниудын захирал, эсвэл эздэд худалдан авч байгаа бүх зүйлийн нарийн ширийнийг ойлгож мэдэх боломж тэр болгон гардаггүй. Харин марктенгийн албандаа улиралд нэг удаа ханган нийлүүлэгчдийн санал болгосон үнийн шинжилгээ хийгээд, гарсан тоог үндэслэн нийлүүлэлт хариуцсан хүмүүсийн гэрээнд шалгалт өгөөд байж чадна. Гэхдээ энд авсан, эсвэл авах гэж байгаа барааны чанарыг тодорхойлох нь нилээд ээдрээтэй асуудал байдгийг анхаарах хэрэгтэй. Ялангуяа бүтээгдэхүүний чанарын үнэлгээ нь субьект байдаг салбарууд дээр тун ярвигтай болдог. Компьютер техник хангамжийн шинэ техник технологи нэвтрүүлэхийг шаардах, рекламны менежер илүү үр ашигтай сурталчилгаа хийж туршихийг санал болгох гэх мэт. Яагаад? Өөрт унац ихтэй болоод тэр үү, эсвэл үнэхээр шилдэг нь үү? Тус салбарт ажилладаг компаниудын хувьд тухайн байгууллагын гишүүн байж, улмаар заагдсан мөрдлөгүүдийг өдөр тутмын болгох ажиллагаа явуулах лиценз авах нэг нөхцөл болж байдаг.

Эрх мэдлийг тараан хувиарлах арга
Зарим компиануд их “ажилладаг” ажилтнуудынхаа хүслийг бага ч гэсэн хориглохын тулд шийдвэр гарган, төвийн хэд хэдэн газар тараадаг. Тухайлбал нийлүүлэлт хариуцсан ажилтан зөвхөн худалдан авах ба үнийн талаар тохиролцоно. Маркетингийн алба нийлүүлэлтийн нөхцлийн талаар тохиролцоод, гэрээндээ хэд хэдэн албадын дарга нар гарын үсэг зурсны дараагаар эцсийн гарын үсгийг захирлын орлогч тавьснаар гэрээ хэрэгжиж эхэлнэ. Гэхдээ энэ мэтээр хүнд сурталжуулах нь компанийн бизнесийн ажлыг сааруулахаас өөр ямар нэгэн үр дүн үзүүлэхгүй байх нь олонтаа. Учир нь ийм нөхцөлд албан хаагчид үгсэн, “таван цаас унагах” үйл явцыг шат дараалсан, хамт олны хүрээнд хүртэл өргөжүүлж чаддаг.

Тендерийн арга
Өнөөдөр манай нөхцөлд хамгийн унацтай бизнес бол тендер гэхэд хэтрүүлэг болохгүй. Элдэв төрлийн тендер олноор зарагдаж, компаниуд нэг нэгнээсээ хямд үнэ санал болгон уралддаг. Гэвч цаагуураа аль нэг хариуцлагатай ажилтан нь нэгэн компаниас багагүй хэмжээний мөнгө аваад шууд сонгох нь цөөнгүй. Шударгаар сонгосон байлаа ч ялсан компани тендер зохион байгуулагчдад тодорхой хэмжээний “ зоос “ атгуулахгүй бол дараагийн удаа тендерт ялах нь бүү хэл, огт оролцохгүй ч байж магадгүй гэсэн бичигдээгүй хууль байдаг.

Сэдэлт хийх арга
Хэрэв нарийн мэргэжлийн туршлагатай албан хаагч сард ердөө 50 мянган төгрөгийн цалин цалин аваад ажиллаад байгаа бол тэнэг, эсвэл ямар нэг “хор найруулж“ байгаа гэсэн үг. Ийм цалингаар гэр бүлээ тэжээнэ гэдэг байж болшгүй зүйл болохоор эрүүл саруул л бол ямар ч хүнд байдлыг сайжруулах нэмэлт сэдэлт олох нь гарцаагүй. Тэгэхээр чадварлаг ажилтанд сарын 50 мянган төгрөг санал болгоод, хөдөлмөрийг нь хямдхан худалдаад авчихлаа гэж бодож байгаа дарга үнэн хэрэгтээ том алдаж байгаа юм. Хүн албан тушаалаа үнэлэхгүй, цалиндаа сэтгэл хангалуун байх хэцүү. Байдлыг сайжруулах өөр зөвшөөрөгдсөн боломж байхгүй болохоор л “унац хайж“, “ажиллаж” эхэлдэг нь ойлгомжтой. Тиймээс хүн албан тушаалаараа бахархдаг, сэтгэл хангалуун, зөвшөөрөгдсөн аргаар орлогоо нэмэгдүүлэх боломжтой байх ёстой. Тиймээс бизнесийн нэгжээр удирдах аргыг судлаад үзэхэд илүүдэхгүй. Энэ онол ёсоор компанийн алба тус бүрийг өөрийн компанийн дотоод зах зээлд бараа үйлчилгээ нийлүүлдэг бие даасан нэгж гэж үздэг. Зарим нэгжүүд компанийн үндсэн ашгийг олдог болохоор орлогын төв болдог. Харин зарим нь орлого оруудаггүй ч зайлшгүй шаардлагатай үйлчилгээ үзүүлдэг зарлагын төвүүд байдаг. Улмаар бизнес нэгж бүрийн үр ашгийг үнэлэх систем, компанийн бусад нэгжүүдэд үзүүлэх үйлчилгээний үнэлгээг боловсруулан гаргаж өгдөг. Ингэхэд жишээлбэл хангамж хариуцсан хэлтэс нь худалдан авахад зориулагдсан мөнгөө хэмнээд, хожим үлдсэн мөнгөө ажилтнуудаа урамшуулахад зарцуулах бүрэн эрхтэй болж таарна. Үүний сацуу өөрийн компанийг дотоод зах зээлээс шахахгүйн тулд өөрийн үзүүлж байгаа үйлчилгээг чанаржуулахад анхаарах хэрэгтэй. Гэхдээ энэ нь хамгийн ерөнхий бүдүүвч бөгөөд компани өөрийн онцлогт нийцсэн нарийн тохиргоо хийх хэрэгтэй юм.

Эх сурвалж: Лектор төв

Хлейдийн хууль

2009-10-26T23:00:00.002+08:00

Хүндэвтэр даалгаварыг залхуу ажилтандаа өг.
Тэр хялбар хийх аргыг хурдан олно.

Түүхийн гайхалтай давхцал

2009-10-22T15:15:00.001+08:00

Нууцлаг юмс, тооны гайхамшигт хэлхээс, санамсаргvй давхцал тохиол биднийг гайхшируулж алмайруулдаг. Гэтэл хорвоо ертөнц дээр санаандгvй, санамсаргvй зvйл байдаггvй аж. Бvх vйл явдал ямар нэг Дээд Хvчний урьдаас төлөвлөсний дагуу явагддаг тийм ертөнцөд бид амьдарч буй бололтой. Амьдралыг тоогvйгээр төсөөлшгvй. Эдгээр тоо мушгиран хуйлрах хувь заяаны эргvvлгээр авирч буй хvн төрөлхтөнд тайлагдашгvй, оньсого мэт сонин бэлэг бэлдсээр.

1838 онд Америкийн зохиолч Эдгар По "Артур Годон Пимын адал явдлын тухай тууж" хэмээх зохиолоо гуурвижээ. Уг зохиолд задгай далайд хөлөг онгоц сvйрсний дараа дөрвөн хvн завинд сууж амь гардаг. Тод өлсгөлөнд автаж туйлдан гурав нь нийлж, нэгийгээ алж иддэг байна. Номонд тэр хvний нэрийг Ричард Паркер гэжээ. Энэ бол уран зохиол. Харин бодит амьдрал дээр 1884 онд "Магнонетт" хөлөг онгоц сvйрэв. Дөрвөн хvн амь гарч, завинд сууж амжлаа. Олон хоног далайгаар тэнэж, өлссөндөө галзуурах шахсан тэд нэгийгээ алж иддэг. Тvvнийг Ричард Паркер гэдэг байв. Өөр нэг жишээ. "Титаник" хөлөг онгоцны ослын талаар сонсоогvй хvн байхгvй биз. Тvvнээс олон жилийн өмнө буюу 1898 онд олны танил бус зохиолч Морган Робертсоны "Хоосон" роман "Мэнсфилд" хэвлэлийн газарт хэвлэгджээ. Тухайн vед хэн ч тvvний номыг сонирхсонгvй. Романд "Титан" нэртэй хөлөг онгоц дөрөвдvгээр сарын хvйтэн шөнө мөсөн уултай мөргөлдөж живдэг тухай гардаг. Мөн хөлөг онгоцны тодорхойлолтыг дэлгэрэнгvй өгvvлжээ: Онгоцны урт 243м, усан тvрц 70000 тонн, хөдөлгvvр нь 50000 морины хvчтэй, хурд 25 зангилаа ба дөрвөн трубтэй, гурван сэнстэй. Харин тvvнээс хойш 14 жилийн дараа бодит "Титаник" анхны аялалдаа гарлаа. Тvvний урт 269м, усан тvрц 66000 тонн, 55000 морины хvчтэй, цагт 25 зангилаа хурдтай бөгөөд дөрвөн труб, гурван сэнстэй.

"Титаник" дөрөвдvгээр сарын хvйтэн шөнө мөсөн уултай мөргөлдөж живэв. Эдгээр давхцал ухаан санаанд багтамгvй, vнэхээр гайхалтай. Зохиолч ослын бараг бvх нөхцлийг зөгнөн бичжээ. Номонд ч, амьдрал дээр ч эдгээр онгоцыг "жившгvй" гэж өргөмжилж байв. Тэндч, эндч эмгэнэлт явдлын vед аврах завь хvрэлцсэнгvй. Бодит болон санаанаас зохиосон амьдралд онгоцон дээр 3000 зорчигч байсан. Логик vзлийн vvднээс vvнийг тайлбарлах vнэхээр боломжгvй. Харин одоо бид өөр нэгэн давцхлыг танд толилуулья

Наполеон 1760 онд, Гитлер 1889 онд төржээ. Зөрvv 129 жил.
Наполеон засгийн эрхэнд 1804 онд, Гитлер харин 1933 онд гарчээ. Зөрvv 129 жил.
Наполеон Вен хотыг 1812 онд, харин Гитлер 1941 онд эзлэв. Зөрvv 129 жил.
Наполеон 1816 онд ялагдсан, харин Гитлер 1945 онд. Зөрvv 129 жил.
Хоёул 44 настайдаа Засгийн эрхэнд гарсан.
Хоёул 52-тойдоо Орос руу дайрсан.
Хоёул 56-тайдаа дайнд ялагдсан.
Линкольн 1818 онд, Кеннеди 1918 онд төржээ. Зөрvv 100 жил
Линкольн 1860 онд, Кеннеди 1960 онд АНУ-ын ерөнхийлөгч болжээ. Зөрvv 100 жил
Хоёул баасан гаригт алуулсан.
Хоёул эхнэрийнхээ дэргэд амиа алдсан.
Хоёул толгой руугаа буудуулж vхсэн.

Линкольн "Кеннеди" нэртэй театрт алуулсан бол Кеннеди "Линкольн" нэртэй машинд буудуулсан.
Линкольн vхэхийнхээ өмнө Мэрилэндэд байдаг Монро хотод очсон бол
Кеннеди амиа алдахын өмнө Мэрилин Монротой амрагийн холбоотой байсан.
Хоёул өмнөд нутгийнх. Хоёул Ардчилсан иамынх. Хоёул Ерөнхийлөгч болохын өмна сенатор байсан. Линкольныг буудсан Жон Уилкис Бут 1839 онд төржээ. Кеннедийг буудсан Ли Харви Освальд 1939 онд төржээ. Зөрvv 100 жил. Тэдний нэр англиар 15 vсгээс бvрддэг. John Wilkes Booth ба Lee Harvey Oswald. Бут театраас гарч гvйн дээврийн хонгилд баригдсан бол Освалвд буудсаны дараа дээврийн хонгилоос гарч гvйн, театрт баригдсан. Линкольны дараа Жонсон, Кеннедийн дараа Жонсон ерөнхийлөгч болжээ.

Эндрю Жонсон 1808 онд, Линдон Жонсон 1908 онд төржээ. Зөрvv 100 жил. Одоо бид хялбар тоо бодсоны эцэст удахгvй дэлхийн тvvхэнд агуу том хоёр хvн төрнө гэсэн дvгнэлтэнд хvрнэ. Гитлер болон Кеннеди, шиг. Наполеон ба Гитлер 129 жилийн зайтай төрсөн, Линкольн ба Кеннеди 100 жилийн зөрvvтэй төрсөн. Тэгэхээр Гитлерийн төрсөн 1889 он дээр 129-ыг нэмбэл 2018 он болно. Энэ онд дараагийн Наполеон, Гитлер нар төрнө. Тvvнээс гадна бас Линкольн, Кеннеди нар төрж магадгvй. Кеннедийн төрсөн 1918 он дээр 100-г нэмэхэд мөн л 2018 он гарч ирнэ. Ингээд цааш нь vргэлжлvvлбэл 2060 онд засгийн эрхэнд ирээдvйн Кеннеди гарна, дараа нь 2062 онд ирээдvйн Наполеон мөн төрийн тэргvvн болно. Тэгэхээр бусад онцлох vйл явдлыг мөн тооцоолж болно. Мэдээж энэ бол энгийн математик.
Ямар ч гэсэн ийм зvй тогтол анзаарагдахгvй өнгөрөхийн аргагvй.

Ýõ ñóðâàëæ: www.banjig.net

The Black Hole

2009-10-20T10:13:00.001+08:00

Найруулагч Olly Williams

Навч & Үндэс

2009-10-19T20:23:00.002+08:00

Мянган муу навч таслаж байхаар үндсийг нь ганц удаа сугал. Торо

Бид тэдэнтэй ижил болохгүй байгаадаа

2009-10-17T00:05:00.003+08:00

Өвөрмонголд байгаль хэрхэн бохирдож байгаа дүр зураг. Бидний үр хүүхдийн ирээдүйг ийм дүр зураг хүлээж байгаа юм биш биз. Зургийг Lu Guang

1. Тамын газар

2. Хэбэй аймаг Төмрийн үйлдвэр

3. Нинхай Хуй дүүргээс Өвөрмонголын үйлдвэржсэн дүүрэгт ажил хайж ирсэн нэг гэр бүлийн 2 оос 9 настай 5 хүүхэд

4. Өвөрмонголын Лазеингмо үйлдвэржсэн дүүргээс гарч буй их хэмжээний ус Шар мөрөнд цутгадаг.

5. Юннан аймагт амьдардаг 11 настай ясны хорт хавдар туссан Зу Ли хүү

6. Жиангсу аймгийн Флоурин үйлдвэрийн бүс дахь цэвэрлэх байгууламжаас дутуу цэвэрлэсэн хаягдалаа Yangtze мөрөнд нийлүүлдэг.

7. Хэбэй аймагт хорт хавдартай хүн 50 иас хол давжээ.

8. Хенан аймаг, Аниян голын усанд Аниян төмрийн үйлдвэрээс гарсан ус урсан орж байна.

9. Гуандан аймаг бохирдсон гол

10. Өвөрмонгол Вухай хот Үйлдвэрийн ажилтан

ӨӨДРӨГ ЯВЬЯ ГЭВЭЛ

2009-10-15T00:04:00.000+08:00

1. Сэтгэлийн их тэнхээтэй яв.

2. Хэн нэг нь Таныг ивээнэ гэж битгий найд. Өөртөө л найд. Бусдын хийснийг ажиглан өөрөө бие даан хий. Учрыг нь ухаарахыг хичээж оролд. Нягт нямбай, тэвчээртэй бай. Биеэ ажилдаа бүрэн дайчил.

3. Зорилготой байж түүндээ хүр. Дэмий зүйлд санаагаа бүү зовоо. Хий хоосон мөрөөдөлд битгий авт. Хийх зүйлээ төлөвлө. Саад учирвал юунаас болсоныг тунгаа. Тэгэхдээ олон юмны хойноос бүү хөөцөлд.

4. Найз нөхрөө зөв сонго. Инээсэн бүхэн нөхөр биш. Чамайг өөд нь татах нөхөр ол.

5. Төлөвлөгөөтэй ажилла. Маргааш юу хийхийгээ урьд үдэш нь төлөвлө. Удаан, олон жил хийх ажлаа ч төлөвлө.

6. Yгүй гэж зоригтой хэлж сур. Ингэх нь заримдаа эвгүй байдаг ч, үгүй гэж хэлж сураагүй урсгалаар явдаг хүн, өөдтэй явсан нь үгүй.

7. Өөрийгээ битгий чамла. Хувийнхаа шилдэг чанарыг улам бүр зүлгэн өнгө оруул. Би чадна гэж зориглож сур.

8. Муу зуршлаас бага багаар сал. Дутагдалаа шударгаар хүлээ. Өөрийгөө зэмлэж сур. Биеэ хуурдаг хүн бүтэлтэй явсан нь ховор.

9. Өдрийн аль цагт хамгийн их үр бүтээлтэй байдгаа мэдэж ав. Чухам тэр цагийг бүү үр. Амрах, хооллоход тэр цаг мөчийг бүү зориул. Цагаа зохицуулж сур.

10. Хийх гэж буй зүйлээ үнэхээр чухал эсэхийг өөрөөсөө асууж тунгаа.

11. Битгий цухалдаж бачимд. Хэнээс юунаас болов гэдгийг тунгаа. Ядарвал ажлаа хойш тавь. Санаа зовох хэрэггүй. Yе үе хөдлөх, босох, суух, явган явахыг хичээ.

12. Yнэхээр юм бүтээе гэвэл биеэ эрүүл авч яв. Эрүүл биед саруул ухаан оршдог нь хамгаас үнэн.

13. Сайн сайхныг мөрөөд. Гутранги үзэл сайн юманд хүргэдэггүй. Yүнээс ч их юм хийж чадна гэж өөрийгээ зоригжуулж бай.

14. Хийх зүйлээ зүрх алдалгүй барьж ав. Ажлаа хаанаас, юунаас эхлэхийг эхлээд бод. Дараа нь ямар аргаар хийхээ тунгаа. Хүнтэй элбэх бол түүнтэйгээ зөвлө. Бүтэх эсэхийг тооцоолж, үр дүнг шалгаж бай.

15. Та дарга ч бай, цэрэг ч бай хувийн хариуцлагаа ухамсарла.

16. Бусдыг ашигтай зүйлд урамшуулан ятга, зоригжуул. Тусал.

17. Хийх гэсэн ажлаа хойш нь бүү тавь. Нэн даруй хийж сур.

18. Бусдын үгийг нухацтай сонсож сур. Хүний хэлснээс хэрэгтэйг нь ав. Хэрэггүйг нь гээ.

19. Учрах бэрхшээл саадыг урьдчилан тооцоолж бай. Тэгвэл таны ажил бүтэмжтэй байх болно. Зорьсондоо хүрэхэд ч хялбар болно.

20. Мэдрэхүй зөн совиндоо хааяа ч гэсэн итгэж бай. Дан ухаанаар бүхнийг дийлэхгүй байх үе бий.

21. Даруу байж сур. Бардам зан, хулчгар шинж хүнийг өөдтэй болгосон удаагүй. Бусдын шүүмжлэлийг хүлээж авч сур. Энэ нь амжилт олохын үндэс.

22. Хийж байгаа зүйлээ хэцүү хүнд гэж хааяа бусаддаа ойлгуулж бай.

23. Хүнээс үг дуулах сайхан. Бусдыг магтаж, өөрийгээ магтуулахад муу нь юу байхав. Нөхөр чинь сайн ажиллаж байвал магт, дэмж, тусал.

24. Өөртөө их үүрэг, ачаалал хүлээж сур. Тэгвэл илүү ихийг бүтээнэ.

25. Тайван бай. Бусад чинь оволзож байсан ч тайван байж, гагцхүү зорьсноо хэрэгжүүлэхийг хичээж сур.

Танд амжилт хүсье

Very nice

2009-10-14T09:32:00.000+08:00

Макдональдын хоёрдугаар хууль

2009-10-13T16:50:00.003+08:00

Зөвлөх гэдэг компанийн ажилчидаас олж мэдсэнээ тайланд хавсаргадаг хүн.

Хүлээлтийн зарчим

2009-10-13T01:31:00.003+08:00

Таны зогссон дараалал удаан явж байвал буруу дараалалд зогссон гэсэн үг.

Freedom

2009-10-12T11:16:00.001+08:00

Эрх чөлөө гэдэг бол жинхэнэ утгаараа бид өөрсдийн үйл хэргээ өөрсдийн хүслээр гүйцэтгэхдээ бусдын үйл хэргийг үгүйсгэхгүй, түүнд нь саад тотгор учруулахгүй байх явдал мөн.

Жон Стюарт Миль

Эрх чөлөө гэж юу вэ?
Эрх чөлөө гэдэг бол хүн бүр бусдын оролцоогүйгээр хийх зүйлээ сонгох боломж мөн. Хүн бүр бусад хүний эрх чөлөөнд хутгалдахгүй л бол өөрийн дураар, хэрхэн амьдрахаа шийдэх эрхтэй. Чөлөөт байдал гэдэг бол эрх чөлөөг илэрхийлэх өөр нэг ойлголт юм. Эрх чөлөөг сахин хамгаалах нь засгийн газрын үндсэн үүрэг юм.

Эрх чөлөө орчин үеийн нийгмийн ёс суртахууны нэг үнэт зүйл мөн гэдгийг одоо хүн бүр хүлээн зөвшөөрдөг. Гэхдээ дандаа тийм байгаагүй билээ. Хүн төрөлхтний түүхийн дийлэнхи үед засгийн газрын зорилго бол сайн сайхан амьдрал, сайн нийгмийг цогцлуулах явдал гэж үздэг байсан. Хүмүүс нийгмээс шийдвэрлэсэн нийтийн сайн сайхан үйлсийн төлөө хүч хөдөлмөрөө зориулж, өөрсдийн ашиг сонирхол, хүсэл эрмэлзлэлээ нийгмийн сайн сайханд захируулах ёстой байв. Эхэн үедээ эрх чөлөөг ноёд язгууртан зэрэг тодорхой хүмүүс буюу хэсэг бүлэгт олгосон тусгай эрх дарх гэж ойлгож байв. Эрх чөлөөтэй байх эрх хүн бүрт байдаггүй байсан. Эрх чөлөө бол хүн бүрт хамаарах ёстой ерөнхий нөхцөл гэсэн ойлголтыг XVIII зуунд Хоббс, Локк нар үндэслэсэн. Локк нэгэн бүтээлдээ "Хуулийн зорилго бол эрх чөлөөг устгах буюу хавчин хясах явдал биш, харин түүнийг хамгаалж, өргөжүүлэх явдал мөн" гэж дурдсан байдаг. Засгийн газрын үүрэг бол хувь хүмүүсийн эрх чөлөөг хангах явдал мөн хэмээх үзэл санаа XIX зуунд түгэн тархаж, эрх чөлөө улс төрийн нэг гол үнэт зүйл болон хөгжсөн. Харин XX зуунд эрх чөлөөнд хоёр томоохон заналхийлэл тулгарсан. Нэг хэсэг нь эрх чөлөө бол коммунизм эсвэл цэвэр үндэстний улс байгуулах зэрэг дээд зорилгод хүрэхэд захирагдах ёстой өчүүхэн зорилго гэж үзэж байхад социалистууд гэх нөгөө хэсэг хүмүүс засгийн газраас хүний дотоод хэрэгт илүү ихээр оролцох явдлыг зөвтгөхийн тулд эрх чөлөөний тухай үзэл баримтлалыг өөрчлөхийг санаархаж байв.

Өөрийн дураар амьдрах эрх

Эрх чөлөө эрхийн тухай ойлголтоор тодорхойлогдох нь түгээмэл. Би хаана амьдрах, хаана ажиллаж, хэнтэй амьдрахаа шийдэх эрхтэй. Хэрэв би бусдын эрхийг хүндэтгэж байгаа тохиолдолд өөр хэн ч намайг хүчилж, миний хүслийг зогсоох ёсгүй. Энэ нь Локкийн жам ёсны эрхийн тухай номлолоос эхтэй. Эрх чөлөө гэдэг бол өөрийн эрхийн хүрээнд амьдрахын нэр бөгөөд бусдын эрхэнд саад болсон эрх чөлөө байх учиргүй. Хэрэв ингэвэл эрх чөлөөг буруугаар ашиглаж "дураараа авиарлсан" хэрэг болно. Эрх чөлөө, дур зорго хоёр ялгаатай.

Хязгаарлагдмал засаг, чөлөөт зах зээлийг эрх чөлөө гэж тодорхойлж болно. Засаг төрийн үүрэг бол хүн бүрийн эрх чөлөөг хангахад чиглэсэн хууль тогтоомжийг мөрдүүлэх, бусдын эрх чөлөөнд саад болохгүй байх нөхцлийг бүрдүүлэх явдал мөн. Чөлөөт зах зээл нь эдийн засгийн эрх чөлөө болоод сонголт хийх эрх чөлөөтэй нягт холбоотой. Хэрэглэгчдийн худалдан авах эрх, худалдагчийн бараа үйлчилгээнийхээ үнийг тогтоох эрх /хэрэглэгчийн тэрхүү үнийг хүлээж авах буюу татгалзах эрх/, ажилчдын ажил мэргэжлээ сонгох эрх, үйлдвэрлэгчдийн өөрсдийн хүслээр үйлдвэрлэх бараа бүтээгдэхүүнээ сонгох, сонгосон хүнээ ажилд авах эрх зэрэг үүнд багтана. Эдгээр эрх чөлөө зөвхөн капиталист нийгэмд оршиж чадна.

Хувь хүн ашиг сонирхлоо хамгийн сайн мэддэг

Зөвхөн хувь хүн өөрөө чухам юу хүсч, юуг эрхэмлэж, юуг таашааж байгаагаа, амьдралдаа ямар зорилго тавьсан, ямар ашиг сонирхолтой вэ гэдгээ хамгийн сайн мэднэ. Энэ нь хүн орчин тойрноосоо болон нийгмийн уг гарвалаасаа үл хамааран чөлөөт хүсэл сонголттой байна гэсэн үг. Хүн учир шалтгаан, ухамсрын тухай ойлголтдоо үндэслэн өөрийнхөө зөв гэж үзсэн сонголтыг хийдэг. Зөвхөн тухайн хувь хүн л юу хүсч, юуг эрхэмлэдэгээ мэднэ. Хүмүүс өөр бусад хүнд чухам юу зөв, юу тохиромжтой болох талаар төсөөлөлтэй байж болох боловч хэн ч тухайн хүн шиг сайн мэдэж чадахгүй. Тиймээс ч хүний хувийн амьдралыг зааж залахыг эрхэмлэдэг эцгийн эрхт ёсыг эрх чөлөө үгүйсгэдэг билээ.

Эрх чөлөө бүх хүний ашиг сонирхлыг хөгжүүлдэг

Эрх чөлөө ба дэг журам, нийтийн сайн сайхан ба хүмүүсийн ашиг сонирхлын хооронд зөрчилдөх зүйл байхгүй. Эрх чөлөө бүх хүний урт хугацааны ашиг сонирхолд нийцэж байдаг. Ютилитарианчууд /олонхийн ашиг сонирхлын төлөө хийгдсэн бүх зүйлийг зөвтгөдөг үзэл/ эрх чөлөөний үзлийг туйлын ихээр талархан дэмждэг байсан ба тэд эрх чөлөө нь олон хүмүүсийн ашиг сонирхлыг хангаж чадна гэдэгт итгэж байв. Тэдний нэг болох Жереми Бентамын тодорхойлсноор чөлөөт нийгмийн үр дүн бол "хамгийн олон хүнд хамгийн их жаргалыг" олгох явдал юм.

Адам Смит "үл үзэгдэгч гар" буюу заримдаа "аяндаа бий болох дэг журам" хэмээн нэрлэгддэг онолыг боловсруулсан. Уг онол ёсоор хувь хүн бүр өөрийнхөө төлөө тус тусдаа ажиллахад үр дүнд нь "үл үзэгдэгч гараар удирдуулсан мэт өөрийн анхлан зориогүй үр дүнд нэг мэдэхэд хүрдэг". Эрх чөлөөтэй хувь хүмүүс өөрсдийн эрх ашгийг хангахын тулд бусад хүмүүстэй хамтран ажиллахад хүрдэг бөгөөд тэр нь нийгмийн ашиг сонирхолд нийцэж, нийтийн сайн сайхныг хөгжүүлдэг. Энэ ертөнцөд хүн өөрийн хүслийг хангахын тулд бусдын хүслийг хангах ёстой болдог. "Үндэстнүүдийн баялаг" бүтээлдээ А.Смит "Махны худалдагч, пиво эсгэгч, талхчин нар өглөгч, сайхан сэтгэлтэйдээ бидэнд оройн хоол бэлдэж өгч байгаа юм биш. Тэд өөрсдөд нь ашигтай болохоор л тэгэж байгаа юм." хэмээсэн байдаг. Нийгэм дэх олон сайн сайхан зүйл хүмүүсийн анхнаасаа зориогүй үйл ажиллагааны үр дүнд бий болсон байдаг бөгөөд Адам Фергусон үүнийг "хүмүүсийн төсөөллийн бус, харин үйл ажиллагааны үр дүн" гэж тодорхойлсон.

Хуульч Х.Тэмүүжин

Хэдэн үгс

2009-10-10T00:24:00.002+08:00

Хүн өөрийгөө шүүмжлэх нь бүтээлч сэтгэлгээ юм. Алдаа, сул талаа хүлээн зөвшөөрөхөөс бүү ай.
------
Жинхэнэ мэргэжлийн хүн шиг бай. Тэд алдаа, дутагдлаа эрж олоод залруулдаг. Тийм болохоор л тэд мэргэжлийн байж чадаг.
------
Алдаагаа олж хараад өөртөө "Харж байна уу? Би азгүй" гэхийн оронд "Харж байна уу, амжилтад хүрэхэд тустай бас нэг боломж оллоо" гэж бод.
------
Амжилтад хүрдэггүй хүн бол алдаанаасаа сургамж авдаггүй хүн юм.

Компьютерийн keyboard-аар юу хийж болох вэ?

2009-10-09T11:22:00.002+08:00

Компьютерийн гар шатчихвал яах вэ? Ямарч хэрэггүй хог болж хувирна. Үсрээд л нэг савж кайф авчаад хогийн савруугаа шиднэ шүү дээ. Одоогоор 4 дэх keyboard-даа шидчихээд байгаа юм. Тухайн үед энүүгээр сэлбэг энэ тэр хийж болох юм болов уу гэж бодсон ч бас нэг новш хадгалах гэж дэмий гээд л хаяж байсан санагдаж байна.
Тэгвэл keyboard-ын товчнуудаар нь сонирхолтой зүйлс хийж болох юм байна.

Хамгийн хялбар тэгээд боломжийн санаа бол доорх зураг дээр харуулсанчлан өөрийн нэрийг бүтээгээд зүүсгэл ч юмуу, ямар нэгэн чимэглэлийн зүйлд ашиглах боломжтой.

Эсвэл бүр илүү үнэлэмж өгөөд ээмэг, бөгж хийж болох нь байна. Гэхдээ энэ товчнууд үнэхээр удаан хэрэглэгдээд царай алдчижээ. Комитдоод ч цайрахгүй болчиж. Өөр товчоор хийх хэрэгтэй.

Дээрх санаатай нэгэн адилаар чимэглэлд ашиглах нь байна. Гэхдээ эрчүүд. Ханцуйндаа esc-тэй л яваад байх нь байна шүү дээ.

Одоо тэгвэл ариа ахисан түвшиний санаа. Товчнуудаар сувс хэлхэж цүнх, түрүүвч хийдэг шиг цүнх хийж болох нь байна. Гэхдээ энэ удаад үнэхээр боломжийн харагдаж байгаа биз. Дажгүй санаа шүү хэрэгжүүлээрэй.

Бага зэргийн хийсвэрлэл нэмээд өгөх юм бол бүр илүү санаа гарч болох нь. Пүүзийг товчнуудаар тоноглочихож. Нэг үсрээд буухад нөгөөх нь гишгэж таарах юм бол гол зураад л авах нь дээ.

За тэгээд уул овоо шиг их keyboard-ны товч байгаад дээр нь машин чинь үнэхээр муухай харагдаад байвал ингэж нэг тансаглаж болох нь байна. :)

Эх сурвалж: http://www.sanakae.com

Алдаа

2009-10-09T11:19:00.001+08:00

Амьд насандаа хийсэн
Алдаануудын дотор
Архи амсахаа больсон минь
Аймшигтай алдаа байжээ!

Хегшилдеж явсан машинаас
Хедее ганцаар хаягдсан юм шиг,
Олны цэнгэлээс заазлагдаж
Орь ганцаар хоригдсон юм шиг.

Хешvvн уйтгарт дарагдаад
Хелийн чимээ чагнаж
Тоохоо байсан найз нараа
Тоолон хvлээх хэцvv юм санж.

Хувцастай мал шиг явсан
Хугацаа цагтаа харуусан
Эрvvл саруул ухаанаар
Эргэж еерийгее шигшинхэн

Баяр ёслол болгоноор
Балгасан улсаас зугтанхан
Орох газраа олж ядахад
Орчлон багадаад бэрх юм санж.

Согтуу vзэгдэх найз нехдийн
Солиотой яриаг чагнанхан
Амьсгалын нь муухай vнэрээс
Амаа тагланхан бегчимдеж

Далд оруулахын тvvс болж,
Дахиад бvv vзэгдээсэй гэж
Орон байр сэтгэл хоёр
Ой гутан vлдэх гэж,

Эрvvл ухаантай найзаар дутаж
Элэг цєсний євчин тоочиж
Эсгэлэн ундаанд нэвтэрсэн орчлонг
Элдвээр зvхэн ганцаардах гэж

Архинаас би гарсан байна
Адгуус шиг согтуу бусадтайгаа
Адилхан завхраагvй минь, миний
Алдаа юм санж!

Эх сурвалж: Сүмтэй будрын чулуу

Чингисийн хөвгүүд, жанжидын аян дайн

2009-10-09T09:36:00.005+08:00

Бат, Сvбээдэй нарын аян дайн

Бат, Сvбээдэй нарын удирдсан цэрэг /30 мянгаас багагvй, 60 мянгаас ихгvй/ Хорват, Мажар, Польш, Герман, Куман, Чех, Словак, Словен, Морави, Молдав, Крым, Гvрж болон Оросын олон вант улсууд зэрэг нийтдээ 35 сая хvн амтай 30 гаруй улс орны нутаг дэвсгэр дээгvvр ердөө юунд ч торолгvйгээр аялан байлдсаар шувтлан гарсан байна. Тэд Орост хийсэн тулалдааныг оролцуулахгvйгээр зөвхөн Дорнод Европт хийсэн их бага тулалдаануудад нийтдээ эсрэг талынхаа 150 000 хvчийг устгасан гэдэг.

Энэ цаг vед Европын улсууд эсэргvvцэн байлдах чадваргvй болтлоо тэгтлээ ядарч туйлдчихсан байсангvй. Харин ч энэ улсууд ихээхэн цэрэгжсэн, Загалмайтны дөрвөн ч удаагийн аян дайнд туршлагажсан, хуягт баатруудын ид мандал бадралын оргил vе нь байсан юм. Гэсэн ч Европын армийн жанжид, баатрууд нь Шиврийн балар тайгаас Индийн хумхаа ширэнг хvртэл, Хятадын Шар тэнгэсээс Цэнхэр Дунай хvртэл цавчилдаж явсан Монгол эрст ёстой л жижиг тугалын бэлчээрээс гарч vзээгvй, жирэмсэн эмийн шээх газраас холдож vзээгvй балчирууд шиг санагдах нь аргагvй юм.

Энд аялан байлдсан Монголын армид хожим Ази, Европыг дамнасан хvчирхэг гvрний хаан болсон Гvюг, Мөнх болон, Умард, өмнөд хятадыг чичрvvлж асан цуут жанжин Их Хадаан, Загалмайтнуудын нэгдсэн арми удаа дараа хичээсэн ч баттай эзэмшил болгож чадаагvй Сири, Дамаскийг эзэгнэн захирч, Мисрийн султан Кутуз, Бейбарс нартай илд зөрvvлж, Хөлөг хааны хангинах илдний ир, хатгах жадны vзvvр, хашгирах дууны цуурай болж явсан найманы сайн эр Хитбуха зэрэг хожим нь алдар суугаа мандуулж явсан олон хан хөвгvvд, залуу баатар эрс явжээ. Их хуралдайн шийдвэрээр монголын тvмтийн ноёноос дээших бvх ноёд ихсийн хvvхэд залуус нөхөд сэлтийн хамт оролцсон энэ аян дайныг тvvхэнд “Хан хөвгvvдийн аян” гэдэг. Тэдгээр залуус тив дамнасан энэ аян дайнд явж, ямар ч нөхцөлд цэрэг армийг хөдөлгөн залах цэрэг дайны урлагт төгс боловсорсон нь тэдний дараа дараагийн дуулиант аянуудаас тодорхой харагддаг билээ.

Энэ vед Монголчууд Европоос гадна Иран, өмнөд Кавказ болон Өмнөд Хятадад ертөнцийн гурван зовхист гурван фронт дээр зэрэг дайтаж, гэхдээ алхам бvрдээ ялж байлаа. Орос болон Дорнод Европт орсон Бат, Сvвээдэй нарын цөмрөлтийг vе vеийн цэрэг дайны тvvхийг судлаачид гайхан шагширсаар ирсэн. Зарим тvvхчид энэхvv довтолгооныг хvний олонд дулдуйдан хийсэн, зэрлэг балмадаар айлган далайлгасан явдал гэсэн нь яавч бодит байдалд нийцэхгvй юм. Тэр vед зөвхөн Ижил мөрөн Карпатын завсар хийгээд Гvржид нийт 5 сая орчим хvн оршин амьдарч байжээ.

Зэв Сvбээдэй нарын гайхамшигт аян дайн

Энэ бол одоо болтол бvх л vеийн цэрэг дайны тvvхэнд гарч байгаагvй асар том бөгөөд итгэхийн аргагvй аян байсан гэж цэргийн тvvхчид санал нэгдэн дуу алддаг ажээ. Энэ гайхалтай аян дайны талаар та бvхэнд хvргэж байна. Чухамхvv энэхvv сэтгэлд багтмааргvй аян л Ертөнцийг байлдан дагуулагчын өөрийн хийж хэрэгжvvлсэн олон аян дайнаас илvvтэйгээр Монголын морьт цэргvvд хаана ч хvрч очдог хэзээ ч ялагдашгvй байдаг тухай vлгэр домог мэт санаа бодол, хэл яриа vvсэхэд нөлөөлжээ.

Зэв, Сvбээдэй нар 20000 морин цэрэгтэйгээр Хорезмын шахыг устгах даалгавар аван мордсон билээ. Замдаа тэд Монголчуудын захиргаанд дагаж орсон хотуудыг тонон дээрэмдэж алба гувчуур оноож эсэргvvцэл vзvvлсэн хотуудыг устган сөнөөсөөр явжээ. Зэв, Сvбээдэй нар 1220-1221 оны хөгжил мандлын туйлд хvрэн асар их хvчирхэгжээд байсан Христосын шашинт Гvрж улсын нутаг дэвсгэрт орон 3-р Георгий хаанаар удирдуулсан Гvржийн хvлэг баатруудын шигшмэл армитай тулгарчээ. Монголчууд тулалдааны дасаж дадсан арга барилаа хэрэглэн ямар ч ач холбогдолгvй жижиг дайралтууд хийн эсрэг талаа туйлдуулж байснаа гэнэтхэн цөмөөрөө хумин дайрч Гvржvvдийг хиартал цохижээ.

Ийнхvv Зэв, Сvбээдэй нар дундад ази болон арабын ертөнцөөр хvссэн газраараа хөндлөн гулд аялж байлаа. Хорезмын шахыг устгасныхаа дараа тэд эзэн хаанаасаа буцаж ирэх даалгавар авсан бөгөөд Монголын цэргийн бодлоготон энэ 2 жанжин хачин зоримог төлөвлөгөө боловсруулжээ. Тэд тоногдон талагдсан ар кавказаас өөрсдийн vл мэдэх Европод цөмрөн орохоор шийдэв. Энд Монголын морин цэрэг Оросын армитай тулгарсан юм. 80000 гаран хvнтэй Оросын арми 20000 хvрэхгvй хvнтэй Монголын арми тулалдсан энэ тvvхт тулалдааныг Оросын цэргийн тvvхчид хар дарсан гутамшигт жилvvдийн эхлэл байсан гэж vздэг.

Энэ тулалдаан Монголчуудын бvрэн ялалтаар дуусч Оросын томоохон Вангууд бvгд олзлогдон алагджээ. Ийнхvv энэ 2 жанжин эх нутагтаа ирсэн юм. Тэгвэл энэ аян дайн яагаад ийм эрдэмтэдийн анхаарлыг татна вэ гэсэн асуулт гарч ирнэ. Зэв, Сvбээдэй нарын энэ аян дайн нийт 8000 км замыг туулсан бөгөөд энэ бол Морин цэргийн тvvхэнд байж боломгvй зай юм. Гэвч энэ зайг Зэв, Сvбээдэй нарын Морин цэрэг туулж зорилгоо биелvvлсэн юм. 20000 цэрэгтэйгээр ази европын хөндлөн туулж дааралдсан газар болгондоо ялалт байгуулж явсан энэ баг цэрэг бол дэлхийн тvvхэн дэх хамгийн шилдэг баг цэрэг мөн гэж vздэг юм. Тэд тулалдсан томоохон тулалдаанууд байнга хvчний асар ялгаатай байдалд болдог байсан ч ялалт дандаа тэдний талд байдаа.

Гvржvvдтэй тулалдсан тулалдаанд гэхэд л гvржийн 200000 цэрэгтэй тулалдсан тухай баримт байдаг бол Оросын 80000 цэрэгтэй тулгарсан тулалдаан бас л одоо болтол энэ аяныг нууцлаг болгосоор. Зарим нь энэ бол тэдэнд далдын ямар нэг хvчин туслаж байсан байх хэмээн аргаа баран vстэй толгойгоо маажиж байна. Энэ бол ямар нэг далдын хvчин бишээ энэ бол Монгол цэргийн дайчин чанар тулалдах урлагаар тодорхойлогдох зvйл юм. Их зөгнөгч Носдрадумас 2011 он Бурханы ташуур буцан ирэх бөгөөд Монголчууд дахин дэлхийг эзлэх болно гэсэн нэгэн мөр тvvний зөгнөл дунд байдаг ажээ. Болж буй бvхий л vйл явцийг ажиглахад Монголчуудын Генийн идэвхжил 700-800 жилийн давтамжтайгаар болдог болохыг эрдэмтэд бичсэн байдаг бөгөөд энэ Генийн идэвхжил болох болгонд Монголчууд дэлхийн тvvхэнд маш ихээр нөлөөлдөг болохыг тэд баталсан байдаг.

Тэгвэл одоо Монголчуудын Генийн ээлжит идэвхжил одоо нэгэнд эхэлжээ. 1206 онд болсон Генийг идэвхжил дэлхийн тvvхэнд юу авчирсаныг тvvх мартаагvй тэгвэл одоо ирж буй Монголчуудын Генийн ээлжит идэвхжил дэлхийд яаж нөлөөлөхийг таах аргагvй. Тиймээ одоо болж буй бvхий л vйл явц vvнийг батлана. Монголын улс төрийн vйл явц нэгдэх зам руугаа явж байна. Монголын Сумочид хvч чадлаа гайхуулж байна. Хvvхэд залуус дэлхийн математикийн уралдаан тэмцээнvvдээс шагналыг нь тvvж байна. Мөн одооны хvvхдvvд маш өсгөлvvн том биетэй маш их сэргэлэн цовоо байгааг хvн болгон л яриж байна. Энэ бvхэн нэг л юм хэлээд байна Монголчуудаа бидэнд ирдэг тэр их энерги хvчний давтамж танд мэдрэгдэж байгаа гэж найдаж байна. Мөнх хөх тэнгэр биднийг тэтгэх болтугай.

Цагаадай хааны аян дайн

Эцэг хаан Чингисийнхээ vйлсэд vнэнч шударга зvтгэж ирсэн хоёрдахь хөвгvvн Цагаадай бол Их Монголын тvvхнээ тодрон гарсан Их Монгол улсын цадигийг бахархалтайгаар бvтээсэн шударга, зоригтой эрэлхэг жанжин юм.

1211 онд Зvрчидтэй байлдахад Зvчи, Өгэдэй нарынхаа хамт баруун жигvvрийн цэргийг захирч явснаар Цагаадайн аян дайны vе эхэлсэн бvлгээ. 1219 онд Хорезмийг дайлж Отрар хотыг эзлэв. Энэ байлдаанд ахмад хvv Муутогоон нь амь алдсан мэдээг Чингис хаан Цагаадайд дуулгасан бөгөөд Цагаадай тvvнийг сонсоод эцгийн дэргэд гашуудал гаргалгvй, гадагш гаран уй гашуудлаа чинээгээрээ тайлсан нь тvvхнээ тэмдэглэгдэн vлджээ. Цагаадайн хvv нь алагдсан тул ихэд гашуудан цэргээ удирдах чадваргvй болсон тул хатан Хутугай Бэхи нь хааны хар сvлдийг авч гурвантай эргvvлэн даллаж, эрдэнэсийн алтан илдийг нь өргөж, буган халиун морийг нь хvлэглээд, 20 тvмэн цэргийг нь удирдаж, цайзыг цөм цохин орж амьд бvхнийг хvйс тэмтрэн устгаж байжээ. Хутугай бэх цайзнаас алгуурхан гарч ирэхэд илднийх нь vзvvрээс цус дуслан байсан тухай тvvхэнд тэмдэглэн vлдээсэн байдаг. Чин зоригт хатан ийнхvv хvvгийнхээ өшөөг авсан ажгуу. Yvнээс vзэхvл Цагаадай хатан зориг тэвчээртэй, бас ч догшин зан авиртай нэгэн байжээ. Дvv Өгэдэйдээ их л дотно байдаг гэх бөгөөд олон дайнд мөр зэрэгцэн тулалдаж ялж явсан. Тvvний нэг жишээ болох Багдад улсын аян дайныг дуусгаад Алтан хааныг эзлэхээр цэрэг удирдан явжээ. Ханлин, Кинчак, Багижид, Орос, Асу, Сасу, Кэшимер, Чэркэс, Болгар, Кэрт улсуудад хvртэл Ижил Янк мөрнvvдийг гэтлvvлэн Хэрмэн, Кэйбэ, Мэкэтмэн зэрэг хотыг эзлvvлэхээр явуулахдаа эсэргvvцэл vлэмж гэх мэдээг аваад Сvвээдэйн араас Бат, Мөнх, Бvри, Гvюг зэрэг хаан төрийн ахмад хөвvvдийг мордуулах саналыг Цагаадай гаргасан нь Их Монголын аян дайныг улам ч хvчирхэг агаад амжилттай болгоход ихээхэн vvрэг гvйцэтгэсэн гэж тvvхчид vздэг.

1236 онд Өгэдэй ханы төрөөс Цагаадайд Дундад орны 47330 өрхийг дараа нь Шэн Жvгийн тvмэн өрхийг өгсөн гэдэг. Ийнхvv Цагаадайн харьяат улс нутаг нь Хар Кидяны хуучин нутаг ба баруун Уйгарын нутаг болов. Цагаадайн хаант улс нь Зvvн тийшээ Иль голыг хvрч, баруун зvг Сырдарья мөрний эхээс чанагш гарч, өмнө зvгт Аму мөрөн хvрч, умар зvг Чvй мөрний саваар Сибирьт тулан маш өргөн уудам нутгийг эзэлж байсан Их Монголын нэгэн хvчирхэг том гvрэн байлаа. Цагаадайн аян дайны дотроос Отрар хотын төлөөх тулаан нэлээд ширvvхэн бас өвөрмөц болжээ. Отрарын хоёр хан нь, 50 шадар бараа бологсдоо дагуулан ордон дотроо бэхлэн тулалджээ. Отрарынхан эр эм, хөгшин залуугvй байлдаж , гэр байшингаа нураан, ваар тоосго авч , хvрээ хашаагаа задлан эвдэж, мод чулуугаар эрс шийдмэг эсэргvvцсэн ч сар шахмын дараа хvчин дутаж эзлэгдсэн гэдэг. Энэ тулааны дараа хоёр ханыг баривчлан Чингис хаантай нийлэхээр Самаркандад ирэв. 450 худалдаачныг нь vгvй хийсэн Отрарын тэр хоёр ханыг Чингис хаан аманд нь алт цутган цаазалсан билээ. 1221 оны намар Өгэдэй ,Зvчи, Цагаадай гурав Амударьяа мөрнийг гэтэлж Өргэнчи хотыг хэдэн сар байлдан эзлээд эцэгтээ нийлэв. Цагаадай бол хаан эцэгтээ машид vнэнч, дайчин догшин хvн байсан гэдэг . Тэгээд :

"Хаан эцэгтээ
Хавсарч хvчээ өгье
Далдиран зайлсан этгээдийг
Тас цавчиж шийтгэе
Салж саатан этгээдийг
Салбартал цавчиж байя" гэж андгайлжээ.

Yvндээ ч хvрч Цагаадай хан хэмээх их улсаа өргөтгөн төвшитгөж чадсан болой. 1183 оны харагчин туулай жил төрсөн, Чингис хааны хоёр дахь хөвгvvн Цагаадайн байгуулсан улсын хаад нь Цагаадайн, Алха хан, Бал хан, Төмөр хан / Доголон Төмөр ч гэдэг/, Yлэг-бэх хан эдгээр болой. Их Монгол улсын хаант улсуудын дотроос Цагаадайн нутаг дэвсгэр хийгээд хvч чадлаараа нэлээд дээгvvр ордог, цадиг тvvх, нэр алдар ихтэй улс байжээ.
Чингис хаан нас барахынхаа өмнө:

"Тvмэн vйлс дор vзvvр vгvй
Төрсөн бие дор мөнх vгvй
Төр улс ч ээлж халмой" гэжээ.

Ховсдогч, далдыг харагч, жүжигчин

2009-10-07T00:35:00.001+08:00

Профессор Вольф Григорьевич Мессинг

Вольф Мессингийн амьдрал хүн төрөлхтөний түүхэнд хамгийн түгшүүртэй оньсогын нэг болж үлдсэн. Үйл явдлыг минут, цаг, сар, жил, 10, 20 жилээр нь маш нарийн урьдчилан хэлдэг гоц үзэгдлийг тайлбарлах, Мессинг яаж хүмүүсийн бодлыг уншиж байсныг ойлгох, түүний тархи ямар гоц мэдрэмжтэй байсны учрыг олох чадвар орчин үеийн шинжлэх ухаанд байхгүй.

Орчлон ертөнцийн талаарх бидний төсөөлөл олон талаар алдаатай гэдэг нь тодорхой нэгэн зүйл юм. “Та миний бодлыг яаж уншиж байна вэ?” гэж Мессингээс асуувал тэр их л доогтойгоор: нөхөөр, харах нүдтэй та өөрийгөө хараагүй хүмүүсийн улсад байна гээд төсөөлдөө. Гараараа барьж мэдрэхгүйгээр юмсыг яаж та хардаг юм бэ? гэж хараагүй хүмүүсийг асуувал,… би зүгээр л харж байна гэж хариулах байх. “Харж байна” гэдэг чинь юу гэсэн үг вэ? гэж хараагүйчүүд эргээд асууна шүү дээ гэж билээ.

Вольф Мессинг 1899 оны есдүгээр сарын 10-нд Орост, нарийн ярьвал тэр үеийн хаант улсын нутаг дэвсгэрт, Варшавын ойролцоо еврейн Гура-Калевария гэдэг газар олон хүүхэдтэй айлд төржээ. Ядуу зүдүү хүмүүсийн дунд бүдүүлэг орчинд өсч, эцэг нь цэцэрлэг түрээсэлж, тэндээ гэр бүлээрээ өглөөнөөс орой болтол бөгтгөнөдөг байв. Эцэг нь хайрлаж энхрийлдэггүй Вольф хүү зүүдэлдэг өвчтэй байсан бөгөөд эхийнх нь хайрлах сэтгэл л түүнийг алганы амт үзэхээс хаяа авардаг байсан гэдэг. Эцэг нь Вольфыг хайр найргүй зоддог байжээ.

Еврей сүмийн дэргэдэх Хедер гэдэг дунд сургуулийг онц төгссөн хүүг шашны сургуульд /иешибот/ өгөхийг лам багш нь тушаасан боловч Вольф лам болохыг хүсээгүй аж. Тэгтэл түүнийг ёстой нэг айлгажээ: шашны сургуулиас гэр рүү нь их өндөр, цагаан хувцастай хүн илгээсэн нь хүүг орой гэгээ тасрахад отож байгаад иешибот руу яв! гэж хашгирчээ. Вольф ухаан алдаж унаад …тэгээд тэр сургуульд явах болов.

Ямар ч байсан нэг удаа Вольц нөгөө сургуулиасаа оргож, Варшав хүрэх галт тэргэнд тасалбаргүй сууж, нуугджээ.

Тасалбар шалгагч туулайг амархан оллоо. Тэгэхлээр нь айсандаа хүү шалан дээр хэвтэж байсан халтар цаасны тасархайг шүүрч аваад: энэ тасалбар! гээд сарвайхад шалгагч жинхэнэ тасалбар аятай нөгөө цаасыг цоолж өгөөд, гайхсан янзтай: залуу чи, суудал байсаар байтал сандал дор хэвтэж байдаг чинь юу билээ гэв.

Тийнхүү Мессинг хүмүүсийг удирдаж чадахаа мэджээ. Европт ховсдогч хийж, нэлээд нэр хүндтэй болсон Мессинг удахгүй дэлхийн хоёрдугаар дайн болохыг сайн мэдэж байсан учраас олны өмнө, тайзнаас Гитлерт хандаж, амиа ч алдаж, Герман улс ялагдах учир ЗХУ-ын эсрэг дайн дэгдээхгүй байхыг анхааруулж байв.

Мессингийн хэлсэн үгийг Польшийн сонинууд нийтэлдэг байжээ. Германы арми Польш руу халдан довтлоход Гитлер зөнчийг баривчлахыг тушаасан байна. Зөнчийн толгойг асар өндөр буюу 200 мянган маркаар үнэлэхээ амлаж байв. Мессингийн зургийг зарлалын самбар бүрт наажээ. Тэгтэл нэг удаа эзлэгдсэн Варшавт Германы нэг офицер сагсайсан үсээр нь Мессингийг таниад, нударганы амт үзүүлэв. “Муу нохой! Фюрер үхнэ гэж чи хэлсэн үү!” гэхэд гэнэтийн явдлаас болоод сандарсан Мессинг цусаа асгаруулан байж офицерыг ятгаж чадсанаар гестапод бус, цагдаагийн хэсэгт очжээ.

Офицер үгэнд нь орж, Мессинг цагдаагийн хэсэгт очив. Вольф амь нас нь үхлийн ирмэгт очсоныг ойлгожээ. Цагдаагийн газар харуулын цэргүүд л үлддэг шөнийг хүлээж байгаад Мессинг их хүч гаргаж байж харуулд гарсан бүх цагдааг өрөөндөө цуглуулсан байна. Зургаан хүн чимээгүй хана дагуу зогсчээ. Мессинг үхсэн хүний дүрээр ханзнаасаа босч харгалзагчаас түлхүүр аваад, түргэхэн гарч “олзлогдогсдыг” камерт нь цоожилжээ.

Энэ явдал 1939 оны намар болсон юм. Өөрт нь ямар аймшигтай болохыг мэдэж байсан ч ЗХУ руу, Сталин руу зугатахаар Мессинг тэр өдөр шийджээ.

Тэр Зөвлөлтийн хилийг яаж давж, Москвад яаж эсэн мэнд очсон талаар мэдээлэл бараг байдаггүй. Энэ талаар Мессинг өөрийн дурсамждаа хагас битүү утгаар дурдсан байдаг. Хэдийгээр явахаар санаа шулуудсан байсан ч Сталинтай уулзах нь Вольфын хувьд ч том даваа байсан юм. Учир нь Сталин шууд ятгалгад орчихдоггүй байсан бөгөөд Мессинг уулзалт хэрхэн төгсөхийг мэдэхгүй байлаа.

Сталины тавих эхний асуултыг Мессинг өөрийг нь Кремль рүү машинаар авч явж байхад урьдчилан мэдэв: Сталин өөрийгөө хэзээ үхэхийг Мессингээс асуух гэж байлаа. Мессинг хариуг мэдэж байсан ч энэ асуултад нь хариулахгүй гэдгээ удирдагчид шуудхан хэлээд, хэзээ ч, хэнд ч, ямар ч нөхцөлд энэ тухай хэлэхгүй гэж Сталинд андгайлсан байна. Хирдхийн цочсон удирдагч Мессингт итгэхээс өөр арга байгаагүй юм.

Берия зөнчийн чадавхийг хэд хэдэн удаа сорьсон байна. Жишээлбэл, тусгай хамгаалалттай байшин руу нэвтрэх үнэмлэхгүй орж, банкнаас хоосон цаасаар 100 мянган рубль авахыг тушаасныг Мессинг хялбархан биелүүлжээ. Тэгээд нэг юм Мессинг Бериягаас салж, тайзан дээрээс бодол унших үзүүлбэр хийж мөнгө олох зөвшөөрөл авсан байна.

Дайн эхлээд 10 хонож байхад Сталин Мессингийг Улс төрийн товчооны хуралд дуудав. Юу гуйхыг нь Мессинг мэдэж байсан учраас үнэнийг хэлэх үү эсвэл худал хэлэх үү, бүр хариулж мэдэхгүй байна гэх үү гэж толгойгоо баахан гашилгажээ. Тэгээд ямар ч байсан хэлэхээр шийдсэн байна. Дайн үнэхээр аймшигтайгаар эхэлж байгааг хэлэлцэх хурал эхэлж, хүлээсэн мөч нь ирэхэд Сталин Мессингээс: “Нөхөр Мессинг фашистуудтай хийж буй дайн хэзээ дуусахыг намдаа хэл дээ. Илэн далангүй хэл. Айх явдалгүй” гэв.

Дайн 1945 оны тавдугаар сард дуусна, ЗСБНХУ ялна гэж Мессинг хариулжээ. Хариу удирдагчийг цочиход хүргэв. Улс орноо тамир тэнхээ шавхсан хамгаалалт руу яаж эргүүлэх, дөрвөн жилийн дайнд олон сая хүний амь өргөхөд хүрэхийг хэрхэн хүлээж авахаа Сталин мэдэхгүй байв. Берия хамгийн түрүүнд босон харайж: Худалч! Бид эрт ялалт байгуулна, нохой минь! гэж хашгичжээ. Харин Сталин түүнийг болиулж: баярлалаа, нөхөр Мессинг та явж болно гэжээ.

1945 оны тавдугаар сарын 9-нд Мессинг хамтран ажилласанд талархсан Засгийн газрын цахилгаан мэдээг авсан байна.

Энэ баримтад Мессинг ЗХУ-д байсан тухай өөр нэлээд хэдэн ховор мэдээлэл нэмж болох юм. Ер нь бол түүний амьдрал өнөөг хүртэл нууцлагдмал байдаг. Цуу ярианаас үзвэл, дайны жилүүдэд тэр сөрөх тагнуулын газрын дэргэдэх цэргийн тагнуулын салбартай хамтран ажиллаж, баривчлагдсан хүмүүсийн бодлыг уншингаа, энэ үнэн хэлж байна, харин энэ гэмгүй хүн баривчилчихаж, эсвэл энэ хүн худлаа ярьж байна, Германы тагнуул байна гэхчилэн хэлэхэд түүнээс өөр зүйл шаарддаггүй байжээ. Тэр үед хэрэг нь илчлэгдсэн нэгнийг шууд буудаж байв.

Өөр нэг домогт Мессингийг мэдрэлд нөлөөлдөг зэвсэг бүтээхэд оролцсон гэдэг. Магадгүй үүнийг шалгах хэрэгтэй байх, учир нь тэр өөрийнх нь чадавхийг судалж, хүн бүр бодол санааг уншиж чаддаг болоосой хэмээн мөрөөддөг байжээ.

Ийм ер бусын чадвартай байсан Вольф Григорьевич заримдаа хүүхэд шиг гэнэн байсан бөгөөд мөрөөдөл нь биелвэл хүн төрөлхтөний амьдрал там болохыг ойлгодоггүй байв. Бодол санаа, мэдрэмжийн нууц нь амьтай бүхний амин сүнс нь юм. Харин түүний Европт өнгөрүүлсэн амьдрал нууц хөшгөөр халхлагдаагүй байна.

Хамгийн сонирхолтой түүхээс гэвэл жишээ нь, Мессинг хулгайлагдсан, гоёлын алмазан зүүг гүн Чарторыйскийгийнхээс олсон тухай дурсаж болох юм. Гүн удам дамжиж ирсэн эдлэлээ хайж ядаад Мессинг рүү өөрийн онгоцоо илгээж байсан гэдэг. Краковын ойролцоо байдаг гүнгийн эдлэнд онгоцоор ирээд Мессинг цамхагт байсан бүх хүнийг, үйлчлэгч нараас эхлээд гүнгийн гэр бүлийнхнийг хүртэл гарч ирэхийг хүсчээ. Тэр өөрийгөө зураач гэв. Түүний өмнө 45 хүн гарч ирэв. Тэдний хэн нь ч үнэт эдлэлийг хулгайлаагүй. Ердөө ганцхан хүний бодлыг л уншиж болохгүй байж. Тэр нь цайзын захирагчийн оюуны хомсдолтой хүү байв. Түүний тархинд нэвтэршгүй хөшиг татаастай байжээ. Гүн ядарсан нэгнийг хайрладаг байсан учир хүүд амар тайван байх боломж олгодог байж. Энэ хүү санаандгүй хулгай хийсэн байж болох юм гэж Мессинг бодсон байх.

Тэгээд занга тавьж - гинжтэй алтан цагаа олны нүдэн дээр эргүүлж байгаад ширээн дээр орхиод, заалнаас хурдхан гараад хаалганы завсраар харж зогсов. Юу болсон гээч! Хүү шууд л цагийг аваад, нүднийхээ өмнө савалж байгаад буланд байсан том баавгайн чихмэл рүү гүйж очоод сармагчин шиг дээш авирч, олзоо чихмэлийн онгорхой руу шидчихэв.

Мессинг чихмэлийн хоолойг нээлгэхэд шалан дээр нөгөө хүүгийн цуглуулсан янз бүрийн зүйл, бүр нөгөө алдсан гээд байсан алмазан хатгуур зүү гараад иржээ. Вольф шагналаас татгалзаж, харин гүнгээс хотын захад байгаа еврейчүүдийн амьдралын нэлээд хэдэн асуудлыг шийдэж өгөхийг л хүссэн байна.

Амьдралдаа зөвхөн ганц л удаа Мессинг хариу цохилтод орсон нь энэ аж. Дуу шуугүй, оюуны хомсдолтой хүүгийн тархи зөнчийн дайралтад автсангүй.

Ойр дотныхондоо Мессинг зөнч байх ямар хэцүү, хайртай эхнэрийгээ хорвоогоос хэзээ халих өдөр, цагийг мэдэж байх ямар аймаар болох талаар, өөрийгөө хэзээ үхэхийг мэдэхгүй байх, эх, эцэг, дөрвөн ахаа Варшавын геттод үхэхийг харахгүй байх ямар аз жаргал болох талаар нэг ч удаа ярьж байгаагүй... Амьдралынхаа сүүлийн жилүүдэд тэр уйтгар гуниг, шаналалд автсан байжээ.

Сүүлчийн удаа гэрээсээ гарахдаа тэр гэнэт түлхүүрээ өөрийн концертын найруулагчид өгчээ. Нөгөөх нь гайхаж, яагаад гэж асуухад: “Вольф Мессинг дахин энд ирэхгүй” гэж Мессинг хэлсэн байна. Өөрт нь хийсэн мэс заслыг /амжилттай болсон/ тэр элэглэл мэт үзэж байсан бөгөөд тасагт шилжээд удалгүй нас баржээ.

Classical Guitar

2009-10-06T23:50:00.000+08:00

Рекламны хүч

2009-10-06T00:16:00.002+08:00

Хаврын нэгэг сайхан өдөр Бруклины гүүрэн дээр хараагүй гуйлгачин гуйлга гуйгаад сууж байна. Тэрээр энгэртээ "ТӨРӨЛХИЙН СОХОР" гэсэн пайз зүүжээ. Хүмүүс хараагүй гуйлгачны дэргэдүүр өнгөрсөөр байлаа. Үүнийг харсан реклам сурталчилгааны ажилтан пайзны ар талд нь нэг юм бичээд тэр талаар нь хүмүүст харуулж тавиад явжээ. Энэ л бүх юмны эхлэл болов.
Хараагүй гуйлгачны өмнүүр өнгөрсөн хүн бүр мөнгө тавьж байлаа. Учир нь зар сурталчилгааны ажилтны бичсэн ганц өгүүлбэрт утга учир нь байлаа. Юу гэж бичсэн бэ? гэвэл "НАВЧ ЦЭЦЭГ НАХИАЛСАН ХАВРЫН САЙХАН ӨДӨР.......ГЭТЭЛ БИ ХАВРЫГ ХАРЖ ЧАДАХГҮЙ БАЙНА" гэсэн байв.

Сургааль

2009-10-05T16:20:00.002+08:00

Эхлээд төрлөө ахиулахад суралц
Эрх чөлөөнд дараа нь эрмэлз
Энэ мэтийн эрэмбээр явбал
Эрхбиш гэгээрэлд зөвөөр хүрнэ

Хожимдсон харамсал

2009-10-05T15:28:00.004+08:00

Дээр үед нэг эмэгтэйг жирэмсэн байхад нь нөхөр нь өөд болжээ. Эмэгтэй нэг өдөр ууланд явж байгаад шархатсан суусар олжээ. Ганцаардаж зовсон эмэгтэй суусрыг арчилж тойлон эдгээгээд өөртөө хань болгохоор гэртээ тэжээжээ.
Суусар ч эмэгтэйд дасч үргэлж хажууд нь явдаг болов. Хэдийгээр гэрийн тэжээмэл амьтан биш ч гэсэн бүсгүйн амьдардаг орчинд нилээд дасчээ.
Хэдэн сарын дараа эмэгтэй амаржив. Ганцаараа нялх үрээ асарч, гэр орныхоо ажлыг хийх гэж нилээд зүдэрч байлаа. Нэг өдөр эмэгтэйд ажил гараад хүүхдээ хэдэн хором орхиод гарах хэрэгтэй болов.
Суусар ч гэртээ үлдэж гэнэ. Хэдэн хормын дараа эмэгтэй гэрийнхээ хаалган дээр иртэл суусарын ам нь нил цус болсон харагдав. Эмэгтэй галзуурсан мэт уурлан гасалж тэр дор нь суусрыг цохиж алж орхилоо. Гэтэл яг тэр үед гэрээс хүүхдийн уйлах дуу гарах нь тэр. Эх хүүхдийнхээ байгаа өрөөрүү ухасхийв.
Өрөөнд орород хүүхэд орон дээрээ хэвтэж бйасан бөгөөд харин орны хажууд хэдэн хэсэг тасарч үхсэн могой байжээ.

Хэдэн үгс

2009-10-03T09:54:00.000+08:00

Магтаал сонсоход бүү дурла, шүүмжлэлд дурш
Магтаал сонсоход их бардамнал үүсмүй
Муу боловч магад үнэнийг сонсохуйд өөрийн алдаа арилмуй.
--------------
Өдөрт нэг алим идэх нь эмчийг холдуулж чадна, өдөрт нэг удаа сайхан сэтгэл төрүүлэх нь дайсныг холдуулж чадна.
--------------
Хэрээ өөрийн хошуугаар хөхөө шувууны дэгдээхэйг хичнээн хооллож тэжээсэн ч хөхөө хэзээ ч хэрээ болохгүй.

Вудын дүрэм

2009-09-29T09:44:00.001+08:00

1. Хувилж болох зүйлийг хэзээ ч бүү зур.
2. Хүрээлж болох зүйлийг хэзээ ч бүү хувил.
3. Хайчилж, нааж болох зүйлийг хэзээ ч бүү хүрээл

Линчийн хууль

2009-09-28T11:59:00.001+08:00

Үйл явдал муугаар эргэхэд бүгд арьсаа боддог.

Джексоны хууль

2009-09-28T11:57:00.001+08:00

Шинэ санаа бүгдэд ойлгомжтой болоод ирэхэд түүнийг өөрчлөх цаг аль хэдийн болсон байдаг.

Хеопсын хууль

2009-09-28T11:51:00.001+08:00

Ямар ч ажил төлөвлөсөн хугацаа, төсөвтөө багтдаггүй.

Уотергейтийн зарчим

2009-09-28T11:49:00.000+08:00

Төр засаг авилгын тухай дандаа өнгөрсөн цаг дээр ярьдаг.

Орчин үеийн шинжлэх ухааны тодорхойлолт

2009-09-28T11:27:00.002+08:00

1. Ногоон байгаад хөдөлж байвал - БИОЛОГИ
2. Муухай үнэртэж байвал - ХИМИ
3. Огт ажиллахгүй байвал - ФИЗИК

I have a dream

2009-09-28T11:06:00.001+08:00

Мартин Лютер Кинг:

1 Өнөөдөр би манай үндэстний түүхэн дэх эрх чөлөөний төлөөх хамгийн агуу жагсаал буюу түүхэн үйл явдалд та бүхэнтэйгээ нэгдсэндээ баяртай байна.
2 Таван зууны тэртээ өнөөдөр бид билэгдлийн сүүдэр доор нь зогсож буй энэ агуу Америк хүн Эрх чөлөөний тунхагт гарын үсэг зурсан юм. Түүхэн энэхүү тогтоол улам бүр сулрах шударга бус байдлын галд төөнөгдөж байсан сая сая хар арьст боолчуудын хувьд итгэл найдварын гэрэлт цамхаг болсон юм. Энэ нь тэдний хувьд боолчлолын урт шөнийн эцэст баясгалант өглөө ирэхтэй адил байв.
3 Гэвч зуун жил өнгөрсөн хэдий ч хар арьстнууд эрх чөлөөгүй хэвээр байна. Зуун жил өнгөрсөн хэдий ч хар арьстнуудын амьдрал ялгаварлан гадуурхах үзлийн гаванд гутамшигтайгаар баглуулж, арьс өнгөөр ялгавах үзлийн гинжинд хүлэгдсэн хэвээр байна. Зуун жил өнгөрсөн хэдий ч хар арьстнууд материаллаг баялагийн хязгааргүй далай дундах ядуурлын орхигдсон арал дээр амьдарч байна. Зуун жил өнгөрсөн хэдий ч хар арьст боолчууд Америкийн нийгмийн буланд зовсон хэвээр, төрөлх эх нутагтаа цөлөгдөгч мэт амьдарч байна. Иймээс бид өнөөдөр энэхүү ичгүүртэй нөхцөл байдлыг ний нуугүй илчлэхээр энд хуран цуглараад байна.

4 Өөрөөр хэлбэл бид чекээ бэлэн мөнгө болгохоор улсынхаа нийслэлд хүрэлцэн ирсэн билээ. Манай бүгд найрамдах улсыг үндэслэгчид Үндсэн Хууль болон Тусгаар Тогтнолын Тунхаг Бичгийн гайхамшигт үгсийг бичиж байхдаа Америк иргэн бүр хувь хүртэгч нь болох амлалтын үнэт цаасанд гарын үсэг зурсан юм. /Алга ташилт/. Энэхүү үнэт цаас нь бүх хүмүүс, тиймээ, цагаан төдийгүй хар арьстан хүн бүрийн амьд явах, эрх чөлөөгөө эдлэх, аз жаргалтай амьдрахыг баталгаажуулсан амлалт байсан билээ. /алга ташилт/
5 Өнөөдөр Америк улс иргэдийнхээ арьсны өнгөнөөс болж энэхүү амлалтын үнэт цаасаа үл тоомсорлож буй нь илэрхий байна. Энэхүү ариун үүргээ биелүүлэхийн оронд Америк улс хар арьст хүмүүст хуурамч чек буюу “дансны мөнгө хүрэлцэхгүй” гэсэн тэмдэглэгээтэй буцаагдах чекийг өгчээ.
6 Гэвч шударга үнэний банк дампуурсан гэдэгт бид итгэхийг хүсэхгүй байна. Энэхүү улс үндэстний боломж гэсэн том сейфэнд мөнгө байхгүй гэдэгт бид итгэхийг хүсэхгүй байна. Тиймээс өнөөдөр бидний шаардлагаар эрх чөлөөний баялаг, шударга ёсны үр дүн болох аюулгүй байдлыг өгөх тэрхүү чекээ бэлэн мөнгө болгохоор бид ирлээ.

7 Мөн бид одоо гэсэн хатуу шаардлагыг Америк улсад сануулахаар энэхүү ариун дагшин газар ирээд байна. Энэ бол бага зэрэг сэрүүцсэндээ тайвширч суух, “өөрчлөлт өөрөө ирэхийг хүлээх” гэсэн мэдээ алдуулах эм хэрэглэх цаг биш ээ. Энэ бол бид ардчилалын амлалтыг бодитой болгох цаг юм. Энэ бол ялгаварлан гадуурхлын зовлонт харанхуй хөндийгөөс өндийн босч, арьс өнгөний шударга ёсны жимд нар тусгах цаг юм. Энэ бол улс үндэстнээ арьс өнгөний шударга бус байдлын нуранги элснээс ахан дүүсийн барилдлагын хадан сууринд татан гаргах цаг юм. Энэ бол шударга ёсыг Бурханы бүх хүүхдүүдийн хувьд бодит байдал болгох цаг юм.

8 Цаг үеийн шаардлагыг үл ойшоох нь улс үндэстний хувьд хор хөнөөлтэй зүйл байх болно. Хар арьстнуудын зүй ёсны бухимдлын бүгчим зун эрх чөлөө, тэгш байдлын налгар намар иртэл дуусахгүй. 1963 он бол төгсгөл биш, харин эхлэл юм. Хэрвээ улс үндэстэн ердийнхөөрөө үйл хэрэгтээ эргэн орвол хар арьстнууд тайвшрах хэрэгтэй, одоо сэтгэл хангалуун байж болно гэж итгэгсэд цочин сэрэх болно. Хар арьстнууд иргэний эрхээ баталгаатай эдлээгүй цагт Америк оронд амар амгалан, энх тунх байдлын аль нь ч үгүй байх болно. Шударга ёсны гэрэлт өдөр ирэх хүртэл манай үндэстний суурийг ганхуулах тэмцлийн хуй салхи үргэлжилсээр байх болно. /алга ташилт/

9 Гэвч шударга ёсны ордонд хүрэх дулаан босгон дээр зогсож байгаа өөрийн хүмүүстээ хэлэх ёстой зүйл надад байна. Өөрсдийн зүй ёсны байр сууриа олж авах энэхүү үйл явцад бид буруу үйлийн гэмтэн болох ёсгүй билээ. /алга ташилт/ Бид үзэн ядалт, уй гашууны аяганаас эрх чөлөөний цангаагаа тайлах ёсгүй.
10 Бид өөрсдийн тэмцлээ үргэлж нэр хүнд, сахилга батын өндөрлөгт хийх ёстой. Бид энэхүү бүтээлч эсэргүүцлээ биеийн хүчирхийлэл болон буурахыг зөвшөөрөх ёсгүй. Бид биеийн хүчийг сэтгэлийн хүчтэй нэгтгэж тэрхүү гайхамшигт өндөрлөгт ахин дахин хүрэх ёстой.

11 Хар арьстнуудын нийгмийг эзэмдэх болсон ер бусын, шинэ хөдөлгөөн биднийг бүх цагаан арьстнуудад үл итгэх байдал руу хөтлөх ёсгүй. Учир нь өнөөдөр та нарын дунд зарим нь зогсож буй, бидний ахан дүүс болсон цагаан арьстнууд тэдний хувь заяа биднийхтэй холбоотой гэдгийг ойлгохоор ирсэн юм. Тэдний эрх чөлөө биднийхтэй салшгүй уялдаатай болохыг ойлгохоор тэд ирсэн юм. Бид тус тусдаа явж чадахгүй ээ.

12 Явж байхдаа ч гэсэн бид зөвхөн урагшаа л алхана гэсэн амлалт өгөх ёстой. Бид эргэж буцах ёсгүй. Иргэний эрхийн хөдөлгөөний идэвхтэнээс “Та нар хэзээ санаа амрах вэ?” хэмээн асуух хүмүүс байдаг. Хар арьстнууд цагдаагийн харгислалын үгээр илэрхийлшгүй аймшгийн хохирогчид болж байгаа цагт бид санаа амарч чадахгүй ээ. Аян замын уртад эцэж цуцсан биеэ хурдны замын хажуугийн дэн буудал, хотын зочид буудалд алжаалыг нь тайлах эрхгүй байхад бид санаа амарч чадахгүй ээ. Хар арьстнууд тусгаарлагдан шоовдорлогдсон жижиг дүүргүүдээс чөлөөлөгдөх хүртэл бид амарч чадахгүй ээ. Бидний хүүхдүүд “Зөвхөн цагаан арьстнууд орно” гэсэн бичээсийн улмаас хүн биш болж, үнэ цэнээ алдаж байхад бид санаа амарч чадахгүй ээ. Миссисипийн хар арьстнууд санал өгөх эрхгүй, Нью-Йоркийн хар арьстнууд өөрсдийгөө сонгуультай ямар ч холбоогүй гэж бодож буй цагт бид санаа амарч чадахгүй ээ. Үгүй ээ, үгүй! Бид санаа амарч чадахгүй ээ. Шударга ёс их ус мэт хуйларч, зөвт байдал хүчит урсгал мэт урсах хүртэл бид санаа амарч чадахгүй ээ.

13 Та бүхний зарим нь хүнд зовлон, сорилтууд дундаас ирсэн гэдгийг чинь анзаарахааргүй мунхаг нэгэн би биш ээ. Та бүхний зарим нь давчуу бүгчим шоронгийн өрөөнөөс дөнгөж суллагдаад ирсэн байх. Та бүхний зарим нь эрх чөлөөний эрэл хайгуул чинь хавчлагын хуй салхинд балбуулж, цагдаагийн харгислалын салхинд нүдүүлдэг газраас ирсэн байх. Та бүхэн бол бүтээлч зовлонгийн ахмад дайчид юм. Гэм зэмгүй зовлонгийн нөхөн төлбөр бий гэсэн итгэлтэйгээр ажил үйлсээ үргэлжлүүл.

14 Миссисипидээ эргэн оч, Алабама руугаа буц, Өмнөд Каролина руугаа яв, Жоржидоо оч, Луизана руугаа буц, энэхүү нөхцөл байдлыг яаж ийгээд өөрчилж болно гэдгийг мэдээд Умардын хотууд дахь өөрсдийн борчуудын дүүрэг, умгар овоохойнууддаа оч. Цөхрөлийн хөндийдөө үүрд үл үлдэцгээе.

15 Нөхөд өө, өнөөдөр, маргааш бид зовлон бэрхшээлтэй тулгарсан хэвээр байх ч гэлээ би мөрөөдсөн хэвээр байна гэдгээ хэлье. Энэ бол Америк мөрөөдөлд гүн суурилсан мөрөөдөл юм.

16 Нэг л өдөр энэхүү үндэстэн сэрж, “Хүн бүр тэгш эрхтэй бүтээгдсэн гэдэгт бид итгэдэг” гэсэн тунхгаа хэрэгжүүлэн амьдрах болно гэж би мөрөөддөг.
17 Нэг л өдөр Жоржийн улаан толгод дээр хуучин боолын хүү, боолын эзэний хүүтэй ахан дүүсийн ширээнд хамт сууна хэмээн би мөрөөдөж байна.
18 Нэг л өдөр шударга бус байдал, хавчлага, дарлалын халуунд цөлжсөн Миссисипи муж эрх чөлөө, шударга ёсны баянбүрд болон хувирна хэмээн би мөрөөдөж байна.

19 Нэг л өдөр миний дөрвөн бяцхан хүүхэд арьсныхаа өнгөнөөс болж биш, зан араншингийнхаа төлөө бусдын адил шийтгэл хүлээдэг тийм улсад амьдарна хэмээн би мөрөөдөж байна. Би мөрөөдөж байна.

20 Нэг л өдөр арьс өнгөөр ялгаварлан заналхийлэгч этгээдүүдтэй, харуудыг устгах, зайлуулах тухай ярьж явдаг мужийн захирагчтай Алабама мужид хар арьст бяцхан охид, хөвгүүд цагаан арьст охид, хөвгүүдтэй ахан дүүс мэт гар гараасаа барилцан алхах болно хэмээн би мөрөөдөж байна. Би мөрөөдөж байна.

21 Нэг л өдөр хөндий бүхэн амгалан болж, уул толгод бүр намсаж, энхэл донхол газар тэгш тал болж, муруй хазгай жим дардан харгуй болж, Бурханы алдар илчлэгдэн, бүх махан бие үүнийг хамтдаа харах болно хэмээн би мөрөөдөж байна.
22 Энэ бол бидний найдвар юм. Энэ бол миний Өмнөд нутаг руугаа өвөртлөн буцах итгэл юм. Энэхүү итгэлээр бид цөхрөлийн уулыг найдварын хад болгон засч чадна. Энэхүү итгэлээр бид улс үндэстнийхээ чихарсан, хөггүй эгшигийг ахан дүүсийн барилдлагааны уянгалаг симфони болгож чадна. Энэхүү итгэлээр бид нэг л өдөр чөлөөтэй болно гэдгээ мэдэн хамтдаа хөдөлмөрлөж, хамтдаа залбирч, хамтдаа тэмцэж, хамтдаа шоронд орж, хамтдаа эрх чөлөөнийхөө төлөө зогсох болно.
23 Энэ бол Бурханы бүх хүүхдүүд “Эх орон минь, таныг магтъя. Эрх чөлөөний гайхам сайхан орон. Таны тухай би дуулна. Эцэг дээдэс минь амьдралаа элээсэн, анхны цагаачдын бахархал, уул бүрээс нь эрх чөлөө эгшиглэг” гэсэн дууг шинэ утгаар дуулах өдөр юм. Хэрвээ Америк улс агуу үндэстэн болъё гэвэл энэ үнэн болох ёстой.

24 Тиймээс Нью Хемпширийн толгодын оройноос эрх чөлөө эгшиглэг. Нью Йоркийн сүрлэг уулсаас эрх чөлөө эгшиглэг. Пенсильваний өндөрлөгөөс эрх чөлөө эгшиглэг!

25 Колорадогийн цаст хясаанаас эрх чөлөө эгшиглэг! Калифорний цавчим хавцлаас эрх чөлөө эгшиглэг.

26 Үүгээр ч зогсохгүй Жоржийн чулуурхаг уулнаас эрх чөлөө эгшиглэг.

27 Теннисигийн соргог уулсаас эрх чөлөө эгшиглэг.

28 Миссисиппийн дов толгодоос эрх чөлөө эгшиглэг. Уулын бэл бүрээс эрх чөлөө эгшиглэг.

29 Энэ бүхэн болвол, хэрвээ бид эрх чөлөөг ийнхүү эгшиглүүлвэл, гацаа тосгон бүрээс, муж хот бүрээс эрх чөлөөг эгшиглүүлвэл хар цагаан, еврей харь үндэстэн, протестант католик ялгаагүй Бурханы бүх хүүхдүүд гар гараасаа барилцан, хуучны хар арьст боолуудын залбирал болсон “Эцсийн эцэст эрх чөлөөтэй боллоо. Агуу хүчит Бурхан Тандаа талархая, эцсийн эцэст эрх чөлөөтэй боллоо” гэсэн үгийг түрэн дуулах тэр өдрийг улам наашлуулах болно.

“Би мөрөөдөж байна” илтгэл 1963 оны 8 сарын 28

Дээд сургуульд заахыг мартдаг 11 зүйл

2009-09-28T10:43:00.000+08:00

Билл Гейтс дээд сургуульд заахыг мартдаг 11 зүйлийг ингэж нэрлэж байна. Үүнд:

1. Амьдрал шударга бус, үүнтэй эвлэр.
2. Хорвоо ертөнц чиний сэтгэл санаа, өөрийгөө хүндэтгэх хүндэтгэлийг нулимаад л хаячихна. Чиний сайн тал, нэр хүндийг зөвшөөрөхийн өмнө чамаас ямар нэгэн амжилт бүтээл шаардана.
3. Сургуулиа төгсмөгц жилийн 1,000,000 төгрөгийн цалин авах магадлал бараг үгүй. Чи "гавъяа байгуулаагүй" цагт компанийн дэд ерөнхийлөгч болохгүй.
4. Хэрэв чи багшийгаа хатуу чанд, шаардлага өндөртэй гэж бодож байвал босстой болохоо түр хүлээсэн нь дээр. Багшаас ялгаатай нь боссын ажил алба чамайг даалгавраа хэрхэн биелүүлэхээс чи мөнгөтэй болох уу үгүй юу гэдэг нь хамаардаг.
5. Зах дээр наймаа хийхийг чи өөрийн нэр хүндээс доогуур гэж бүү бод. Таны өвөг дээдэс ямар ч ажлыг, ийм ажлыг ч сайхан боломж гэж үзэж хөлжиж чадсан түүхтэй.
6. Бүтэлгүйтэх болгондоо эцэг эхээ буруутгах гэж бүү яар, бүү үгэл, өөрийн бүтэлгүй явдалд шантарч болохгүй, харин алдаан дээрээс суралцаж сур.
7. Чамайг төрөхөөс өмнө эцэг эх чинь одоо чамд санагдаж байгаа шигээ ийм уйтгартай, сонирхолгүй хүмүүс байгаагүй. Тэд чамайг санаа зовох юмгүй хүүхэд насаа өнгөрөөг гэж, чиний хувцас хунарыг угааж, чиний өөрийгөө өргөмжлөх чалчаа үгийг сонссоор ийм болсон юм. Ийм учраас гэрээ засаад төрөө засахын өмнө өөрийнхөө өрөөг янзалж цэгцэлсэн нь дээр.
8. Танай сургууль ялагчид, ялагдагсад гэж хуваахаа больсон. Зарим сургуульд муу дүн авахаа бүр байсан. Хичнээн л бол хичнээн удаа шалгалт шүүлэг өгч болно. Энэ бүхэн бодит амьдралтай огтхон ч адилгүй. Амьдралд чи ганц л удаа шалгалт өгнө гэж ойлгох хэрэгтэй.
9. Амьдрал жилийн 4 улиралд хуваагдахгүй, зуны амралт гэж тэнд байхгүй. Маш цөөн ажил олгогч чамайг өөрийн "би"-гээ олоход туслана, үүнийг ч хувийн чөлөөт цагаар амжуулах ёстой.
10. Бодит амьдралыг зурагтаас үзүүлж байгаатай бүү андуур! Амьдрал дээр хүмүүс ихэнхи цагаа кафед бус харин ажлын газраа өнгөрөөдөг.
Эцсийн зүйл:
11. Нүдний шилтэй "онцчуудтай" сайн харилцаатай бай. Хожим тэдний нэг чиний дарга болох магадлал өндөр.

Үүнээс дүгнэж хэлэхэд хэдий чи балчирхан байгаа ч гэлээ цаг хугацаа чамайг хэзээ ч хүлээдэггүй юм шүү. Чамд сурч мэдэх зүйлс асар их бий. Алт шиг үнэтэй эцэг эхээ хайрлаж, сургуульд хий дэмий сэлгүүцэж наргихыг бус өөрийгөө хөгжүүлж, боловсролыг эрхэм болгох хэрэгтэй. Хэрэв багш чинь ингэж чадахггүй бол тэднээс шаард. Магадгүй тэд чам шиг хүүхэдтэй олон учирч байгаагүй учраас 10, 20 жилийн өмнөх юмаа давтаж заасаар байгаад орчин үеийн хүүхэд залуусын шинэ сэтгэлгээ, шинэ хандлагыг мартаж дүүнг болсон байж болох юм. Үргэлж зурагт үзэж олон ангит савангийн дуурь үзсэнээр хүн хөгжинө гэвэл царцаа намжилын үлгэртэй адил болно. Өөртөө тавьсан зорилгодоо үнэнч байж хөдөлмөрлөж чадвал амьдрал чамайг шагналын нэрснээс хасна гэж хэзээ ч байхгүй.

Моббинг гэж юу вэ?

2009-09-28T10:30:00.001+08:00

Хүн бүхэн ажиллах явцдаа ямар нэгэн байдлаар дарамт шахалтанд өртдөг. Нэг нэгнээ нүд үзүүрлэн, бүлэглэн шахаж хавчихыг моббинг гэнэ. Үүнийг байх ёстой зүйл мэтээр хүлээн авах нь бий. Үнэндээ бол ажлын үр бүтээлд таагүй нөлөө үзүүлдэг гол хүчин зүйл бол моббинг юм. Тиймээс өрнөдийнхөн байгууллагын ажилд моббинг ямар сөрөг нөлөө үзүүлдэг болохыг судлаж, гадуурхагдсан хүмүүст зөвлөгөө өгөх газар байгуулжээ. Энэхүү үзэгдэл амьтны ертөнцөд өвсөн тэжээлтэн хүч хавсран ганц махчин амьтан руу дайрахаар илэрдэг. Ажлын байранд бол нэг хүний эсрэг хэсэг албан хаагчид удаан хугацааны туршид гадуурхсан, дээрэлхсэн, үл ойшоосон үйлдэл хийдэг юм. Амьдрал дээр золиос нь ч, авлагчид нь ч моббингийн талаар ярихыг хичээдэггүй болохоор танихад ярвигтай. Моббингийг нэг зиндааны албан тушаалтнуудын дундах буюу хөндлөн, албан тушаал ялгаатай хүмүүсийн дундах буюу босоо гэж хоёр ангилдаг.

Хөндлөн моббингийн тухайд байгууллагын хуучцуул шинэ ажилтнуудын эсрэг голдуу хэрэглэдэг. Шинээр ажилд орсон хүн чадварлаг байж, өөрсдөдтэй нь албан тушаал булаалдах өрсөлдөгч гэж үзвэл моббингоор дарамталдаг. Эсвэл шинэ ажилтан бусдаас илт давуу байгаа тохиолдолд моббингод өртдөг. Гэхдээ моббингийг гэв гэнэт даргын хайр ивээл хүртэх болсон эсвэл амьдралаа огцом өөрчилсөн нөхдүүд хуучцуулын эсрэг хэрэглэх нь бий.

Харин албан тушаалаа ахих замаа цэвэрлэх, эсвэл удирдлага нь аль нэг ажилтнаа хууль зүйн дагуу ажлаас нь халж чадахгүй болсон үед босоо моббинг хэрэглэдэг. Жишээлэхэд шинэ дарга багаа бүрдүүлэх, эсвэл боловсон хүчнээ цомхотгох замаар хэмнэлт гаргах хэрэгтэй болж гэж бодъё. Ийм нөхцөлд хуучин ажилтныг ноцтой шалтгаангүйгээр хуулийн дагуу халах боломжгүй. Тиймээс ажилтанд биелүүлэх боломжгүй даалгавар өгч, эцсийн бүлэгт өөрийнхөө хүслээр гарахаас өөр аргагүй байдалд оруулах нь хавьгүй хялбар.

Ажил дээрх моббинг нь хүнийг бие болоод сэтгэлийн хувьд маш их ядрааж, асар их эрчийг сорж авдаг болохыг эмнэлгийн судалгаагаар тогтоосон байна. Гадуурхагдан хавчигдаж байгаа хүн өөрийгөө чадвартай бөгөөд нэг зиндаанд ажиллах бүрэн эрхтэй гэдгийг бусдад батлахад эрч хүчээ зарцуулдаг. Улмаар сэтгэл зүйн дарамт эрс нэмэгдэж эхлэхэд ажилтан бусдаас салангид, хэрэгтэй мэдээлэл орж ирдэггүй битүү хайрцагт орсон мэт болж, баримжаагаа алдан, өөрийн талаарх тогтсон мэдээлэл нь нурж эхэлдэг. Ингээд энэ бүхнийг дагалдаж толгой өвдөх, ойр ойрхон ханиад хүрэх, нойргүйдэх, цусны эргэлт алдагдах гэх мэт стрессийн шинж тэмдгүүд ажиглагдана. Архаг хуучийн тоонд багтах өвчин эмгэгийн тоо ч нэмэгдэнэ. Моббингийн золиос болсон хүмүүс өөрийгөө муу хүн биш гэж батлах гэж улайран зүтгэх хэрэг байгаа үгүй эсэхийг бодох хэрэгтэй. Ингээд гарах гарцгүй болвол ажлаа бушуухан сольсон нь дээр.

Моббингийн бай болсон үед яах вэ?

Таны эргэн тойронд болоод байгаа бүхний учрыг олж, хужрыг тунгаахад туслан, моббингийн улмаас танд учрах хохирлыг бага ч гэсэн хөнгөлөх зургаан дүрэм бий.

Тогтоох гэлгүйгээр шууд бичиж авч бай

Сэтгэл судлаачид моббингийн бай болсон хүмүүст өдрийн тэмдэглэл хөтлөхийг зөвлөдөг. Түүндээ өөрийн эсрэг чиглэсэн бүх төрлийн гүтгэлэг, цуу яриаг тэмдэглэн авч байх хэрэгтэй. “Тавдугаар сарын 22- Дорж төлөвлөгөөгөө бичиж дуусгах хугацааг надад санаатайгаар хэлээгүй. Даргыг уурлаж загнахад бах нь ханасан байртай инээж суусан. Өөдгүй новш” гэх мэтээр ажил дээр болсон бүх үйл явдлаа тэмдэглэх нь таны эсрэг явуулга хийж буй хүмүүс, тэдний хэрэглэж байгаа тактик болон хэн нь ямар үүрэг гүйцэтгэж байгааг тодорхойлох боломж олгодог. Мөн өөрийнхөө хий алдааг ч гэсэн цаг алдалгүй мэдэрч ухамсарлах боломжтой.

Ерөнхий найруулагчийг ол

Моббинг нь хэн нэгний санаачлагагүйгээр хар аяндаа эхэлнэ гэж бараг байхгүй. Тиймээс юуны өмнө тэр моббинг хийх санаачлага гаргаад байгаа хүнийг олж тодорхойлох хэрэгтэй. Үл ойлголцлыг арилган, нааштай холбоо тогтоох гээд оролдоод үзэх хэрэгтэй.

Холбоотноо хай

Таны эсрэг довтолж байгаа хүмүүсийн дундаас холбоотноо олох нь тун ч хэрэгтэй зүйл байдаг. Тэр олон хүн дунд танд нааштай хандах ядаж ганц хүн байж таарна. Ийм хүмүүстэй танилцан холбоо тогтоосноор та ядаж нэлээд хэсэг хүмүүсийн өрсөлдөгч дайсан байхаа болино.

Өөрийн фракцаа байгуул

Та гадуурхагдаж моббингийн золиос болж байсан цорын ганц хүн биш нь мэдээж. Эргэн тойрныхоо хүмүүсийг сайн ажиглавал нэгэн цагт моббингийн бай болж үйлээ үзэж байсан нэлээд хэдэн хүмүүсийг олох нь гарцаагүй.

Үйл явдлыг хяналтдаа байлга

Хамгийн гол нь зэмлэл шийтгэл хүлээж болох ажил мэргэжилтэй холбоотой алдаа, дутагдал гаргалаа гэхэд аль болох дахин гаргахгүй байхын төлөө хичээх хэрэгтэй. Та хэн нэгэнтэй дайтах бус, мэддэг чаддагаа ашиглах гэж ажилд орсон гэдгээ сана. Өндөр зэрэгтэй мэргэжилтнийг ямар ч моббинг барьц алдуулж чаддаггүй.

Даргатайгаа тулж ярилц

Моббингийн бай болоод байгаа талаар даргадаа шууд хэлэх хэрэгтэй. Моббинг бизнест хор хүргэнэ үү гэхээс хэзээ ч тус болохгүй. Даргын анхаарал хандахуйц илэрхий явуулга өдөөн хатгалга гартал тэвчиж хүлээхэд хангалттай.

Моббинг үүсэх нөхцлүүд

Хамт олны дунд бүрдсэн үл ойлголцож, дайсагнасан хүйтэн уур амьсгал моббинг үүсгэх хамгийн тохиромжтой орчин юм. Байгууллагын зорилго, хөгжлийн стратеги тодорхойгүй, дээд албан тушаалтны удирдах дадал туршлага хангалтгүй, ажлын хариуцлага, үүргийн хүрээ бүрхэг, шийдвэр гаргах механизмын шат дарааллыг нарийн боловсруулаагүй, элдэв далд явуулга, хов живийг зөнд нь орхих, мэргэжил дээшлүүлэх систем болон албан тушаал ахих боломжгүй байх, ажилтан удирдлагын хооронд төрөл садны холбоо болон амин хувийн харилцаа давамгайлах, ажилтнуудын сэдэл хоорондоо эрс зөрөөтэй байх, хөдөлмөрийн хуваарилалт, зохион байгуулалт буруугаас зарим мэргэжилтнүүдийн ачаалал хэт ихэсдэг зэрэг нь ямар ч сайн компанийг “хорт могойн чуулган” болгож хувиргах аюултай.

“Бозо” –г яаж таних вэ?

2009-09-28T10:15:00.000+08:00

Ямар ч байгууллагад шинэчлэлт, шинэ бүтээгдэхүүн үйлчилгээг эсэргүүцэж өдөр тутам гүйцэтгэж буй ажилдаа өөрчлөлт оруулахыг хүсдэггүй хүмүүс буюу бозо нар бий. Тэд танд саад болж “Бид урьд нь ийм маягаар хийж болоод байсан. Ингэж өөрчлөх шаардлагагүй” гэх мэтээр шинэ санаа, санаачлагыг эсэргүүцэнэ. Шинэ орчин, техник технологид өөрчлөлт хийхээс үхтлээ айж хуучныг баримталдаг. Ийм хүмүүс бүх зүйлс болж бүтэж буй мэт харагдуулахыг хичээх болно.Үнэндээ бол компанийн ажилд өөрчлөлт хийх нь зүй ёсны хэрэг. Тиймээс та бозогоос болгоомжлохын тулд бизнесээ төлөвлөхдөө тэднийг байгууллагынхаа ирээдүйг шийдэхэд оролцуулахгүй байх хэрэгтэй. Өөрчлөлт шинэчлэл хийгдэхгүй компанийг хэн ч удирдахыг хүсэхгүй. Менежер аливаа өөрчлөлттэй холбогдон гарах эрсдлийг урьдчилан тооцоолж, тэнцвэржүүлэх сайн систем хэрэгжүүлэн ажилчдадаа итгэх ёстой. Ингээд хэрэглэгчдэд дутагдаж буй үйлчилгээ бүтээгдэхүүнийг гарган урагшлах нь зүй. Ингэж чадаагүйгээс өрсөлдөгчдөдөө байр сууриа тавьж өгөх эмгэнэлт хувь заяатай учирдаг. Үүнд бозо нар голлох үүрэг гүйцэтгэсэн байх бий.

Өрсөлдөгч компаниуд танай байгууллагыг ардаа орхихын тулд менежментийн шинэ арга боловсруулан хамгийн сайн, хамгийн хямд, орчин үеийн бүтээгдэхүүнийг санал болгодог. Гэтэл танай байгууллага доторхи тэмцлээсээ болж цаг алдсанаар зах зээлд түрүүлж чадахаа болино. Энэ нь бозод автаж түүнийг зорилгоо биелүүлэхэд туслаж цаашид шинэчлэлтийг байнга эсэргүүцэх боломж нээж өгнө. “Бозо” –нууд “Хуучин ямар сайхан байж вэ “ гэхчилэн гомдоллодог. Хязгаарлахгүй бол шинэ санаа нэвтрүүлэхээс шууд татгалздаг. Энэ нь танай байгууллагын хамгийн том чөдөр тушаа юм.

Тэд гол төлөв “Энэ миний хийх ажил биш. Заавал өөрчилж яах гээд байгаа юм. Урьд нь ингэж хийж болоод л байсан шүү дээ “Өөр хэн ч үүнийг хийхгүй боломжгүй, бүтэхгүй. Цаг зав алга.” Гэх мэт аргацаасан зүйл хэлдэг. Тэд их аюултай. Өөрчлөлт шинэчлэлтийг зөвхөн өөрөө эсэргүүцээд суухгүй, бусдыг хатган дэмжихгүй байхыг уриалдаг. Ихэнхи ажилчид шинийг эрэлхийлэхгүй бол хоцрогдоно гэдгээ мэддэг. Гэтэл бозонууд ажилчдын сул талыг ашиглан тэдэнд бусдаар гуйлгуулах санаа өгөн улам уруу татдаг. Хэрвээ та “Бозо” – гоос зайлсхийхээр төлөвлөж зах зээлийн нөхцөл ирээдүйн хөгжлийн чиг хандлагыг сайтар судлаж чадвал бозог алгасан урагшлах боломжтой. Францын легионерууд “урагшлах эсвэл үхэх “ гэсэн үзэл баримтлалтай. Дэлхийн зах зээл, эдийн засагт өрсөлдөөнд аливаа байгууллага оршин тогтнохын тулд үргэлж шинэ зүйлийг төлөвлөн, өрсөлдөгчөөсөө илүү сайн бүтээгдэхүүн үйлчилгээ үзүүлэх шаардлагатай. Шинэчлэлт хийх үү, эсвэл мөхөх гэдэг асуудал бидний өмнө цаг ямагт тулгарсаар ирсэн.

Эх сурвалж: Пёрл сэтгүүл

...........могойн эрээн гаднаа

2009-09-25T09:38:00.000+08:00

Нэгэн залуу бямба гаригийн үдэш үдэшлэгт явжээ. Тэнд очоод идэж ууж наргиж цэнгэж бүжиглэж байлаа. Мөн нилээд уусан учир бага зэрэг согтсон ч байлаа. Тэнд нэг аятайхан охинтой танилцав. Бүсгүйд залуу нилээд таалагдсан бололтой дараагийн өөр нэг үдэшлэгт урьжээ.

Залуу ч уухайн тас зөвшөөрч дагаад явлаа. Очсон газар нь нилээд олон хүн цугларан мөн л сайхан цэнгэж байлаа. Гэтэл залуугийн бие нь нозоороод нэг л биш байлаа. Залуу арай хийж биеэ дааж байлаа. Залуугийн уух юманд унтуулдаг эм хийсэн бөгөөд мөн давхар мансууруулах бодис ч уулгасан байв.

Хэр хугацаа өнгөрсөн юм бүү мэд, нэг ухаан ортол мөсөөр дүүргэсэн ваннанд хэвтэж байлаа. Толгой нь мансуурч архи, эм, мансууруулагчийн нөлөө гараагүй байв. Мөн ганцаараа байгаагаа ч мэдэв. Бас цээжин дээр нь уруулын будгаар “911 яаралтай тусламжруу залга. Тэгэхгүй бол үхнэ.” Гэж бичсэн нэг цаас байлаа.

Хэвтэж байсан ванны хажууд нэг утас байхыг хараад авч 999 рүү залган хаана байгаагаа, юу идэж ууснаа ч сайн мэдэхгүй байгаагаа хэлэхэд утасны цаадах хүн түүнийг ваннаасаа гараад толинд харахыг зөвлөв. Залуу ваннаас гарч толинд өөрийгөө харахад эхэндээ биед нь ямар нэгэн юм ажиглагдсангүй. Утасны цаадах хүн нуруугаа толинд харахыг зөвлөхөд эргэж хартал нурууны доод хэсэгт нь 2 урт шарх харагдаж байлаа. Гайхан байдлыг хэлэхэд 911-ийн оператор түүнийг хурдан мөстэй ваннандаа эргэж орж хэвтэхийг мөн утасны шугамаар дамжуулан хаягийг нь тодорхойлоод түргэн тусламж явуулахаа хэлэв. Залуу юу ч ойлгосонгүй учрыг нь асуухад оператор “Залуу таны бөөрийг эрхтэний наймаачид авсан байна. Мөснөөсөө гарч болохгүй гэв.” Эмнэлэгт ирээд үзэхэд залуугийн 2 бөөрийг хагалгаа хийн авсан нь тодорхой болсон бөгөөд одоо залуу аппаратанд залгаатай амьдарч байна. Түүний очсон сүүлийн үдэшлэг зохиомол байсан бөгөөд эрхтэний наймаачдын занга байжээ.

Хүний эрээн дотроо, могойн эрээн гаднаа гэдэг. Архи дарс, зугаа цэнгэл, завхарлыг заавал муу зүйл дагалддагийн нэг жишээ энэ буюу.

Маркетингийн хөдлөшгүй 22 хууль

2009-09-24T17:48:00.001+08:00

3. Ухамсарын хууль

Зах зээл дээр анхдагч болсоноос ухамсарт

анхдагч болсон нь дээр

Хамгийн анх манай гариг дээр бүтээгдсэн персональ компьютер бол MITS Altair 8800 юм. Манлайллын хуулиар бол MITS Altair 8800 (нэрийн маш сонголт) персональ компьютерийн №1 брэнд болсон байх ёстой биш үү. Харамалтай нь энэ компьютер удаан наслаагүй юм.

Дю Монт анхны телевизорыг (нийтийн хэрэгцээнд зориулсан) зохион бүтээсэн. Дюреа анхны машиныг зохион бүтээсэн. Харли анхны угаалгын машиныг зохион бүтээсэн. Бүгд бүтэлгүйтсэн.

1-р бүлэгт үзсэн манлайллын хууль зарим талаараа өрөөсгөл болж байна уу? Үгүй, ухамсарын хууль үүнийг өөрчилдөг юм. Зах зээл дээр анхдагч болсоноос ухамсарт анхдагч болсон нь дээр. Ухамсарт анхдагч байна гэдэг бол маркетинг дахь бүх зүйлийг гартаа авлаа гэсэн үг. Харин зах зээл дээр анхдагч байна гэдэг нь ухамсарт түрүүлж анхадгч болоход л хэрэгтэй байдаг.

Жишээлбэл, IBM том оврын компьютерийг хамгийн анх зах зээл дээр гаргаагүй. Remington Rand компани UNIVAC нэртэй компьютерээ энх нэвтрүүлсэн юм. Гэвч маркетингийн асар их хүч чармайлтын үр дүнд IBM хүмүүсийн ухамсарт анхдагч болж, компьютерийн талбарт ялалт байгуулж чадсан.

Сэтгэгдлийн хуулиас ухамсарын хууль урган гардаг. Маркетинг бол бүтээгдэхүүний биш, сэтгэгдлийн тулааны талбар. Иймэс зах зээлийг эзлэх гэж оролдохоосоо өмнө хүмүүсийн ухамсарыг эзлэн авах хэрэгтэй.

Жил бүр шинээр компани байгуулж байгаа мянга мянган ажил хэрэгч хүн энэ хуулийг зөрчсөнөөсөө болж дампуурдаг. Хэн нэгэнд бизнест амжилт олохоор гайхамшигтай санаа байж л байдаг. Асуудлын гол нь энэ санаагаа хүмүсийн ухамсарт түрүүлж хүргэхэд байгаа юм.

Үүнийг шийддэг гол зүйл бол мөнгө. Энэ нь бүтээглэхүүн үйлчилгээг үйлдвэрлэх, хүргэх, барилга байшин, тоног төхөөрөмж худалдаж авах, байрлуулах, дээрээс нь хэвлэлийн бага хурал хийлгэх, үзэсгэлэнд оролцох, сурталчилгаа явуулахад шаардагдах нөөц юм.

Харамсалтай нь, энэ нь маркетингийн бүхий л асуудлыг дан ганц мөнгөөр шийддэг гэсэн ойлголтыг төрүүлдэг. Энэ худлаа. Өнөдөр хүний үйл ажиллагааны дотроос (мэдээж хэрэг, засгийн газрын үйл ажиллагааны гаднах) маркетингэд мөнгийг хамгийн ихээр үр дүнгүй гарздаж байна.

Ухамсар юмыг нэг л хүлээгээд авчихсан бол та ухамсарыг өрчилж чадахгүй. Энэ нь Гитсбургд Пикетийг ялагдалд хүргэхэд маү их нөлөөлсөн түүхийн хамгийн алдартай жишээ болох Балаклава дахь нуувчинд орсон дайсны өөдөөс эгнээ эгнээгээрээ давшиж байгаа галын бригадын давшилттай ижил зүйл юм.

Wang бол электрон бичгийн машинд анхдагч. Гэвч энэ төрлийн машины үе өнгөрч, компьютерийн эрин ирж байлаа. Wang ч мөн шинэ эринтэй хөл нийлүүлэн алхахаар шийджээ. Гэвч тэд амжилт олоогүй юм. Өөрсдийн хийсэн персональ компьютер, миникомпьютерүүдээ сурталчилахад олон сая долларыг зарцуулсан хэдий ч хүмүүсийн ухамсар дахь “Wang бол электрон бичгийн машины компани” гэсэн ойлголтыг эвдэж чадаагүй юм.

Ксерокс компани хувилагч машины зах зээлд анхдагч байсан бөгөөд улмаар тэд компьютерийн бизнест хөл тавьжээ. Ксерокс компьютерийн бизнест хорин таван жилийн хүчин чармайлт тавьж, 2 тэрбум доллар зарцуулсан боловч бүх зүйл талаар болсон юм.

Та компьютзр доторхи ямар нэгэн зүйлийг өөрчлөх гэж байна уу? Хэдэн товч дараад л гүйцээ. Та хүмүүсийн ухамсарт байгаа ямар нэг зүйлийг өөрчлөх гэж байна уу? Үүнийгээ март. Юмыг нэгэнт хүлээгээд авчихсан ухамсар өөрчлөгдөх нь ховор. Таны маркетингэд хийж болох зүйлүүдээс хамгийн үр дүнгүй цорын ганц зүйл бол ухамсарыг өөрчлөх гэж оролдох явдал юм.

Хүний тархинд үүрд хоногшин үлдэхийн нууц нь агшин зуурт хүчтэй сэтгэгдэл үлдээж чадсанд байдаг.

Таны урьд нь хэзээ ч сонсож байгаагүй хүн маргааш өдөр алдартай болсон байх жишээтэй. “Гэнэт бий болох сенсааци” нь тийм ч гоц гойд үзэгдэл биш.

Хэрвээ та хэн нэгэнд онцгой сэтгэгдэл төрүүлэхийг хүсэж, нааштай сэтгэгдлийг аажим аажмаар төрүүлэх замаар зорилгодоо хүрэх тактик сонгож байгаа бол энэ чинь үр дүнгээ өгөхгүй. Үүний оронд цаад хүнийхээ ухамсарт анхнаасаа л тэсрэлт хийх хэрэгтэй.

Мөлхөхийн оронд тэсрэх шалтгаан нь хүмүүс бодлоо өөрчлөх дургүй байдагт байгаа юм. Хүмүс тантай анх уулзаад л танд ямар нэг төрлийн шошго зүүгээд тархиндаа хадгалчихна. Та тэдний тархинд дахиад өөр хүн болж чадахгүй.

Маркетингийн нууцлаг зүйлүүдийн нэг нь мөнгөний үүрэг роль юм. Зарим үед цөөн хэдэн доллараар гайхамшигтай амжилтанд хүрч болно. Зарим үед олон сая доллар ч компанийг уналтаас аврахад нэмэр болдоггүй. Ухамсар нээлттнй байгаа үед та бага мөнгөөр ихээхэн үр дүнд хүрч болно. Майк Маркулагийн хандивласан 91000 долларын тусламжтайгаар Apple компьютерийн зах зээлд хөл дээрээ боссон.

Apple-ийн энгийн бөгөөд хялбар тогтоогдох нэр нь түүнийг хүмүүсийн ухамсарт анхдагч болоход тусалсан. Нөгөө талаар Apple-ийн бусад өрсөлдөгчдийн нэрнүүд тогтоогдоход маш хэцүү нэрнүүд байлаа. Эхэндээ, компьютерийн зах зээл дээр таван өөр компанийн таван өөр персональ компьютер байлаа. Apple II, Commodore Pet, IMSAI 8080, MITS Altair 8800, Radio Shack TRS-80. Эдгээр нэрнүүдээс аль тогтооход хялбар, энгийн байна вэ? Гэдгийн өөрөөсөө асуу.

Soyombo & I am Canadian

2009-09-23T20:47:00.000+08:00

Интернетээр жаахан хэсэж явтал эдгээр зүйлтэй таарав. Үзээд сэтгэгдлээ үлдээгээрй.

Soyombo & I am Canadian

2009-09-23T20:36:00.003+08:00

Интернетээр жаахан хэсэж явтал эдгээр зүйлтэй таарав. Үзээд сэтгэгдлээ үлдээгээрй.

Dunhill London & Soyombo

2009-09-23T20:33:00.000+08:00

Ìàíàéõàí ðåêëàìûã ÿàæ õóëãàéëäàã áàðèìòûã үçýýðýé. Ñýòãýãäëýý үëäýýãýýðýé. Óã íü ÷ íýãýíò õèéñýí äóãóéã äàõèí õèéõ ãýñíèé õýðýããүé ãýñýí үã áàéäàãëäàà.

Dunhill London & Soyombo

2009-09-23T20:21:00.004+08:00

Шүлэг

2009-09-21T19:29:00.003+08:00

Хааяа шүлэг уншаад суух бас л өөр зүйл мэдрэх шиг болдог шүү. Чойном гэдэг билэг танхай яруу найрагчийн шүлэг бүр ч янзтай. Номын сангийн маань номнууд дотор бас хүндтэйхэн байр эзэлнэ шүү. Хааяа номыг нь дэлгээд хэдэн шүлгийг нь уншчихсан байхад ч сайхан мэдрэмж төрүүлдэгдээ. Хар залуугаараа хорвоогоос хальчихсан гэж бодохоор хайран санагддаг юм. Гитар сайхан тоглодог байсан гэж байгаа. Хэдэн дууны ая бичсэн нь бүр ч гайхалтай. Зарим нэг зохиосон аяа хүний нэр дээр бичүүлээд нийтэд тоглуулж байсан нь судлаачдын хараанд өртсөн гэж байгаа. Ардчилал шударга ёс нээлттэй нийгэм гээд л 20 жил ярьцгаалаа. Гэтэл "энэ дууг Чойном зохиочихоод миний нэр дээр гаргаж байсан юм" гээд хэлчих зоригтой хүн байдаггүй. Тас нуусаар өдий хүрсэн нь их сонирхолтой. За олон үгээр яахав. Хэдэн нэргүй мөртүүдээс нь орууллаа.

--------
Танил маань шинэ малгай өмсөөд
Танихгүй хүн шиг дээгүүр харж явна
Хуучин малгайгаа сольсноос биш
Хуучин муу толгойгоо солиогүй л баймаар юм.
--------
Хүйтрэх, дулаарах тэнгэрийн явдал
Хүний санаснаар болсонгүй гэж
Дэмий ч гэсэн сэтгэлээ засаж
Дээшээ хялалзан хялалзан муулцгаана

Орчлонд, хүн гэдэг амьтан
Овилго муутайгаараа гаргууд билээ.
Хэрвээ тэнгэр хүний санаагаар загнах юм бол
Хэдийнэ, энэ ертөнц сөнөх буй заа
--------
Хүчтэй ганган явах цагт
Хүн байтугай нохой хүртэл инээнэ.
Ноорч ядуурахын цагт
Нохой байтугай хүн хүртэл урах гэнэ.
--------
Гучин наймтай аавын минь
Амьд сэрүүн зүрх шиг
Гуниг баяраа дэргэд нь
Амсаж өссөн голомт минь

Тунарч хөхрөх утааны
Үнэр нь нэг л өөр
Тулган доогуур шилээсэн
Үнс нь хүртэл ондоо

Ам бүлдээ хомсхон
Хоол нь нэг л амттайхан
Ахдаа шоглуулж уйлсан
Нулимс хүртэл аятайхан

Бурхан бага насны минь
Буурал ганцхан диваажин
Буургар талын дундах
Бууц минь иэр байна

Жаахан тэр бууцан дээр
Жаргалаа орхиж, зовлонгоо үүрээд
Илчилгүй холын замд би
Эр бие ганцаар гач билээ.....
--------
Жигүүртэй бүхэн шувуу мөн, гэвч
Жиргэдэг ч бий, гаагалдагч бий...
Ухаантай бүхэн хүн мөн ч гэлээ
Уйлдаг ч бий, дуулдаг ч бий.
-------
Унтана гэдэг үхэхийн өөдөс
Уйлна гэдэг дуулахын хэлтэрхий......
-------
Ямар ч хүн, хэрвээ
Ялаа болж төрсөн бол
Хэдгэнэ болох сон гэдэг.
Хэдгэнэ болохдоо, болжмор болох гэдэг

Хэрвээ болжмор болчихвол
Хэт нь заавал бүргэд болох гэдэг
Хэн нэгнийгээ тэгээд багалзуурдахсан гэдэг
Хэзээ ёзооны зуршил юм шив дээ.

Маркетингийн хөдлөшгүй 22 хууль

2009-09-21T19:21:00.000+08:00

2.Категорын хууль

Хэрэв та категортоо анхдагч байж чадахгүй юм бол анхдагч болж чадах шинэ категорийг бодож ол.

Атлантын далайг онгоцоор туулсан гурав дахь хүний нэрийг мэдэх үү?

Хэрэв та 2 дахь хүн болох Берт Хинклерийн нэрийг мэдэхгүй байгаа бол 3 дахь хүний нэрийг таах найдлага тун бага байж болох юм. Гэвч та түүний нэрийг мэдэж байгаа. Энэ бол Амеля Эрхарт.

Гэхдээ та энэ нэрийг Атлантын далайг туулсан гуравдахь хүн гэдгээр нь тааж байна уу? Аль эсвэл Атлантын далайг туулсан анхны эмэгтэй хүн гэдгээр нь үү?

Heineken-ийг Америкийн зах зээлд асар их амжилт олж байх үед Анхюзер-Бушийнхан импортын пиво оруулж ирж болох л байсан. Гэвч тэд тэгээгүй. Харин ч үний оронд тэд “Хэрэв өндөр үнэтэй пивоны зах зээл байгаа юм бол өндөр үнэтэй дотоодын пивоны зах зээл яагаад байж болохгүй билээ” хэмээн ярьж байлаа. Тэгээд ч тэд Michelob гэдэг дотоодын өндөр үнэтэй пивийг зах зээлд гаргасан юм. Өнөөдөр түүний борлуулалт маш сайн байгаа бөгөөд 2 Heineken тутамд 1 Michelob борлогдож байна. (Үнэндээ бол Анхюзер-Буш Carlsberg гэдэг европт маш их нэр хүндтэй пивийг импортолж үзжээ. Гэвч Carlsberg Америкт амжилт олоогүй.)

Miller Lite бол анхны дотоодын тунгалаг шар айраг. Түүнийг зах зээлд гарсанаас хойш 5 жил болж байхад нэгэн импортлогч “Хэрэв дотоодын тунгалаг шар айрагны зах зээл байгаа юм бол импортын тунгалаг шар айрагны зах зээл яагаад байж болохгүй билээ” гэж хэлж байлаа. Тэгэд тэрээр Amstel Light-ыг Америкийн зах зээлд оруулж иржээ. Өнөөдөр энэ шар айраг хамгийн их борлуулалттай импортын тунгалаг шар айраг болж чаджээ.

Хэрэв та хүмүүсийн ухмсарт анхдагч болж чадахгүй байгаа бол итгэл найдвараа бүү алд. Анхадгч байж чадах шинэ категорыг бодож ол. Энэ нь таны бодож байгаа шиг тийм ч хэцүү зүйл биш.

IBM-ийг компьютерийн зах зээлд амжилт олж эхэлсэний дараагаас бүгд л энэ зах зээл рүү хошуурцгаах боллоо. Buroughs, Control Data, General Electric, Honeywell, NCR, RCA, Sperry. Харин тэр үед IBМ болон эдгээр компаниуд цасан цагаан ба долоон одой хэмээх нэр зүүх болсон юм.

Эдгээр долоогоос аль нь 126000 ажиллагсадтай, жилдэ 14 тэрбум долларын борлуулалт хийдэг, үндэстэн дамнасан хүчирхэг компани болтлоо өсөж, “дэлхийн 2 дох том компьютерийн компани” гэж өргөмжлөгдсөн бэ? Аль нь ч биш. Компьютерийн дал, наян компагиудаас тодорч гарч, IBM-ийн дараа орох хоёрдох том компани болж чадсан компани бол Digital Electric Corporation (DEC) юм. IBM компьютерт анхдагч бол DEC миникомпьютерт анхдагч.

Үүнтэй нэгэн адилаар, компьютерийн бусад олон компани “хэрэв та категортоо анхдагч болж чадаагүй бол анхдагч болох шинэ категорыг бодож ол” гэсэн энгийн зарчмыг баримталж мөрдсөнөөр алдар хүндтэй, баян чинээлэг болсон юм.

Tandem компани фолт-толерант компьютерийн категорт анхдагч болсон ба 1,9 тэрбум долларын ашигтай компани болтлоо томорсон. Stratus компани фолт-толерант миникомпьютерийн зах зээлд анхлан хөл тавьсан юм. Тэгвэл өнөөдөр Stratus 500 сая долларын ашигтай ажиладаг компани болжээ.

Маркетингийн хуулиуд хэцүү юу? Үгүй тэд энгийн. Гэсэн хэдий ч тэдгээрийг амьдрал дээр хэрэгжүүлнэ гэдэг асуудал.

Cray Research суперкомпьютерт анхдагч. Өнөөдөр Cray 800 сая долларын ашигтай ажиллаж байна. Харин Convex мини суперкомпьютерт анхдагч нь бөгөөд өнөдөр 200 сая долларын ашигтай ажиллаж байна.

Commodore компани Amiga малтмедиа компьютерийг зах зээлд гаргах хүртлээ персональ компьютерийн бүтэл муутай нэгэн үйлдвэрлэгч байлаа. Өнөөдөр Commodore Amiga гайхалтай амжилттай байгаа бөгөөд жилийн цэвэр ашиг 500 сая оллараас давж байна.

Анхдагч байх өөр маш олон аргууд бий. Dell компьютерийн талбарт утсаар компьютеруудаа борлуулдаг анхны компани болсон. Өнөөдөр Dell 900 сая долларын ашигтай ажилладаг компани болсон.

Та шинэ бүтээгдээхүүн зах зээлд гаргах үедээ өөрөөсөө асуух хамгийн эхний асулт бол “манай бүтээгдэхүүн өрсөлдөгчдөөсөө хэр зэрэг илүү вэ” гэсэн асуулт биш харин “юугаараа анхдагч вэ” гэсэн асуулт байх учиртай. Өөрөөр хэлбэл шинэ бүтээгдэхүүнд маань анхдагч байх ямар категор байна вэ? Гэсэн асуулт юм.

Чарльз Шаб илүү сайн брокерийн фирм нээгээгүй харин хамгийн анхны хямдралын брокерийг нээсэн.

Lears эмэгтэйчүүдэд зориулсан анхны сэтгүүл биш. Гэвч хижээл насны бүсгүйчүүдэд зориулсан анхны сэтгүүл.

Энэ нь “манай брэндийг хүмүүс хэр зэрэг эрхэмлэж байна вэ” гэсэн брэндийг баримжаалсан аркетингийн сонгодог сэтгэлгээний эсрэг баримтлал юм. Брэндийг мартаж категоруудын талаар л бод. Хүмүүс тэдний брэнд яагаад илүү сайн байгаа талаар ярилцдаг л даа. Гэхдээ бүтээгдэхүүнийг шинэ категороор дамжиж зах зээлд гарч ирэх үед хүмүүсийн ухамсар нээлттэй байдаг. Харин бүтээгдэхүүн брэндээр дамжуулж гарч ирэх үед хүмүүсийн ухамсар хаалттай байдаг. Шинэ юмыг хүн бүр л сонирхоно. Харин илүү сайн юмыг бол цөөн хүн сонирхдог юм. Хэрэв та шинэ категорт анхдагч болсон бол категороо сурталчил, өргөжүүл. Гол нь тандөрсөлдөгч байхгүй байна. Өрсөлдөөн бол тухайн категорыг хөгжүүлж, зах зээлийн цар хүрээг тэлэхэд зайлшгүй хэрэгтэй. DEC сурталчилгаандаа хүмүүст DEC миникомпьютерийг биш харин миникомпьютерийг худалдаж авахыг зөвлөдөг.

Эрт дээр цагт Hertz машин түрээслэх үйлчилгээгээ, Coca Cola ундаагаа худалджээ. Чухам тэр үеэс л энэ 2 компаний маркетингийн хөтөлбөрүүд нь үр ашгаа үлэмж ихэр өгөх болжээ.

2009-09-21T17:19:00.002+08:00

Бүтэн сарны зүг
Чулуу шидэв
Бүтэн тойргоор
Ус үсрэв
Цалгих дуу нь
Цамц норгов
Загас тэнд алга
Замаг бүр алга

Хэдэн мөр шүлэг

2009-09-21T16:38:00.002+08:00

Хэрээ хөлд оров
Хэдэн зууны үлгэр хүүрнэв
Өнгөрсөн үеийн үнэнийг дэлгэв
Өмч хөрөнгө, дайн тулаан
Өс хонзонгийн түүхийг чалчив
Хэрээг хэлд ороход
Хүн төрөлхтөн үймэв
Буу агсаж намнав
Буух газаргүй үргээв
Чихээ бөглөөд зугтав
Чин үнэнээс айв

Бас л хэдэн мөрт

2009-09-21T16:35:00.001+08:00

Дурласан шумуулын согтуу дуу
Дунд голын дээгүүр
Дугуйран эргэлдэнэ
Дуут театрын нүүрэмгий хүүхнүүд
Дурсамжийн вальс эргэж
Дугуйран бүжнэ

Нэгэн 4 мөрт

2009-09-21T16:24:00.003+08:00

Мөрөөдөж, мөрөөдөлдөө зориулан байшин барьж
Мөрөөдөж, мөрөөдөлдөө зориулан цамхаг босгож
Мөрөөдөж, мөрөөдөлдөө зориулан мөнгө олж
Мөнгөө шал дэмий юманд
Үрнэ

Хэдэн үгс-2

2009-09-21T11:25:00.001+08:00

Насан багадаа хийсэн хэдэн алдаа асар их бодит ашигтай байж болно.

Томас Генри Хаксли (1870)

--------------------

Баян бөгөөд сэтгэл дундуур байснаас ганц талхтай, аз жаргалтай басан нь дээр.

Аменетоне (11 зуун)

--------------------

Хүнд хичнээн ихийг өгнө, хүнтөчнөөн бага ажиллаж, төчнөөн ядуу болно.

Лев Толстой (1892)

-------------------

Өөрийгөө энэ дэлхийн хэн нэгэнтэй бүү харьцуулж үзэж бай. Хэрвээ харьцуулах юм бол та өөрөө өөрийгөө доромжилж байна гэсэн үг.

--------------------

Хэн ч цаг хугацааг буцаан амжилтгүй эхлэлийг өөрчилж чадахгүй. Харин хэн ч байсан хамаагүй яг одоо амжилттай төгсгөлийг хийж чадна.

--------------------

“Нүүр өөрчлөх” гэдэг нь үнэндээ юуг ч өөрчилдөггүй. Харин ”Өөрчлөлттэй нүүрэлдэж” чадвал бүх юмаа та өөрчилж чадна.

--------------------

Бусдад битгий гомдоллоод бай. Хэрэв эх тайван, амар амгаланг хүсч байгаа бол эхлээд өөрийгөө өөрчил.

--------------------

Бусдаас бурууг хайж, шүүмжлэх нь тун амархан. Харин өөрөө өөрийнхөө алдааг олж харахад тун хэцүү.

--------------------

Хөдөлгөөнгүй амьдрал “үхширсэн” зүүдтэй адил.

--------------------

Хүний мөн чанар хүслээр нь илэрдэг.

--------------------

Өнөөдөр боломжгүй юм маргааш боломжтой болдог.

--------------------

Золгүй үедээ ч үүрэг хариуцлагадаа үнэнч байна гэдэг аугаа үйлс.

Демокрит

--------------------

Бусармаг явдлыг хараад дуугүй сууна гэдэг өөрөө түүнд оролцож байна гэсэн үг.

Жан Жак Руссо

--------------------

Бусдын тухай хов жив ярьж суугаа хүнийг бушуухан гэрээсээ хөөж гарга.

Фалес

--------------------

Хөдөлмөр бол өлсгөлөнгийн эцэг, ходоодны өвөг эцэг, эрүүл мэндийн элэнц.

М.Сафир

--------------------

Өглөө босохдоо юу хийх вэ? Орой унтахдаа юу хийсэн бэ? Гэж өөрөөсөө асууж сур.

Пифагор

--------------------

Хэн хүлээж чадна түүнд өөрийн цаг хугацаа ирнэ.

О.Бальзак

--------------------

Сайн найз нөхөд гэдэг бол бидний зүрхний цохилттой адилхан чухал зүйл юм. Тэд цаг үргэлж бидэнд ил харагдаж явдаггүй ч бидний амьдралыг чимээгүйхэн тэтгэн дэмжиж байдаг.

--------------------

Хэрэв хэн нэгэн чиний алдаа дутагдал болон сул талыг чинь хэлбэл түүнд баярла. Хэн нэгэн чамайг болон чиний хэлсэн, хийсэн юмыг чинь ихэд сонирхсон байна.

Хэдэн үгс.

2009-09-21T03:50:00.000+08:00

Би гахайнд дуртай. Яагаад гэвэл нохой биднийг дороос дээш, муур дээрээс доош хардаг бол гахай эн тэнцүү хардаг.

Винстон Черчилл

Хэт алс холыг харах нь буруу юм. Нэг удаадаа бол ганц л алхам урагшил.

Винстон Черчилл

Чимхийн төдий үнэнч чанар жингийн чинээ мэргэн ухаантай тэнцдэг.

Эльберт Хаббард

Зүтгэлтэй хүн шиг бод, бодлоготой хүн шиг зүтгэ.

Хенри-Льюс Бергсон

Намуухан ярьж, ихийг бүтээ. Та хол явах болно.

Теодор Рүзвелт

Архидалт галзуурахын эхлэл

Пифагор

Үхлээс бус зорилгогүй амьдралаас айж яв.

Б.Брект

Унаж үзээд босож сур.

Хожигдож байж хожиж сурна.

Үнэн үг тэр даруйдаа үзэн ядалтыг бий болгодог.

Шинэ ноёнтой болно гэдэг шинэ хуультай болно гэсэн үг.

Хүн юу гэж байсан ч өөрийн замаар яв.

Сайн нэр гэдэг сайхан царайнаас хавьгүй дээр.

Муу муухай зүйлийн шалтгаан хундаганд байдаг.

Аливааг мэдэхгүй байж хошуу бүү дүр.

Хүнийг танихын тулд хайрла.

Сайн удирдагчийн хүчээр муу харилцаа арилна.

Ядуус үр хүүхдээр, баячууд хамаатнаар элбэг.

Маркетингийн хөдлөшгүй 22 хууль

2009-09-21T03:39:00.001+08:00

Би өөрөө эдийн засагч хүн л дээ. Сүүлийн үед маркетингийн чиглэлээр нилээд хэдэн ном зохиол уншив. Цаашид ч судална гэж бодож байгаа. Одоогоос 2 жилийн өмнө Ол Райс, Жек Троут нарын гаргасан Маркетингийн Хөдлөшгүй 22 хууль номыг уншсан юм. Их сонирхол татаж байсан санагдана. Ингээд энэ номыг та бүхэндээ хүргэхээр шийдлээ. Энэ 22 хуулийг зөрчвөл эрсдэлд унана гэсэн үгийг нь бас дамжуулья.

"Маркетинг гэдэг нь товчхондоо, эзэлж авах газар нь үйлчлүүлэгч, тулалдах дайсан нь зах зээлийн өрсөлдөөн болох дайн юм."

1. МАНЛАЙЛЛЫН ХУУЛЬ

Илүү сайн байснаас анхдагч байсан нь дээр

Ихэнх хүн "Маркетингийн үндсэн үүрэг бол тухайн бүтээгдэхүүн, үйлчилгээг бусдаас илүү сайн гэдгийг хүмүүст итгүүлэх явдал" гэж боддог.
Тэгвэл энэ нь эндүүрэл юм. Хэрэв танай компаний зах зэл дээр эзлэх хувь бага байгаад санхүүгийн илүү чадавхитай, том өрсөлдөгчтэй тулж байгаа бол юуны өмнө таны маркетингийн стратеги чинь буруу байна. Та маркетингийн эхний хуулийг зөрчлөө.

Маркетингийн үндсэн асуудал бол анхдагч байж чадах шинэ категорийг (ангилал) бий болгох явдал байдаг. Энэ бол “илүү сайн байснаас анхдагч байх нь илүү дээр” гэсэн манлайллын хууль. Ухамсарт анхдагч байх нь зах зээл дээр байр сууриа олсон бүтээгдэхүүнтэй өрсөлдөж, өөрийнхөө бүтээгдэхүүнийг түүнээс илү гэж ятгахаас хамаагүй хялбар юм.

Та өөрөөсөө 2 хон асуулт асуугаад л манлайллын хуулийн мөн чанарыг ойлгох болно.

1. Атлантын далайг онгоцоор туулсан хамгийн анхны хүн хэн бэ?

Чарльз Линдберг, зөв биз

2. Атлантын далайг онгоцоор туулсан хоёрдох хүн хэн бэ?

Хариулахад амаргүй байна, тийм үү?

Атлантын далайг онгоцоор туулсан хоёрдох хүнийг Берт Хинклер гэдэг. Үнэндээ бол Берт Чарльзаас илүү бага түлш зарцуулж, илүү хурдан туулсан сайн нисгэгч байлаа. Гэлээ ч та Берт Хинклер хэмээх нисгэгчийн тухай дуулсан уу? Түүнийг гэрээ орхиод явсанаас хойш эхнэр нь түүний тухай дахин хэзээ ч сураг сонсоогүй гэдэг.

Харамсалтай нь ихэнх компаниуд Линдбергийн хандлагын илт давуу талыг үл хайхран Берт Хинклерийн замаар явдаг. Тэд тухайн салбарын зах зээл хөгжихийг хүлээдэг бөгөөд ингэсний дараа илүү сайн бүтээгдэхүүнтэйгээр (үүнийгээ ихэвчлэн компаний нэртэйгээ холбож) уг зах зээлрүү хөл тавьдаг. Өнөөдрийн өрсөлдөөнт орчинд хүрээ тэлсэн нэртэй бүтээгдэхүүн ашигтай, том брэнд болох найдлага тун бага юм.

Ямар нэг категорийн тэргүүлэх брэндүүд бараг бүгдээрээ хүмүүсийн ухамсарт анх түрүүнд нэвтэрсэн брэндүүд байдаг. Машин түрээслэх үйлчилгээнд Hertz, компьютерт IBM, ундаанд Coca Cola гэх мэт.

Дэлхийн 2-р дайны дараагаас Америкийн зах зээлд худалдаалагдах болсон хамгийн анхины импортын шар айраг нь Heineken юм. Тэгвэл өнөөдөр ямар импортын шар айраг Америкт хамгийн ихээр худалдаалагдаж байна вэ? Хамгийн амттай нь уу? Эсвэл Heineken уу? Мэдээж Heineken. Өнөөдөр Америкт импортын шар айрагны 425 брнд байна. Эдгээрийн дотор Heineken-с илүү амттай шар айраг байж л байгаа. Гэвч бодит байдал дээр ямархуу байна вэ? Heineken өнөөдөр №1 импортын шар айраг бөгөөд зах зээлийнхээ 30%-ийг эзэлж байна.

Дотодын хамгийн анхны тунгалаг шар айраг бол Miller Lite. Өнөөдөр дотоодын ямар тунгалаг шар айраг Америкт хамгийн ихээр борлогдож байна вэ? Хамгийн сайхан амттай нь уу? Эсвэл хүмүүсийн тархинд хамгийн анх буусан нь уу?

Анхдагч бүхэн тэр бүр амжилттай байдаггүй. Цаг үе гэж нэг хүчин зүйл бий. Үүнээс болоод таны анхдагч байдал хоцрогдож болно. Жишээлбэл: USA Today хамгийн анхны үндэсний эмжээний сонин. Гэвч тун тааруухан амжилттай байна. Тус сонин аль хэдийнээ 800 сая Америк долларын алдагдалд ороод байгаа бөгөөд ашигтай ажилласан жил гэж нэгээхэн ч байсангүй. Магадгүй телевизийн эрин зуунд үндэсний хэмжээний өдөр тутмын сонин байна гэдэг хоцрогдсон хэрэг байх л даа.

Зарим анхдагчид хэзээ ч газар авхааргүй тун тааруухан, ядмаг идейтэй байдаг. Frosty Paws бол нохойнд зориулсан хамгийн анхны зайрмаг. Нохойнууд үүнд их дуртай, харин эзэд нь үүнийг нэг их таашаахгүй байлаа. Эзэд нь өөрсдийнх нь иддэг зайрмагийг нохой нь долоох шаардлагагүй, ноход зөвхөн тавгаа л долоож байвал барав хэмээн бодож байв.

Манлайллын хууль ямар ч бүтээгдэхүүн, ямар ч брэнд ямар ч категорт үйлчилдэг. Та Америкийн хамгийн анхны коллежийн нэрийг мэдэхгүй байж болох юм. “Анхны” гэдэг үгийг “Тэргүүлэх” гэдэг үгээр соливол тааврын хариуг амархан олох болно. Бараг ихэнх хүмүүс Америкт хамгийн анх байгуулагдсан коллеж гэвэл Харвардыг нэрлэх байх. (Америкт байгуулагдсан хоёрдох коллежийн нэрийг мэдэх үү? Энэ бол алдар хүндээрээ Берт Хинклерээс төдий л дээрдэхээргүй Вильям энд Мэригийн коллеж юм.)

Манлайллын хууль сэтгүүлд ч бас үйлчилдэг. Time сэтгүүл Newsweek-с, People сэтгүүл Us-ээс, Playboy Penthouse-аас хамаагүй илүү нэр хүндтэй бөгөөд эд бүгд тэргүүлэх байр суурьтай сэтгүүлүүд юм. TV Guide-ийг мжишээ болгон аваад үзье. Тавиад жилийн өмнө хэвлэлийн хүчирхэг магнат Curtis Publishing компани телевизийн хөтөлбөрийн сэтгүүлийн зах зээлд энэ талбартаа анхдагч TV Guide-тай өрсөлдөхөөр хөл тавьж байлаа. Хэдийгээр TV Guide-д давуу тал гэхээр юм байгаагүй ч Curtis-н хэвлэлийг ардаа хол орхиж, уг зах зээлдээ тэргүүлэх байр сууриа хэвээр нь хадгалсан юм. Curtis-н хүч чадал үүнд тус болсонгүй.

Манлайллын хууль автомашин, компьютерийн салбарт мөн үйлчилнэ.

Жийп болон давхар мосттой, бартаат замын төрөлд багтах анхны машин. Acura Японы тансаг ангиллын машинууд дотроо анхдагч нь. IBM том оврын компьютерт анхдагч нь. Sun Microsystems компани вөкстейшн компьютерт анхдагч нь. Эд бүгд тэргүүлэх брэндүүд.

Chrysler анхны миниваныг нэвтрүүлсэн. Өнөөдөр Chrysler автомашины зах зээлийн арван хувийг, миниваны зах зээлийн тавин хувийг тус тус эзэлж байна. Автомашины маркетингийн мөн чанар нь илүү сайн машин хийхэд үү? Эсвэл зах зээлдээ анхдагч болоход байна уу?

Ширээний хамгийн анхны лазер принтерийг Hewlett Packard хэмээх компьютерийн компани зах зээлд гаргасан. Өнөөдөр энэ компани персональ компьютерийн зах зээлийн таван хувийг, лазер принтерийн зах зээлийн дөчин таван хувийг тус тус эзэлж байна.

Gilette анхны аюулгүй сахлын татуурга. Tide анхны угаалгын нунтаг. Heis анхны компьютерийн модем. Эд бүгд тэргүүлэх брэндүүд.

Анхдагч брэндийг тэргүүлэх брэнд болоход нөлөөлдөг нэг хүчин зүйл бол түүний нэр бөгөөд тэр нь ихэвчлэн тухайн категороо төлөөлж чадахуйц ерөнхий нэр болж чаддагт байгаа юм. Хамгийн анхны оффисын зориулалттай хувилагч машин болох Xerox нь бусад бүх хувилагчдыг төлөөлж чадах ерөнхий нэр болж чаджээ. Хүмүүс Ricoh, эсвэл Sharp, эсвэл Kodak хувилагчийн өмнө зогсчихоод “үүнийг яаж ксерокдох вэ?” гэж асуудаг.

Хайрцган дээр нь тодоос тод Scott гээд биччихсэн байхад “Kleenex өгөөч” гэж гуйдаг.

Скоч гэхийн оронд наадаг гялгар хальсан тууз авья гэж сураглах хүн хэд билээ. Брэнд түгээмэл нэр болох үед хүмүүс ихэвчлэн түүний нэрийг хэрэглэдэг. Band-Aid, Fiberglass, Formica, Gore-Tex, Jello, Krazy Glue, Q-Tips, Saran, Wrap, Velcro гээд цөөн хэдийг нэрлэж болох юм. Зарим хүмүүс “энэ илгээмжийг Бостонруу Федекс-дчих ” гэж ярьдаг шүү дээ. Хэрэв та шинэ категорт анхдагч брэндийг танилцуулж байгаа бол түгээмэл нэр болж чадахуйц тийм нэрийг сонгож авах хэрэгтэй. “Хуульчид эсрэгээр зөвлөдөг. Тэд маркетингийн хуулийн талаар юу мэдэх билээ дээ.”

Зөвхөн анхдагч брэнд манлайлагч болоод зогсохгүй, бусад брэндүүдийн зах зээлд гарсан дараалал нь ч тухайн зах зээлд эзлэх байр суурийг ихэвчлэн тодорхойлж байна. Өвчин намдаах эм үүний сонгодог жишээ болж чадна. Advil анхдагч, Nuprin удаах, Medipren гуравдахь брэнд юм. Эдгээр брэндүүдийн борлуулалтад эзлэх хувь бүр 51%, 10%, 1% байна.

Уг зах зээлд орж ирсэн 4 дэх брэнд бол Motrin IB. Хэдийгээр энэ эм өвчин намдаах эмийг хэрэглэх маш сайн заавартай боловч зах зээлийнхээ ердөө 15% ийг эзэлж байна. “Advil бол зааварт Motrin IB өвчн намдаах эм” гэсэн ойлголт хэрэглэгчдийн ухамсарт бүр тогтчихсон. Дээр нь Advil гэдэг нь ерөнхий нэр болчихсоныг дурдах хэрэгтэй. Өвчин намдаах эм гэдэг үгийг хэрэглэдэг хүн маш ховор. Эмч өвчтөнд “Хоёр Advil авч уугаарай” гэж хэлж байх жишээтэй.

Амжилтын нууц нь хэрэглэгчдийн ухамсарт анхдагч болоход оршиж байхад ихэнх компаниуд ямар стратегийг сонгодог билээ? Тэд илүү сайн бүтээгдэхүүн хийх стратегийг сонгодог. Өнөөдөр бизнесийн удирдлагын хүрээнд моодонд ороод байгаа нэр томъёо бол benchmarketing юм. “Өрсөлдөөний гайхамшигт стратеги” гэж өргөмжлөгдөөд байга энэхүү benchmarketing хэмээх ойлголт нь өөрийнхөө бүтээгдэхүүнийг тухайн салбартаа хамгийн шилдэгт тооцогдох бүтээгдэхүүнтэй харьцуулан жишиж, үнэлэх арга юм. Энэ аргын зайлшгүй элементийг “нэгдмэл чанарын менежемент” гэж нэрлэж байна.

Харамсалтай нь benchmarketing үр дүнтэй арга огт биш. Бодит байдлыг үл хайхран хэрэглэгчид ухамсарт анхдагч болж чадсан бүтээгдэхүүнийг л хамгийн сайн нь гэж ойлгодог. Маркетинг бол бүтээгдэхүүнүүдийн биш, сэтгэгдлүүдийн тулаан билээ. Та аспирин, парацетамол болон өвчин намдаах эмүүдийн анхны брэндүүдийн нэрийг мэдэх үү? (бяцхан зөвлөгөө: “анхны” гэдэг үгийг “тэргүүлэх” гэдэг үгээр солих юм бол та дээрх асуултад хялбархан хариулах болно.)

Чарльз Шаб өөрийгөө Америкийн хамгийн том хямдралын брокер гэж тооцдог байлаа. Түүнийг хямдралын брокерийн бизнесийн Чарльз Линдберг гэж хэлвэл та гайхах уу?

Нейл Армстронг саран дээр хөл тавьсан анхны хүн. Тэгвэл 2 дахь нь хэн бэ?

Рожер Баннистер нэг мильд 4 минут гүйсэн анхны хүн. Хоёрдох нь хэн бэ?

Жорж Вашингтон АНУ-ын анхны ерөнхийлөгч 2 дох нь хэн бэ?

Thomas бол Англи маффин талхны анхны брэнд. Хоёрдох нь?

Gatorade анхны спортын ундаав Хоёрдох нь?

Хэрэв та хүмүүсийн ухамсарт Баз Алдрен, Жон Лэйнди, Жон Адамс, хэнч үл мэдэх маффин талх, хэнч үл мэдэх спортын ундаа шиг хоёрдогч болж байгаа бол үүрд мартагдах тавилантай гэж үү?

Заавал тийм байх албагүй. Азаар энэ таагүй хувь тавиланг өөрчилж болох маркетингийн бусад хуулиуд байдаг юм.

Дүрдэг цай яаж бүтэв

2009-09-21T02:37:00.001+08:00

Дүрдэг цайг санамсаргүйгээр зохион бүтээжээ

1908 онд Нью – Иоркийн цайны худалдаачин Томас Сулливан санамсаргүйгээр дүрдэг цайг зохион бүтээжээ.
Энэ нь одоо их Британийн 24 сая гэр бүл төдийгүй дэлхий дахинаа хүн төрөлхтөний өдөр тутмын хэрэглээ болтлоо түгэн дэлгэрчээ.
Хэдэн будилуу Америк энэ хэрэгт оролцоогүйсэн бол бид өдийд дүрдэг цай гэдгийг мэдэх ч үгүй сууж байх байсан бизээ.
Сулливан зардал хэмнэх үүднээс хэрэглэгчдэд цайгаа амтлуулахаар жижиг торгон уутнуудад савлаж явуулсан байна. Харин сурталчилгааны цайг хүлээн авсан америкчууд учрыг нь сайн ололгүй торгон ууттай чигээр нь халуун усанд хийж эхлэснээр дүрдэг цай үүссэн байна.
Хэрэглэгчид уг цайны уутны торго хэтэрхий нягт байна гэж гомдоллосон тул Сулливан түүнийг арай сиймгэр торгомсог даавуугаар хийснээр орчин үеийн дүрдэг цайны уутыг бий болгох нөхцөл бүрджээ.
1953 онд хүртэл дүрдэг цайг зөвхөн амталгааны зориулалтаар л хэрэглэдэг байв.
Харин 1953 онд Британы цай үйлдвэрлэгч ТЭТЛИ компани дүрдэг ууттай цайны худалдааны ач холбогдлыг анх олж харжээ. Ингэснээр ТЭТЛИ компани дүрдэг цайг өргөн хэрэглээнд нэвтрүүлсэн байна.
Тэтли нь долоо хоног бүр 200 сая уут дүрдэг цайг үйлдвэрлэдэг компани юм. Эднийх 1964 онд уутыг жижиг нүхтэйгээр хийх болсон нь борлуулалтыг эрс өсгөсөн байна.
1989 онд Тэтли стандарт буюу тэгш өнцөгт хэлбэртэй уутны оронд дугуй маягийн уут ашиглаж эхэлжээ. Харин хэдэн жилийн дараа мушгиж хандалж болдог уут зохион бүтээв.
Их Британийн цайны зөвлөлийн дарга Вильям Горман “Дүрдэг уут нь цайны үйлдвэрлэлийг аварсан гэдэг нь ямар ч эргэлзээгүй” гэж үнэлсэн байдаг.
ТЭТЛИ цай Монголд 2009 оны 1 сараас эхлэн худалдаалагдаж эхэлсэн бөгөөд ТЭТЛИ та бүхний амтархан уух дуртай цайны нэг болно гэдэгт гүнээ итгэлтэй байна.
ТЭТЛИ - Хүн бүрийн уух дуртай, Английн номер 1 цай

Цайны түүх, сонин хачин
• Цайг хятадууд одоогоос 5000 жилийн өмнө хэрэглэж эхэлжээ. Их Британид XVII зуунд ургамлын гаралтай эм болгон хэрэглэсэн
• Хүмүүс анх хандалсан цайны навчийг зажлахаас цааш хэтэрдэггүй байв
• Тэтли 7 хоногт хөл бөмбөгийн 128 талбайг бүрж чадах хэмжээний материалаар дүрдэг уут хийдэг
• Жирийн дүрдэг уутанд 2000 орчим жижиг нүх байдаг
• Дүрдэг уутны боломжит бүх л хэлбэр нь патентлагдсан байна. Жишээ нь цилиндр хэлбэрийн уут хүртэл байдаг байна.
• Хүн өдөрт дунджаар 4 аяга цай уудгийн 96 хувь нь дүрдэг цай байдаг ажээ
• Дүрдэг уутанд дунджаар 2,5 гр цай савлагдсан байдаг.

Гар утасны дэлхийн зах зээл

2009-09-21T02:31:00.002+08:00

Энэ оны 1 дүгээр улиралд гар утасны дэлхийн зах зээл уналттай байв. "IDC"-ийн мэдээгээр, үүрэн утасны худалдаа өнгөрсөн оны мөн үеэс 15.8 хувиар, "CCS Insights''-ийн судалгаагаар 14.8 хувь, харин "Strategy Analytics''-ээр 13 хувиар тус тус буурчээ. Ялангуяа "Моторола" фирмийх 46.4 хувиар хорогдож, 231 сая долларын алдагдалтай ажилласан байна.

Худалдааны бууралтаараа хоёрт "Sony Ericsson" компани орж, 35 хувиар борлуулалт нь унажээ. Харин бусад үүрэн телефоны оператор дотроос "Нокиа"-гийн худалдаа арай гайгүй байна. Шинжээчдийн үзэж буйгаар, гар утасны нийлүүлэгчдийн хувьд смартфоны худалдааны зах зээл ойрын хугацаанд өсөх хандлагатай байна гэнэ.

Эх сурвалж: Business times